Chapter Title : എൽ ഡൊറാഡോ 9 [സാത്യകി]

ആണ് തീവെട്ടി എടുത്തത് എന്ന് ഇവളോട് പറയാൻ കഴിയില്ലല്ലോ

'ഓ.. ഇപ്പോളാ ഓർത്തെ. ആരെ ഓർത്താണ് എടുത്തത് എന്ന് ആരോടും പറയാൻ പാടില്ലല്ലോ..?

അവൾ എന്നെ കളിയാക്കിയ പോലെ പറഞ്ഞു

'ഞാൻ ആരെയും ഓർത്തില്ല.. എന്നെ വിശ്വാസം ഇല്ലേ..?

ഞാൻ ചോദിച്ചു

'അപ്പോൾ ആരും മനസ്സിൽ ഇല്ല...?

അവൾ പിന്നെയും കളിയായി ചോദിച്ചു

'ഇല്ല.. ആരുമില്ല..'

ഞാൻ പറഞ്ഞു

'ആരും....?

അവൾ ഒരല്പം ശബ്ദം താഴ്ത്തി മൃദുവായ് ചോദിച്ചു. അതിന്റെ അർഥം എനിക്ക് മനസിലായി. മനസ്സിൽ അവൾ ഇല്ലേ എന്ന് ഒരർഥത്തിൽ ആണ് ദേവു അങ്ങനെ ചോദിച്ചത്

'ഉണ്ടാവാം.. ഉണ്ടാവില്ലാരിക്കാം..'

ഞാൻ എങ്ങും തൊടാതെ പറഞ്ഞു ആ വിഷയം തിരിച്ചു വിട്ടു

ദേവപ്രിയ കുഞ്ഞിലേ മുതൽ എനിക്ക് അറിയാവുന്ന കൂട്ടുകാരി ആണ്. ഞാൻ അവളുടെ ഏറ്റവും അടുത്ത കൂട്ടുകാരനും ആയിരുന്നു. വീട്ടിലേ കഷ്ടപ്പാട് കാരണം ഞാൻ പഠിത്തം നിർത്തിയത് വരെ ഞങ്ങൾ ഒരുമിച്ച് ആയിരുന്നു എല്ലാ ക്ലാസ്സിലും.

പിന്നെ അവൾ പഠിക്കാൻ പോയി ഞാൻ ജീവിതം നോക്കി പോയി. എങ്കിലും ഞങ്ങളുടെ സൗഹൃദം മുറിഞ്ഞിരുന്നില്ല. പക്ഷെ അപ്പോൾ ഒന്നും അതിലേക്ക് പ്രണയം ഒരു നേരിയ തോതിൽ പോലും ഞങ്ങൾക്ക് ഇടയിൽ ഉണ്ടായിട്ടില്ല.

പക്ഷെ ഇപ്പോൾ എന്താണ് അവൾ അങ്ങനെ ചോദിച്ചത് എന്നും ഞാൻ എന്താണ് മറുപടി എങ്ങും തൊടാതെ പറഞ്ഞത് എന്നും എനിക്ക് അറിയില്ല

കോളേജിൽ ഒക്കെ പോകുന്ന ദേവപ്രിയക്ക് ഒരുപാട് ആൺ പിള്ളേരുടെ പ്രണയാഭ്യർഥന വന്നിട്ടുണ്ടാകും. അപ്പോൾ പിന്നെ അവൾ എന്നെ സ്നേഹിക്കാൻ ഒന്നും സാധ്യത ഇല്ല.

ഇനി പണ്ട് തൊട്ടേ അവളുടെ മനസ്സിൽ ഉള്ളത്