Chapter Title : ?ഏദൻ തോട്ടത്തിന്റെ കാവൽക്കാരൻ 13?[സഞ്ജു സേന]

പേടിച്ചിട്ടാണ് ഉള്ളത് , മാഡം പെട്ടാൽ ഞാനും റഷീദ് സാറുമൊക്കെ തീരും അതുറപ്പാണ് .''

''അല്ല നിങ്ങടെ റഷീദ് സാർ എങ്ങനെ ഇതിനിടയ്ക്ക് ,,വിശ്വസിക്കാമോ ?''

''പ്രാർത്ഥിക്കുവാൻ എല്ലാവർക്കും ഓരോ കാരണം വേണമെന്ന പരസ്യം കണ്ടിട്ടില്ലേ ? അത് പോലെ തന്നെ സാറിന്റെ കാര്യവും , രണ്ടു കുട്ടികൾക്കും അമ്മയ്ക്കും കേറികിടക്കാൻ അടച്ചുറപ്പുള്ള ഒരു വീടിനു വേണ്ടിയാണു ഞാൻ ഗായത്രി മാഡത്തിന്റെ കൂടെ ചേർന്നത് , വൈത്തി തന്റെ ഭാര്യയെ അവന്റെ ലൈംഗിക വൈകൃതങ്ങൾക്ക് ഇരയാക്കുന്നതറിഞ്ഞിട്ടും മൂന്നു കുഞ്ഞു മക്കളെ ചേർത്ത് പിടിച്ചു ഒന്നും കണ്ടില്ലെന്നു നടിച്ചു ജീവിക്കേണ്ടി വരുന്ന നിസ്സഹായതയിൽ നിന്നും എന്നെങ്കിലും ഒരു മോചനം കിട്ടുമോ എന്ന പ്രതീക്ഷയിൽ റഷീദ് സാറും ..

''വൈത്തി റഷീദ് സാറിന്റെ ഭാര്യയെ ? ഛെ ..... അറിഞ്ഞിട്ടും പ്രതികരിക്കാതെ ..അങ്ങേരെന്തു മനുഷ്യനാണ് ?''

''പുറത്തു നിന്ന് പറയാൻ എളുപ്പമാണ് അർജുൻ ,പക്ഷെ ....ഒരാവേശത്തിൽ രണ്ടും കൽപ്പിച്ചു റഷീദ് സാറിന് വേണമെങ്കിൽ ..കയ്യിൽ സർവീസ് പിസ്റ്റളുണ്ട് ? പക്ഷെ അതിനു മുന്നേ പന്ത്രണ്ടും എട്ടും , അഞ്ചും വയസ്സുള്ള മൂന്നു പിഞ്ചുമക്കളെ കഴുത്തു ഞെരിച്ചു കൊല്ലേണ്ടി വരും ..അല്ലെങ്കിൽ സാറും ഭാര്യയും മാത്രമല്ല ആ കുഞ്ഞുങ്ങൾ കൂടി കൊല്ലാകൊല ചെയ്യപ്പെടും ...ഒരു ഡി വൈ എസ് പി യൊന്നും അവരുടെ സ്വാധീനത്തിനു മുന്നിൽ ഒന്നുമല്ല ''

ശരിയാണ് ഗ്രൗണ്ടിന് പുറത്തു നിൽക്കുന്നവന് അഭിപ്രായം പറയാം കുറ്റപ്പെടുത്താം പക്ഷെ ഉള്ളിൽ നിൽക്കുന്നവന് അതാകില്ല , ജയിച്ചാൽ ആഘോഷിച്ചു കൂടെ കൂടുന്ന ആൾക്കൂട്ടം പക്ഷെ പരാജയപ്പെട്ടാൽ പരിഹസിച്ചു പവലിയൻ വിട്ടു പോകും ,,കരയാൻ കളിക്കളത്തിൽ നിൽക്കുന്നവൻ മാത്രമേ ഉണ്ടാകു .. അത് കൊണ്ട് തന്നെ കൂടുതൽ ചോദ്യങ്ങൾക്ക് നിന്നില്ല ...... സമ്പത്തും അധികാരവും സംഘബലവും ഉള്ളവന് മുന്നിൽ നിയമം പോലും നിസ്സഹായരായ ഈ കാലത്തു ആ കുഞ്ഞുങ്ങളുടെ വിധിയറിയാൻ കൂടുതൽ ആലോചിക്കേണ്ട കാര്യമില്ലല്ലോ എനിക്ക് ..

''അത് സമീറയാണെന്നു തോന്നുന്നു ''

പ്രിയ പറഞ്ഞത് കേട്ട് നോക്കുമ്പോൾ ഗേറ്റ് നു എതിർവശത്തു ഒരു ബൈക്ക് വന്നു നിന്നു ,അതെ അവള് തന്നെയാണ് ,ആകാശ്