Chapter Title : ?ഏദൻ തോട്ടത്തിന്റെ കാവൽക്കാരൻ 14?[സഞ്ജു സേന]

,സഹായത്തിനു വല്ല വേലക്കാരോ മറ്റോ ഉണ്ടെങ്കിൽ പുറത്തേക്ക് വരുമോന്ന് നോക്കാം ,അതല്ല കുട്ടികളാരെങ്കിലും പുറത്തേക്ക് വന്നാൽ ... ഒന്ന് രണ്ടു മിനിറ്റ് ചുറ്റുമൊന്നു കണ്ണോടിച്ചു ,പിന്നെ പതുക്കെ ഗേറ്റിലെ വിടവിലൂടെ അകത്തേക്ക് നോക്കി , പോർച്ചിൽ ഒരു വെള്ള ഹോണ്ട സിറ്റി പാർക്ക്‌ ചെയ്തിട്ടുണ്ട്... ആലീസ് ഉപയോഗിക്കാൻ സാധ്യതയുള്ള വാഹനങ്ങളുടെ നമ്പറുകൾ പ്രിയ വാട്ട്സ് ആപ്പിൽ നേരത്തെ അയച്ചു തന്നത് ഒന്നുകൂടി എടുത്തു നോക്കി, ഇല്ല ഈ വണ്ടി ലിസ്റ്റിലില്ല.. '' എയ് , ആരെയാ നോക്കുന്നെ '' ചോദ്യം കേട്ട് ഒന്ന് ഞെട്ടി ,തിരിഞ്ഞു നോക്കിയെങ്കിലും ആരെയും കാണുന്നില്ല .. ''എയ് ഇവിടെ ..'' ശബ്ദം പിന്നിൽ നിന്നാണ് , തിരിഞ്ഞു നോക്കി ഒച്ചയല്ലാതെ ആരെയും കാണാനില്ല .. ''കൂയ് ....'' പിന്നിലെ പോഷ് വില്ലയുടെ രണ്ടാം നിലയിൽ നിന്ന് എന്നെ കൈ ഉയർത്തി കാണിക്കുന്ന ആളെ കണ്ടു ആകെ അമ്പരന്നു പോയി....... ഇന്നലെ മാളു പരിചയപ്പെടുത്തി തന്ന സുലുവിന്റെ ഉമ്മ. ഇവർ ഇവിടെ.., . ? '' നിക്ക് ,ഞാൻ താഴേക്ക് വരാം , ഗേറ്റ് ലോക്ക് ചെയ്തിട്ടാ ഉള്ളെ.. ''

അവർ മുകളിൽ നിന്നും വിളിച്ചു പറഞ്ഞു , ഏതായാലും പരിചയമുള്ള ആളെ കണ്ടു കിട്ടിയത് നന്നായി അയൽക്കാർ ആയ സ്ഥിതിക്ക് ആലീസിനെ കുറിച്ച് ഇവർക്കെന്തെങ്കിലും അറിയാതിരിക്കില്ല , ഷൈനി പറഞ്ഞതനുസരിച്ചാണെങ്കിൽ മക്കളെ കാണാൻ ഇടയ്ക്കിടെ വന്നു പോകുന്നതല്ലേ . ''എന്നാലും ന്റെ പടച്ചോനെ ,വിശ്വസിക്കാൻ കഴിയുന്നില്ല ,അന്നെ കുറിച്ച് വിചാരിച്ചതേയുള്ളു ,അപ്പോഴേക്കും ആളതാ മുന്നിൽ .... , വാ... കേറി വാ,,....'' എന്നെ കണ്ടു സുലുവിന്റെ ഉമ്മച്ചി സന്തോഷം കൊണ്ട് എന്താ പറയേണ്ടെന്ന അവസ്ഥയിലാണെന്ന് തോന്നി ,പോയി ...വളരെ കാലമായി പരിചയമുള്ള ആളോടെന്ന പോലെ കയ്യിൽ പിടിച്ചു വലിച്ചവർ അകത്തേക്ക് നടന്നപ്പോൾ നേതാജി നഗറിൽ ആലീസിനെ തേടാനുള്ള വഴി തുറന്നു കിട്ടിയ സന്തോഷത്തോടെ ഞാൻ അവരെ അനുഗമിച്ചു .. '' വാ ഇരിക്ക് , ഞാൻ കുടിക്കാൻ എടുക്കട്ടെ....അല്ല ..എന്താ ഇഷ്ട്ടം മുന്തിരിയോ , ആപ്പിളോ അതല്ല എന്താന്നു വച്ചാലും പറഞ്ഞോളൂ ,