Chapter Title : എന്നാലും ശരത്‌ 1 [Sanju Guru]

പോയി.  പോട്ടെ ഇതെല്ലാം ഒരു ഇൻവെസ്റ്റ്മെന്റ് അല്ലെ...  മുതലും പലിശയും മൊതലാക്കാതെ ഒരെണ്ണത്തിനേം വിടില്ല ഞാൻ.

ഞാൻ വണ്ടിയെടുത്തു വീണ്ടും നമ്മുടെ ചേച്ചിയുടെ വീടിന്റെ അടുത്തേക്ക് വണ്ടി വിട്ടു.  ഇപ്പ്രാവശ്യം നല്ല സൂചന കിട്ടി. വീട്ടിൽ ചേച്ചിയുടെ സ്കൂട്ടർ കാണുന്നുണ്ട്.  അപ്പൊ ചേച്ചി അകത്തുണ്ട്.  എങ്ങനെയാ ഒന്ന് മുട്ടുക എന്നാലോചിച്ചു ഞാൻ വണ്ടി കുറച്ച് മുന്നോട്ടു മാറി നിറുത്തി.  കുറെ നേരം കാറിൽ ഇരുന്ന് ഓരോ ഐഡിയ ആലോചിക്കുമ്പോൾ അതാ ദൂരെ നിന്നും ഒരാൾ ബാഗും തൂക്കി വരുന്നു. അയാളെ കണ്ടാൽ ഒരു സെയിൽസ്മാൻ ആണെന്ന് മനസിലായി.

അയാൾ അടുത്തെത്തിയതും ഞാൻ കാറിൽ നിന്ന് ഇറങ്ങി. അയാൾ എന്നെ എന്തോ പന്തികേടോടെ നോക്കി.

ഞാൻ : സെയിൽസ് മാൻ ആണോ?  ഇതെന്താ പ്രോഡക്റ്റ്?

സെയിൽസ് : അതെ എൻസൈക്ലോപീഡിയ ആണ് സാർ.

ഞാൻ : എന്താ ഇതിന്റെ വില?

സെയിൽസ് : മുന്നൂറ്റി അമ്പതു രൂപ.  കൂടെ ഈ ഓസ്‌ഫോർഡ് ഡിക്ഷണറി കൂടി വാങ്ങുകയാണെങ്കിൽ അഞ്ഞൂറ്റി അമ്പതു രൂപ.

ഞാൻ ചുറ്റിലും നോക്കി ആരും ഇല്ലെന്നു ഉറപ്പ് വരുത്തി. എന്നിട്ട്

ഞാൻ : ഞാൻ ഇപ്പൊ ഒരു ആയിരം രൂപ തരാം. എനിക്ക് തന്റെ ഈ ബാഗും സാധനങ്ങളും തരണം.  എനിക്ക് ഇവിടെ ഒരു വീട്ടിൽ പോണം അവിടെ ഒരു കാര്യം അനേഷിക്കാൻ ആണ്.  ഞാൻ തിരിച്ചു വരുന്നവരെ താൻ എന്റെ ഈ കാറിൽ ഇരുന്നോ. തിരിച്ചുവന്നു ഈ സാധനങ്ങൾ തിരിച്ചേൽപ്പിക്കുമ്പോൾ ഒരു ആയിരം കൂടി തരാം. എന്താ ഓക്കേ ആണോ?

ഇത് കേട്ടതും അയാളൊന്നു പേടിച്ചു.  ഒരുപാടു കാലത്തെ എക്സ്പീരിയൻസ് ഈ ഫീൽഡിൽ ഉള്ളതുകൊണ്ടാണെന്നു തോന്നുന്നു അയാൾ അടുത്ത നിമിഷം സമ്മതിച്ചു.

സെയിൽസ് : സാറ് പോലീസാണോ?

ഞാൻ : പോലീസാണെങ്കിൽ തനിക്കു അഞ്ചു പൈസ കിട്ടില്ലായിരുന്നു. ഞാൻ ഒരു ഡിറ്റക്റ്റീവ് ആണ്. ഞാൻ ചിരിച്ചുകൊണ്ട് പറഞ്ഞു.  ഞാൻ കാറിന്റെ ഡോർ തുറന്ന് അയാളെ ഉള്ളിൽ ഇരുത്തി.  എന്നിട്ട് അയാളുടെ ബാഗ് എടുത്ത് തോളിൽ ഇട്ടു.  എന്തൊരു ഭാരം.  എന്നിട്ട് വലിഞ്ഞു നടന്നു. വേറെ ഒരു വീട്ടിലും