Chapter Title : എൽ ഡൊറാഡോ 9 [സാത്യകി]

എന്നെ വീട്ടുകാരുടെ മുന്നിൽ വച്ചു ഒന്ന് പൊരിക്കാം എന്നായിരുന്നു അവളുടെ വിചാരം. അത് തുലഞ്ഞു കിട്ടി. അടുത്ത അവസരത്തിൽ എന്നെ പോക്കാമെന്ന ദുരാഗ്രഹത്തിൽ മീനു ഈ തവണ എന്നെ ഒഴിവാക്കി. അതല്ലാതെ അവൾക്ക് വേറെ വഴി ഇല്ലല്ലോ..

മീനുവിൽ നിന്ന് ഞാൻ രക്ഷപെട്ടതിനേക്കാൾ ക്ലാസ്സിൽ. ചർച്ച ആയത് എന്റെ വീട്ടിൽ നിന്ന് വന്ന പെണ്ണിനെ കുറിച്ചാണ്. പലരും അത് ആരാണ് എന്ന് എന്നോട് ചോദിച്ചു..

എന്റെ സ്വന്തം ചേച്ചിയാണോ അതെന്നാണ് മിക്കവര്ക്കും അറിയേണ്ടിയിരുന്നത്.

'അതേതു ചേച്ചി ആട പുല്ലേ..?

അലന് ആയിരുന്നു കൂടുതൽ ആക്രാന്തം അത് അറിയാൻ. കാണാൻ പൊതുവെ ആകർഷണീയൻ അല്ലാത്ത എനിക്ക് അതി സുന്ദരി ആയ ഒരു ചേച്ചി എങ്ങനെ ഉണ്ടായി എന്നതാണ് പലർക്കും സംശയം..

'അത് ശിവ..'

ഞാൻ പറഞ്ഞു

'ഏത്..? നീയുമായി നല്ല കമ്പിനി ഉള്ള, മറ്റേ ഗ്രൗണ്ടിൽ വെള്ളമൊക്കെ കേറ്റിച്ച ചേച്ചിയോ..?

അലൻ ചോദിച്ചു

'അത് തന്നെ..'

ഞാൻ പറഞ്ഞു

'ഭയങ്കര..'

അലൻ എന്തോ എന്നെ അസൂയയോടെ നോക്കി

'ഈ ചേച്ചിയുടെ കഥ ഒന്നും നീ പറഞ്ഞിട്ടില്ലല്ലോ..?

അവൻ എന്നോട് പിന്നെയും ശിവയെ കുറിച്ച് ചോദിച്ചു

'അതൊന്നും നീ അറിയണ്ട..'

ഞാൻ അവന്റെ വയറിൽ ഒരു കുത്ത് കൊടുത്തു ചോദ്യപരമ്പര അവസാനിപ്പിച്ചു.

പിച്ചിക്കാവിലെ ചേച്ചിമാരുടെ ഒപ്പമുള്ള ചില അനുഭവങ്ങൾ ഒക്കെ ഞാൻ അവനോട് പങ്ക് വച്ചിട്ടുണ്ട്.. പലരേയും പേര് പറഞ്ഞാലോ അനുഭവം പറഞ്ഞാലോ അവന് അറിയുകയും ചെയ്യാം..

ശിവയുടെ കാര്യം ഒന്നും പറയാത്തതിലൂടെ അവളുമായി എനിക്ക് എന്തെങ്കിലും അനുഭവം ഉണ്ടോ ഇല്ലയോ എന്നത് അവനിൽ ഒരു സംശയം ആയി നിലനിന്നു..