Chapter Title : ഏലപ്പാറയിലെ നവദമ്പതികൾ [ആശാൻ കുമാരൻ]

പീറ്റർ : ഉറപ്പാണോടാ മക്കളെ

റോണി : ആഹ്.. അപ്പനോട് പറഞ്ഞേക്ക് മോനും തള്ളയും അവസാനിച്ചുവെന്നു....

പീറ്റർ : ആ... നിങ്ങൾ വേഗം വാ...

കാൾ കട്ട് ആക്കി പീറ്റർ തോമസിന്റെ അടുത്തേക്ക് നീങ്ങി...

പീറ്റർ : അച്ചായാ...

തോമസ് അടുത്ത പെഗ്ഗും തീർത്തു...

തോമസ് : ഒഴികെടാ അടുത്തത്.... ഇന്നു മാളിയേക്കൽ തോമസിന്റെ ദിവസമാടാ

പീറ്റർ ചെന്നു രണ്ട് മദ്യം ഒഴിച്ചു.... തോമസും പീറ്ററും ചിയർസ് പറഞ്ഞു... ആദ്യം നുകരുമ്പോഴും തോമസിന്റെ കണ്ണിൽ അഗ്നി പടരുന്നുണ്ടായിരുന്നു... മനസ്സിലെ കലി അങ്ങനെ ഒന്നും കെട്ടടങ്ങിയില്ല...

പീറ്റർ : എന്ന അച്ചായാ...ഒരു സന്തോഷമില്ലാത്തെ

തോമസ് : ഇത് കൊണ്ടായില്ലെടാ.... ഞാൻ സന്തോഷിക്കണമെങ്കിൽ അവളും അവളുടെ കൊച്ചും തീരണം....

പീറ്റർ : അല്ല അച്ചായാ... എന്നാ പിന്നെ അവളെ അല്ല ആദ്യം തീർക്കേണ്ടത്...

തോമസ് : ആഹ്...... അങ്ങനെ അവളെ കൊല്ലാൻ ആണെങ്കിൽ ഞാൻ ഇത്ര കാത്തിരിക്കണോ....

തോമസ് കസേരയിൽ നിന്നെണീറ്റ് നിന്നു...

തോമസ് : ടാ.... അവൾ പ്രസവിക്കാൻ വേണ്ടി ഞാൻ കാത്തിരുന്നതാ.... അല്ലെങ്കിൽ മാളിയേക്കൽ തറവാടിന്റെ പേര് നാറ്റിച്ചവരെ കുടുംബത്തോടെ തീർക്കാൻ എനിക്ക് അറിയാഞ്ഞിട്ടല്ല....

പീറ്റർ തോമസിനെ കേട്ടു കൊണ്ടിരുന്നു...

തോമസ് : ഇതിപ്പോ അവളുടെ കെട്ടിയോനെന്നു പറയുന്ന നാറിയും അവന്റെ തള്ളയും ചത്തു കിടക്കുമ്പോ മൂന്ന് മാസം പ്രായമുള്ള കൊച്ചിനെയും ഒക്കത്തു വെച്ചു അവൾ തേങ്ങി നടക്കുന്നത് ഈ തോമസിന് കാണണം....

പീറ്റർ അടുത്ത പെഗ് ഒഴിച്ചു...

തോമസ് : അങ്ങനെ തകർന്നു നിൽക്കുന്ന അവളെ ഞാൻ തീർക്കും ആ പുന്നാര മോന്റെ കുട്ടിയെ അടക്കം....