Chapter Title : എന്റെ ആമി [കുഞ്ചക്കൻ]

ഒരു സർപ്രൈസ് ആയിട്ട് ഒരു ഫോൺ അങ്ങ് വാങ്ങി കൊടുക്ക്…

ഹ്മ്…

എങ്ങനെയൊക്കെയോ ഒരു വിധം ഉച്ചവരെ ആമി പിടിച്ചിരുന്നു. ഉച്ചയ്ക്ക് ശേഷം ലീവ് എടുത്ത് ആമി ജസിയോട് പറഞ്ഞ് വീട്ടിലേക്ക് പോയി. എത്രെയും പെട്ടന്ന് ആസിയെ കാണണം എന്ന് മാത്രമേ അവളുടെ ഉള്ളിൽ ഉണ്ടായിരുന്നുള്ളു.

വീട്ടിലേക്ക് പോവുന്ന വഴിക്ക് അവൾ ഒരു ഫോണും അവന് ഇഷ്ട്ടപ്പെട്ട ബേക്കറി പലഹാരങ്ങളും വാങ്ങിയാണ് പോയത്.

വൈകുന്നേരം ആസി വരുന്ന സമയം കഴിഞ്ഞിട്ടും അവൻ വരുന്നത് കാണാത്തത് കൊണ്ട് ആമിക്ക് ടെൻഷൻ കൂടാൻ തുടങ്ങി. വെരുകിനെ പോലെ അവൾ സിറ്റ്ഔട്ടിൽ അങ്ങോട്ടും ഇങ്ങോട്ടും നടന്നുകൊണ്ടിരുന്നു..

ഓരോ മിനുട്ടും ഓരോ മണിക്കൂർ പോലെയാണ് അവൾക്കപ്പോൾ തോന്നിയത്.

ഹാലോ ജെസി അവൻ ഇത് വരെ വന്നിട്ടില്ല. എനിക്കെന്തോ വല്ലാത്ത പേടി തോന്നുന്നു. ആമി സങ്കടവും പേടിയും സഹിക്കാൻ കഴിയാതെ ജെസിയെ വിളിച്ചു പറഞ്ഞു..

ഇത്ത സമാധാനമായി ഇരിക്ക്. നേരം ഇത്രയല്ലേ ആയുള്ളൂ. അവൻ ഒരു ആണ്കുട്ടിയല്ലേ കുറച്ച് നേരം പുറത്ത് ഒക്കെ ഒന്ന് കറങ്ങിയിട്ട് വന്നോളും..

അവൻ അങ്ങനെ പുറത്തൊന്നും കറങ്ങി നിൽക്കാറില്ല..

നിങ്ങള് പേടിക്കാതിരി. കുറച്ച് നേരം കൂടെ നോക്കിയിട്ട് അവൻ വന്നില്ലെങ്കിൽ എന്നെ വിളി. അപ്പൊ നമുക്ക് എന്തെങ്കിലും വഴി നോക്കാം…

ഹ്മ്.. അവൾ ഒന്ന് മൂളിയിട്ട് ഫോൺ കട്ട് ചെയ്തു.

വീണ്ടും കുറെ നേരം അവൾ സിറ്റ്ഔട്ടിലും റൂമിലും ഒക്കെ സമയം കഴിച്ചു കൂട്ടി.

ഉമ്മാ…

ആസിയെ കാണാതെ ടെൻഷനും സങ്കടവും കാരണം തല വേദന തുടങ്ങിയ ആമി ടേബിളിൽ തല വെച്ച് കിടക്കുകയായിരുന്നു.

തല പൊക്കി നോക്കിയ