Chapter Title : ഏദൻ തോട്ടത്തിന്റെ കാവൽക്കാരൻ 11 [സഞ്ജു സേന]

..''

ഒന്ന് രണ്ട് തവണ വാതിലിൽ മുട്ടിയപ്പോൾ ജയന്റെ പതിഞ്ഞ ശബ്ദം കേട്ടു..

''ഞാനാ..അർജുൻ..''

കതകിന്റെ കുറ്റി ഉള്ളിൽ നിന്നു നീക്കുന്ന ശബ്ദം ..ജയനെ വിശ്വസിക്കാൻ പറ്റില്ല ,അത് കൊണ്ട് തോക്കെടുത്തു തയ്യാറായാണ് നിന്നതു..വാതിൽ തുറന്നു അവൻ ആദ്യം നോക്കിയതും അതിലേക്കാണ് ,തോക്കിലേക്കും പിന്നെഎന്‍റെ മുഖത്തേക്കും ഭയപ്പാടോടെ നോക്കിയ അവനോടു ഞാൻ മുറിയിലേക്ക് നടക്കാൻ ആംഗ്യം കാണിച്ചിട്ട് തിരിഞ്ഞു വാതിൽ അകത്തു നിന്ന് കുറ്റിയിട്ടു..

മുൻപ് കണ്ടത് പോലെ പൊടിപിടിച്ചല്ല വീട് കിടക്കുന്നതു ,ഉള്ളിൽ ഒരു കുടുംബത്തിന് താമസിക്കാൻ പാകത്തിൽ എല്ലാം സംജ്ജീകരിച്ചിട്ടുണ്ട്..മൊത്തമൊന്നു കണ്ണോടിച്ചു ഞാനവൻ പോയ മുറിയിലേക്ക് ശ്രദ്ധയോടെ നടന്നു..കരുതൽ എന്ന വണ്ണം തോക്ക് നീട്ടിപ്പിടിച്ചു തന്നെയാണ് വാതിൽപ്പടി കടന്നത്..

''അമ്മെ..''

ജയന്റെ ഭയം നിറഞ്ഞ വിളി കേട്ടു ചെറിയമ്മ തലയുയർത്തി..മുടിയൊക്കെ നേരത്തെ കണ്ട കോലത്തിൽ തന്നെ പാറി കിടക്കുകയാണ് , സാരി മൊത്തത്തിൽ വാരിപ്പുതച്ചു കട്ടിലിൽ ഇരിന്നിരുന്ന ചെറിയമ്മ എന്നെ കണ്ടതും ചാടിയെണീറ്റു കാലിലേക്ക് വീണു..

'' മോനെ, ചെറിയമ്മ കുടുങ്ങി പോയതാ..''

പ്രതീക്ഷിക്കാതെ പെട്ടെന്നവർ കാലിലേക്ക് വീണ ഷോക്കിലും ആദ്യം നോക്കിയത് ജയനെ ആയിരുന്നു..അവൻ ഭയപ്പാടോടെ എന്നെ നോക്കി കൊണ്ട് ഒരു മൂലയിലേക്കിരുന്നു ..

''നമുക്ക് സംസാരിക്കാം ,ചെറിയമ്മ ആദ്യം എഴുന്നേൽക്ക് , ഉം ,..';'

പിസ്റ്റലിന്റെ കുഴൽ തലയിൽ തട്ടിയപ്പോൾ അവർ ഭീതിയോടെ കൈകൂപ്പി എഴുന്നേറ്റു ഭിത്തിയിലേക്ക് ചാരി നിന്നു..

''ആദ്യം ഈ കോലമൊന്നു മാറ്റ് ,ഇവിടുത്തെ ബാത്ത് റൂം ശരിയാക്കിയിട്ടില്ലേ ,''

അവർ ഉണ്ടെന്നു തലയാട്ടി..

''കുളിച്ചു മാറാൻ ഡ്രെസ്സില്ലെങ്കിൽ പോയി എടുത്തു വരാം ,''

''വേണ്ട ,പൂജ കഴിഞ്ഞു ഇങ്ങോട്ടു താമസം മാറുന്നത് കൊണ്ട്, ഇന്നുച്ചയ്ക്ക് ഡ്രെസ്സൊക്കെ ഇങ്ങോട്ടു കൊണ്ട് വന്നിരുന്നു..''

''എന്നാൽ നിങ്ങള് രണ്ടാളും കുളിച്ചു ഡ്രസ്സ് മാറ്റ് ,ഞാൻ പുറത്തു നിൽക്കാം.. ''

കയ്യിൽ തോക്കും കണ്ണിൽ ആത്മവിശ്വാസവും ഉണ്ടെങ്കിലും ഉള്ളിൽ ചെറിയ ഭയമുണ്ട് ,അമ്മയും മോനും കൂടി വല്ലതും ചെയ്‌താൽ ,കൂട്ടിനു അഞ്ജു ചേച്ചിയെ കൂടി വിളിച്ചാലോ ,വേണ്ട ...,തല്ക്കാലം ഇത് ഒറ്റയ്ക്ക് മതി.വൈത്തിയെ പൊക്കിയത് ഇത്രയും പേരല്ലാതെ വേറാരും അറിയരുത്..അരുണിന്റെ സർവ്വസൈന്യാധിപനാണ് വൈത്തി ,