Chapter Title : ഏദൻ തോട്ടത്തിന്റെ കാവൽക്കാരൻ 8 [സഞ്ജു സേന]

അനുഭവിക്കാൻ കിട്ടിയാൽ പിന്നെ ആൺപിറന്നവൻ അങ്ങനെയേ ചെയ്യൂ ...

''മിഴിച്ചു നിൽക്കാതെ ഇരിക്കെടാ .....'' ആജ്ഞയല്ല ,ഒരു മൂത്ത ചേച്ചിയുടെ വാത്സല്യവും അധികാരവുമൊക്കെ നിറച്ചു കവിളിൽ തട്ടി അങ്ങനെ പറഞ്ഞപ്പോൾ ഒന്ന് അന്ധാളിച്ചു ....മാന്ത്രിക വടിക്ക് മുന്നിലെന്ന പോലെ ഞാൻ അവർ ചൂണ്ടി കാണിച്ച കസേരയിലേക്കിരുന്നു . പതറിപ്പോയ മനസ്സുമായി ശിരസ്സുയർത്തി നോക്കുമ്പോൾ കുസൃതി നിറഞ്ഞ കണ്ണുകളാൽ തന്നെ നോക്കി നിൽക്കുകയാണവർ ...തറഞ്ഞു കയറുന്ന ആ കണ്ണുകളെ നേരിടാനാകാതെ മേശപ്പുറത്തു ചിതറിക്കിടക്കുന്ന മേക്കപ്പ് സാധനങ്ങളിലേക്ക് നോക്കുന്നുവെന്ന മട്ടിൽ ഞാനിരുന്നു . ''അയ്യേ ....ഇതാണോ ഞാൻ വീരശൂരപരാക്രമിയെന്നു കേട്ട അർജുൻ ....ഛെ ഛെ ഇതിപ്പോ അമ്മയുടെ മുലകുടി മാറാത്ത ഒരു ചള്ള് ചെക്കൻ ...'' വാക്കുകൾ കൊണ്ടുള്ള ആ കുത്തൽ മതിയായിരുന്നു എന്നെ ഉണർത്താൻ ,,, ഛെ .....ഞാനെന്താണ് ഇങ്ങനെ ...ചേച്ചിപ്പെണ്ണിനെ മറന്ന് ,ദേവമ്മയെ മറന്ന് , എന്റെ ടീച്ചറെ മറന്ന് ഇവളുടെ മുന്നിൽ തലകുനിച്ചു ,മനസ്സ് പതറിയിങ്ങനെ ......? ''അർജുൻ ഞാനൊരു തമാശ പറഞ്ഞതാണ് കേട്ടോ ,അതിനിങ്ങനെ നോക്കി പേടിപ്പിക്കേണ്ട .'' ''നിങ്ങൾ എന്നെ വിളിപ്പിച്ച കാര്യം പറയു ,എനിക്ക് പോയിട്ട് കാര്യമുണ്ട് ....'' എന്റെ സ്വരം കനത്തു .....അത് മനസ്സിലാക്കിയാകണം അവരെന്റെ കണ്ണുകളിലേക്ക് ഒന്ന് രണ്ടു നിമിഷം ഉറ്റു നോക്കി .. ''അർജുൻ ,നമുക്കോരോ കോഫി കുടിച്ചാലോ ...'' ''വേണമെന്നില്ല , വിളിപ്പിച്ച കാര്യം പറഞ്ഞാൽ ,എനിക്ക് പോകാമായിരുന്നു ..'' ''അർജുന് തിരക്കുണ്ടെന്നു എനിക്കറിയാം , ,പക്ഷെ നീയിപ്പോൾ ഈ ഗായത്രിക്കു വേണ്ടി കുറച്ചു സമയം ചിലവഴിച്ചേ പറ്റു .. പറയുമ്പോൾ കണ്ണുകളിൽ അത് വരെയുണ്ടായിരുന്ന ഭാവം മാറി , അത് കൊണ്ട് തന്നെ അവർ അടുത്തേക്ക് വന്നപ്പോൾ ചെറിയ ഭയം തോന്നാതിരുന്നില്ല , എന്തെങ്കിലും ആയുധത്തിനായി കണ്ണുകൾ മുറിയാകെ പരതി .

'' ലീഗലും ഇല്ലീഗലുമായി കോടാനുകോടികളുടെ ബിസിനെസ്സ് ഡീലുകൾ നടക്കുന്ന സ്വാമിജിയുടെ പിറന്നാളാഘോഷത്തിൽ നിന്ന് നിന്നെ കാണാൻ ഈ ഗായത്രി വന്നത് വെറുതെയല്ല അർജുൻ ... '' ''ഗൗരി ടീച്ചറുടെ കയ്യിലെ തെളിവുകൾക്ക് വേണ്ടിയാണെങ്കിൽ ,അത് നിങ്ങൾക്ക് കിട്ടില്ല ..'' ''ഹ.. ഹ ....,മോനെ നിനക്ക് ഈ ഗായത്രിയെ ശരിക്കറിയാത്തതു കൊണ്ടാണ് ,,എനിക്ക് മുന്നേ ജാവേദിനെ വിട്ടത് അരുണിന്റെ തന്ത്രം ...അറിയാമോ നിങ്ങൾ കത്രീനയുടെ വീട്ടിലെത്തിയ നിമിഷം എനിക്ക് വിവരം കിട്ടിയിരുന്നു .. വേണമെങ്കിൽ ആ വിവരമെനിക്ക് ഗുണ്ടകൾക്ക് പാസ് ചെയ്‌താൽ മതിയായിരുന്നു .നാളെ ഏതെങ്കിലും കടൽക്കരയിൽ