ഈ രാവിലും കൊതി തീരില്ല

Ee Ravilum Kothi Theerilla | Author : Spulber

✍️… “എന്ന് വെച്ചാ കെട്ട്യോളെ പണിക്ക് പറഞ്ഞയച്ച് വീട്ടിലിരിക്കുന്ന നിന്റെ ഉപദേശം കൂടി ഞാൻ കേൾക്കണമെന്ന്…എനിക്കതിന് മനസില്ലെടാ… നീ നിന്റെ പണി

നോക്ക്… “..

സത്യഭാമ, മരുമകനെ നോക്കി ചീറി..

ശ്രീനി ചിരിച്ചതേ ഉള്ളൂ..

“അമ്മേ… ഗോപിക്ക് എന്ത് മാത്രം വിഷമമുണ്ടെന്നറിയോ…?.. അമ്മ അവിടം വരെ പോയി അവളെയൊന്ന് കണ്ട് സംസാരിച്ചാ തീരുന്ന പ്രശ്നമേ ഉള്ളൂ…”..

സമാധനപരമായാണ് ശ്രീനി സംസാരിച്ചത്.. അത് കേട്ട് സത്യഭാമ പുഛത്തോടെയൊന്ന് ചിരിച്ചു..

“ഹും… എന്നെ ചവിട്ടിത്തേച്ച് പോയവളെ ഞാൻ ചെന്ന് കാല് പിടിച്ച് കൊണ്ട് വരണമെന്ന്… അതിനീ സത്യഭാമ ചാവണം… “..

അഹങ്കാരവും ധാർഷ്ട്യവും സത്യഭാമയുടെ വാക്കുകളിലുണ്ടായിരുന്നു..

“എന്തിനാ അമ്മേ ഈ വാശി… ഗോപി അമ്മേടെ മോനല്ലേ… അവന് സമാധാനത്തോടെയുള്ള ജീവിതം വേണമെന്നല്ലേ നമ്മൾ ആഗ്രഹിക്കേണ്ടത്… ?”..

“ അവന് സമാധാനമില്ലെന്ന് അവൻ നിന്നോട് പറഞ്ഞോ… ?..

അവനെന്റെ മോനാ… അവന്റെ കാര്യം നോക്കാൻ എനിക്കറിയാം… അതിന് തൽക്കാലം നിന്റെ വക്കാലത്ത്

വേണ്ട… “..

“എന്തിനാ അമ്മേ അമ്മയുടെ വാശി ജയിക്കാൻ വേണ്ടി അവരുടെ ജീവിതം തകർക്കുന്നത്… ?..

അവര് സന്തോഷമായിട്ട് ജീവിച്ചാ അമ്മക്കെന്താ പ്രശ്നം… ?”..

അത് കൂടി കേട്ടതോടെ സത്യഭാമയുടെ നിയന്ത്രണം തെറ്റി..

“അതേടാ… എന്റെ വാശിയാ… എന്റെ വാശി ജയിക്കാൻ ഞാനെന്തും ചെയ്യും…

ഈ സത്യഭാമ ജീവിച്ചിരിക്കുമ്പോ അവരൊന്നിക്കില്ല… അതിന് ഞാൻ സമ്മതിക്കില്ലെടാ… എന്റെ മോന് വേറെ പെണ്ണിനെ നോക്കാൻ എനിക്കറിയാം… നീ ഇതും പറഞ്ഞ് ഇനി ഇങ്ങോട്ട് വരണമെന്നില്ല… ഹും… സത്യഭാമയെ ഗുണദോഷിക്കാൻ വന്നിരിക്കുന്നു… “..

അവർ ചാടിത്തുള്ളി അകത്തേക്ക് കേറിപ്പോയി..ഇനി ഇവിടെ ഇരുന്നിട്ട് കാര്യമില്ലെന്ന് മനസിലായ ശ്രീനി പുറത്തേക്കിറങ്ങി തന്റെ ബൈക്കിൽ കയറി ഓടിച്ച് പോയി..

✍️… പത്ത് വർഷം മുൻപ് വിധവയായ സത്യഭാമക്ക് രണ്ട് മക്കളാണ്.. മൂത്തത് മകൾ രാധിക.. ഇളയത് മകൻ ഗോപി.. രാധികക്ക് മുപ്പതും, ഗോപിക്ക് ഇരുപത്തെട്ടും വയസ്..സത്യഭാമക്കിപ്പോ പ്രായം അൻപത് വയസ്.. രാധിക പഠന കാലത്ത് തന്നെ ശ്രീനിയുമായി പ്രണയത്തിലായി.. ജാതിയിൽ താഴ്ന്ന ശ്രീനിയെ വിവാഹം ചെയ്യാൻ കൊന്നാലും സത്യഭാമ സമ്മതിക്കില്ല.. പക്ഷേ,അമ്മയുടെ വാശിക്കൊന്നും രാധിക നിന്നില്ല.. അവൾ ശ്രീനിയെ രജിസ്ട്രർ മാര്യേജ് ചെയ്ത് അവന്റെ വീട്ടിൽ പൊറുതി തുടങ്ങി..സത്യഭാമ അവിടെച്ചെന്ന് വലിയ പ്രശ്നമൊക്കെ ഉണ്ടാക്കി.. അവസാനം പോലീസിനെ വരെ ഇടപെടുത്തേണ്ടിവന്നു..

രാധിക, ശ്രീനിയുടെ കൂടെ