Chapter Title : ?ഏദൻ തോട്ടത്തിന്റെ കാവൽക്കാരൻ 13?[സഞ്ജു സേന]

മുഖം വീർപ്പിക്കലും വാശിയും കണ്ടപ്പോൾ ഇനി അടുത്ത കാലത്തൊന്നും തന്നോട് മിണ്ടുക പോലുമില്ലെന്ന് തോന്നിയതാണ് ,പക്ഷെ എത്ര പെട്ടെന്നാണ് പെണ്ണിന്റെ ഭാവം മാറിയത് ....

വണ്ടിയിൽ പരതിയപ്പോൾ ഒരു വെള്ളക്കുപ്പി കിട്ടി , അതുമായി ഡോർ തുറന്നു പുറത്തിറങ്ങി മുഖം ശരിക്ക് കഴുകി ,, ..എന്നിട്ടും ക്ഷീണം അങ്ങ് വിട്ടു പോകുന്നില്ല , കുറച്ചു നേരം കാറിൽ കിടന്നാലോ ? വേണ്ട ഡോക്ടർ സരോജം തന്ന നമ്പറിൽ വിളിച്ചപ്പോൾ കാണാമെന്നു പറഞ്ഞിരിക്കുന്ന സമയം പത്തരയാണ് , അത് കഴിഞ്ഞു പത്തു പതിനഞ്ചു മിനിറ്റ് വേണ്ടി വരും സിറ്റി ഹോസ്പിറ്റലിലേക്ക് , അതിനിടയ്ക്ക് ഇവരിതെവിടെ പോയി ? സമീറയെ കൂട്ടിയിട്ടു വരാമെന്നു പറഞ്ഞു പോയ ആകാശിനെയും കാണുന്നില്ല , അവിടം വരെ പോയി വരാൻ ഇത്ര സമയമോ ? ചെറിയമ്മായി തറവാട്ടിലായതു കൊണ്ട് രാത്രി പോരാൻ പ്രശ്നങ്ങളൊന്നും ഉണ്ടാകാനിടയില്ല , ചിന്തിച്ചു നിൽക്കുമ്പോഴേക്കും ഒരു വാഹനം ഗ്രൗണ്ടിന്റെ പൊളിഞ്ഞു കിടക്കുന്ന ഗേറ്റ് നു അടുത്ത് വന്നു നിൽക്കുന്നത് കണ്ടു . ..,മുകളിലെ ലൈറ്റ് കണ്ടപ്പോൾ ഒന്ന് പതറിയതാണ് , പക്ഷെ സൂക്ഷിച്ചു നോക്കിയപ്പോൾ പിങ്ക് പോലീസിന്റെ സ്വിഫ്റ്റ് ഡിസൈർ ആണെന്ന് മനസ്സിലായതോടെ അതങ്ങു മാറി . ,പ്രിയയാണ് ..നേരത്തെ വിളിച്ചപ്പോൾ പറഞ്ഞിരുന്നു ഈ വണ്ടിയിലാണ് വരികയെന്ന് ...

''അർജുൻ ഞാൻ വൈകിയില്ലല്ലോ ?''

''കുറച്ചു ,...അവർ പത്തര കഴിഞ്ഞു ഏതു നിമിഷവും പറഞ്ഞിരിക്കുന്ന സ്പോട്ടിലെത്തും .''

''സോറി ,കുട്ടികളെ കണ്ടു കുറച്ചു നേരം അവർക്കൊപ്പം ഇരുന്നു പോയി അതാ ലേറ്റ് ആയതു ..''

''അവരെങ്ങനെ ? അവിടെ വേറെ ബുദ്ധിമുട്ടൊന്നുമില്ലല്ലോ അല്ലെ ''

''ഇല്ല ,, അവർ ഹാപ്പിയാണ് , താങ്ക്സ് അർജുൻ, അങ്ങനെയൊരു സ്ഥലം കിട്ടിയത് കൊണ്ട് രക്ഷയായി ..''

''എന്നോടെന്തിനാ താങ്ക്സ് മാഡം ,നമ്മൾ എല്ലാവരും രക്ഷപെടാൻ ഒന്നോടി നോക്കുന്നവരല്ലേ ? ആ ഓട്ടത്തിൽ ,കൈകോർത്തു പിടിക്കാൻ പറ്റുന്നില്ലെങ്കിൽ പിന്നെ ......ആട്ടെ ഗായത്രി മാഡത്തെ കുറിച്ച് എന്തെങ്കിലും ? .''

''ഡി വൈ എസ് പി റഷീദ് സാർ എന്തെങ്കിലും വിവരം കിട്ടുമോന്നു നോക്കുന്നുണ്ട് ,ആളും ആകെ