Chapter Title : ?ഏദൻ തോട്ടത്തിന്റെ കാവൽക്കാരൻ 13?[സഞ്ജു സേന]

നിന്ന് എന്റെ ആളുകൾ വരുന്നുണ്ട്, കഷ്ടി ഒരു മണിക്കൂർ അതിനുള്ളിൽ അവരെത്തി ഇവനെ കൊണ്ട് പൊയ്ക്കൊള്ളും ,അതിർത്തി കടന്നു പോകും വരെ നമ്മളെല്ലാം അലെർട് ആയി നിൽക്കണം ,ഏതു സമയത്തും നീങ്ങേണ്ടി വരും ...''

''പ്രശ്നമില്ല ,ഞാനിപ്പോൾ തന്നെ ചേച്ചിയെ കൊണ്ടാക്കി പെട്ടെന്ന് തിരിച്ചു വരാം,, ''

''ഓ, അത് വേണ്ട അർജുൻ, ഞങ്ങൾ ഹാൻഡിൽ ചെയ്തോളാം..നീ ചേച്ചിയെ കൊണ്ടാക്കി കൂടെ തന്നെ നിൽക്കണം . ആവശ്യമുണ്ടെങ്കിൽ ഞങ്ങൾ ആരെങ്കിലും വിളിക്കും , പാവം ....പരിചയമില്ലാത്ത അനുഭവങ്ങളല്ലേ പേടിച്ചു കാണും, ''

''ഓ അത് സാരമില്ല മാഡം.. വീട്ടിൽ എല്ലാവരുമുള്ളതല്ലേ ,ഞാൻ കൂട്ട് നിൽക്കണമെന്നില്ല ''

''വേണ്ട അർജുൻ, എനിക്ക് മനസ്സിലാകും ഇവളുടെ മനസ്സ്, എന്റെ വീട്ടിലുമുണ്ട് ഇത് പോലെ പരസ്പരം സ്നേഹിച്ചു കൊല്ലുന്ന ഒരു ചേച്ചിയും അനിയനും....പൊയ്ക്കൊള്ളൂ എല്ലാം പിന്നീട് പറയാം.. ''

''മാഡം.. ''

''അർജുൻ പറഞ്ഞോളൂ ... ''

''വൈത്തിയെ അറിയാലോ, വരുന്നവരുടെ കയ്യിൽ നിന്നും ഒരിക്കലുമവൻ... ......''

''അറിയാം അർജുൻ, ഇത്തരം ആളുകളോട് ഒരു ദയയും കാണിക്കാത്തവരാണ് എന്റെ കൂടെയുള്ളവർ , ജീവിതത്തിലെ നരകയാതനകൾ എന്നെപോലെ അനുഭവിച്ച ഹിജഡകളാണ് ഇവനെ കൊണ്ട് പോകാനായി വരുന്നത്..പല ഘട്ടങ്ങളിലായി ഞാൻ രക്ഷിച്ചെടുത്തവർ , മൈസൂരിലെ താവളത്തിൽ ഇനിയുള്ള ദിവസങ്ങൾ ഇവന് വേണ്ടിയവർ ഒരു നരകം തീർക്കും.. അവർക്ക് മതിയാകും വരെ.. ശേഷം ഏതെങ്കിലും ഹൈവേയിൽ .എന്നെ തള്ളിയ പോലെ ..വാഹനങ്ങൾക്കിടയിൽ ചതരഞ്ഞു അജ്ഞാത മൃതദേഹമായി , ...''

''അർജുൻ..''

വാസുകി പറയുന്നതുകേട്ടു ചേച്ചിപെണ്ണ് എന്നെ ഇറുക്കി പിടിച്ചു നെഞ്ചിലേക്ക് ഒന്ന് കൂടി മുഖമമർത്തി ..

''അർജുൻ നിൽക്കേണ്ട , പൊയ്ക്കൊള്ളൂ..ഉം.. ''

അത് കണ്ടു വാസുകി ചിരിച്ചു കൊണ്ട് എന്റെ പുറത്തു തട്ടിയിട്ട് താഴേക്ക് നടന്നു..

''ചേച്ചി അവർ പോയി, പോകേണ്ടേ നമുക്ക്.. ചേച്ചി..''

''എല്ലാം കേട്ടിട്ട് എനിക്ക് പേടിയാകുന്നെടാ.. ''

''ഞാനുളളപ്പോഴോ.. ''

അവൾ മറുപടി പറയാതെ എന്റെ കണ്ണിൽ തന്നെ നോക്കി നെഞ്ചിൽ തല വച്ചു കുറച്ചു നേരം നിന്നു .

''പേടി മാറിയോ,, ''

അവൾ ഇല്ലെന്നു തലയാട്ടി..

''ഇപ്പോഴോ,,?

കൈകൾ