Chapter Title : ?ഏദൻ തോട്ടത്തിന്റെ കാവൽക്കാരൻ 14?[സഞ്ജു സേന]

അർജുൻ ആദ്യായിട്ട് വരുന്നതല്ലേ ,, '' എന്നെ സോഫയിൽ പിടിച്ചിരുത്തി ,ഇപ്പൊ തുള്ളി ചാടും എന്ന ഭാവത്തിലാണ് ... ''ഹ.. ഹ അത് കൊള്ളാല്ലോ , എന്താ ഹോട്ടൽ പരിപാടി ഇവിടെയുമുണ്ടോ ,,'' '' കളിയാക്കേണ്ട എന്റെ യു ട്യൂബിലെ കുക്കിങ് ചാനലിന് എത്ര സബ്സ്ക്രൈബേർസ് ഉണ്ടെന്നറിയാമോ ? '' ''ങേ.. , ഉമ്മച്ചിക്ക് യു ട്യൂബ് ചാനലുമുണ്ടോ ,, '' ''പകല് മൊത്തം ഒറ്റയ്ക്കല്ലേ , ആ സമയത്തു സമയം പോകാൻ ഓരോ.......അല്ല ഇങ്ങക്ക് കുടിക്കാൻ എന്താ വേണ്ടതെന്നു പറഞ്ഞില്ല ,''

'' ഉമ്മച്ചിക്ക് എന്താ ഇഷ്ട്ടം , അത് തന്നെ എടുത്തോളൂ.. '' ''ഉം.. എന്നാൽ കഴിഞ്ഞ ദിവസം യു ട്യൂബിൽ ചെയ്ത ഒരു സ്പെഷ്യൽ മിൽക്ക് ഷേക്ക് ഉണ്ട് അതെടുക്കാം..അപ്പോഴേക്കും വേണമെങ്കിൽ വീടൊക്കെ ഒന്ന് നോക്കി കണ്ടോട്ടോ '' ''ആയിക്കോട്ടെ.. '' ഇങ്ങോട്ട് പറഞ്ഞതല്ലേ ,മടിച്ചില്ല ,അവർ കിച്ചണിലേക്ക് പോയതോടെ ഞാൻ എഴുന്നേറ്റു സ്റ്റെയർകേസ് കയറി നേരത്തെ അവർ നിന്നിരുന്ന ബാൽക്കണി കണ്ടു പിടിച്ചു.. വിവിധ വർണങ്ങളിലുള്ള റോസാച്ചെടികൾ നിരത്തി വച്ചിരിക്കുണ്ട് അവിടെ , അവയുടെ മറവിൽ നിന്ന് ആലീസിന്റെ വില്ലയിലേക്ക് നോക്കി ..പുറത്തൊന്നും ആരെയും കാണാനില്ല .. ''അല്ല ഇജ് ഇവിടെ നില്ക്കാ , ഞാൻ താഴെ മൊത്തം നോക്കി,, '' ''ചുമ്മാ ,‌ ഞാനീ പൂക്കൾ കണ്ടു കയറി നോക്കിയതാ , ഈ ചുവന്ന റോസയല്ലേ ഇന്നലെയെനിക്ക് ഗിഫ്റ്റ് തന്നത് ,,'' അത് കേട്ടതും അവരുടെ മുഖമാകെയൊന്നു തുടുത്തു.. ''ഇത് കുടിക്ക് ,ഞാൻ സ്നാക്സ് എടുത്തു വരാം ,'' '' എയ് വേണ്ട, ..'' ''അത് പറഞ്ഞാൽ പറ്റില്ല ,, ഇവിടെ ആദ്യായിട്ട് വരുന്നതല്ലേ .....'' അതും പറഞ്ഞു ഉമ്മച്ചി തിടുക്കത്തിൽ താഴേക്ക് നടന്നു ,പാളി നോക്കി അവർ താഴേക്ക് പോയെന്നു ഉറപ്പാക്കി വീണ്ടും ആ ബാൽക്കണിയിലേക്ക് നീങ്ങി നിന്ന് നിരീക്ഷണം തുടർന്നു ..ആളനക്കമൊന്നും കാണുന്നില്ല ..ഏതായാലും ഉമ്മച്ചി വരട്ടെ അപ്പുറത്തെ വീട്ടുകാരെ കുറിച്ച് ചോദിച്ചു നോക്കാം ,.അങ്ങനെ നിൽക്കെ ഫോൺ റിങ് ചെയ്തു ,കത്രീനയായിരിക്കും എന്നാണ് കരുതിയത് ,അല്ല പ്രിയയാണ്