Chapter Title : ?ഏദൻ തോട്ടത്തിന്റെ കാവൽക്കാരൻ 14?[സഞ്ജു സേന]

നേതാജി നഗറിനു ,റോഡിനു വശങ്ങളിലായി പുൽത്തകിടിയും ഇന്റർലോക്ക് വച്ച നടപ്പാതയും ഒക്കെയായി മനോഹരമാക്കിയിരിക്കുന്നു ,ഇടവിട്ടുള്ള വലിയ മതിക്കെട്ടുകൾക്കുള്ളിൽ കൊട്ടാരസദൃശ്യമായ വീടുകൾ ,ആദ്യത്തെ രണ്ടു ലൈനുകൾ കഴിഞ്ഞു ഒരു പ്ളേസ്കൂൾ ബോർഡ് കണ്ടു ,,അതിനപ്പുറത്തു കാണുന്ന ആ ഇരുനില വീട് ,അതെ അത് തന്നെയാണ് ഞാൻ തിരക്കി വന്ന ഹൌസ് നമ്പർ 28 ..പക്ഷെ ആദ്യം 33 -ൽ പോയി ദീപ മാഡത്തിന് അടുത്ത് കത്രീനയെ എത്തിക്കണം ,എല്ലാ ഗേറ്റുകൾക്ക് മുന്നിലും സി സി ക്യാമെറകൾ കണ്ടു ,മിക്കവാറും ഗേറ്റിലെ സെക്യൂരിറ്റി ക്യാബിനിലേക്ക് അവ കണക്ട് ചെയ്തിട്ടുണ്ടാകാനാണ് സാധ്യത ,, അകത്തു കയറിപ്പറ്റി ,അങ്ങനെയെങ്കിൽ ഇനി ക്യാമറ കണ്ണുകളെ കബളിപ്പിച്ചു 28 നു മുന്നിൽ നിരീക്ഷണം നടത്തി ആലീസ് വന്നു പോയിട്ടുണ്ടോ എന്ന് നോക്കുന്നത് കുറച്ചു റിസ്‌ക്കാണ് ..

''അർജുൻ ഇതാണ് വീട് ....'' കത്രീന ഹൌസ് നമ്പർ 33 എന്ന ബോർഡ് ചൂണ്ടി കാണിച്ചു കൊണ്ട് പറഞ്ഞു , ഞങ്ങളെ പ്രതീക്ഷിച്ചെന്ന പോലെ ഗേറ്റ് തുറന്നു കിടപ്പുണ്ട് .നേരെ ബൈക്ക് ഇന്റർലോക്ക് ചെയ്ത മുറ്റത്തേക്ക് ഒടിച്ചു കയറ്റി നിർത്തി . ,, മൂന്നു നിലകളിൽ വിശാലമായൊരു കൊട്ടാരം തന്നെ,, ബൈക്ക് വന്നു നിന്ന ശബ്ദം കേട്ട് ഒരു വയസ്സായ സ്ത്രീ പുറത്തേക്ക് വന്നു.. ''അകത്തേക്ക് വരൂ, കൊച്ചമ്മ നിങ്ങളെ നോക്കിയിരിക്കുകയാണ്,, '' അവർഞങ്ങളെ രണ്ടാളെയും ഒന്ന് ഇരുത്തി നോക്കി ,പിന്നെ ഒന്ന് ചിരിച്ചെന്നു വരുത്തി അകത്തേക്ക് നടന്നു .. ആർഭാടത്തിന്റെ അവസാനവാക്ക് എന്നൊക്കെ പറയാവുന്ന രീതിയിൽ സഞ്ജീകരിച്ച സ്വീകരണ മുറിയിലേക്ക് മടിച്ചു മടിച്ചാണ് കടന്നു ചെന്നത് ,, വില കൂടിയ ആന്റിക്ക് സാധനങ്ങളുടെ വലിയ നിര തന്നെയുണ്ട് അവിടെ .. ''വാ വാ..'' ശബ്ദം കേട്ടു നോക്കുമ്പോൾ മുകളിൽ നിന്നും പട്ടിൽ പൊതിഞ്ഞ ഒരു സൗന്ദര്യധാമം മെല്ലെ താഴേക്കിറങ്ങി വരുന്നു . സിനിമ നടികൾ പോലും മാറി നിൽക്കും ,... കത്രീനയും എന്നെ പോലെ അന്തം വിട്ടവരെ നോക്കിനിൽക്കുകയാണ് .. ഞങ്ങളങ്ങനെ അമ്പരന്നു നിൽക്കെ അവർ പതുക്കെ കത്രീനയെ തന്നെ അടിമുടി നോക്കി അടുത്തേക്ക് വന്നു,, കത്രീനയുടെ വലിയ