Chapter Title : എൻ്റെ ഭാര്യ ഒരു വെറൈറ്റി ഭാര്യ 4 [Arun]

കാത്തു നിന്ന പോലെയാണങ്കിലും
രവി കുറച്ചു മസില് പിടിച്ചു കൊണ്ട് പറഞ്ഞു:
ഓഹോ..... കൊള്ളാല്ലോ കുറുമ്പത്തി,
കൂലിയൊക്കെ ചോദിച്ച് തുടങ്ങിയല്ലേ ?

എൻ്റെ കാര്യമായിപ്പോയില്ലേ എന്നും പറഞ്ഞ്
രവി സവിതയ്ക്ക് ഒന്നിനു പകരം രണ്ട് ഉമ്മ കൊടുത്തു,

അതും വാങ്ങി സവിത എണീറ്റു പോയി ടിവിയുടെ അടുത്ത് നിന്നും റിമോർട്ടെടുത്ത് രവിയ്ക്ക് കൊടുത്തിട്ട്
രവിയുടെ കവിളിൽ പിടിച്ചു കുനിഞ്ഞ് കൊണ്ട് ഒരുമ്മം കൊടുത്തു,

എന്നിട്ട്
ഇങ്ങനെ പറഞ്ഞു : ഞാൻ ഒരെണ്ണമേ ചോദിച്ചുള്ളൂ, അപ്പോ ചേട്ടനെനിക്ക് രണ്ടെണ്ണം തന്നു,
അതാ ഇപ്പോ തിരിച്ച് തന്നത്,
എനിക്ക് കടം വയ്ക്കുന്നത് ഇഷ്ടമില്ലാ.....

ഇത് കേട്ടതും രവി ചിരിക്കാൻ തുടങ്ങി,

ചിരിച്ചും കൊണ്ടിരുന്നാൽ മതിയോ ഷർട്ടഴിച്ച് വയ്ക്കുന്നില്ലേ എന്ന്
സവിത വീണ്ടും ചോദിച്ചു ?

ഷർട്ടഴിക്കണമെങ്കിൽ
ഒരുമ്മ തരണമെന്ന് രവി വെറുതേ ഒരു നമ്പരിട്ടു,

രാവിലെ കോളേജിൽ നല്ല ഷർട്ടിട്ടു പോകേണ്ടത് എൻ്റെ കൂടി ആവശ്യമല്ലേ എന്നും പറഞ്ഞു കൊണ്ട് സവിത രവിയുടെ രണ്ട് കവിളിലും മാറി മാറി ഓരോ ഉമ്മം കൊടുത്തു,

ഉമ്മവും മേടിച്ചു കൊണ്ട് രവി എണീറ്റ് ഷെൽഫിനടുത്തേയ്ക്ക് പോയി, എന്നിട്ട് ഷർട്ടഴിച്ച് ഹങ്കറിൽ തൂക്കിയിട്ടു,

എന്നിട്ട് നിറയെ രോമമുള്ള തൻ്റെ സ്റ്റീൽ ബോഡിയും പ്രദർശിപ്പിച്ചു കൊണ്ട്
രവി സവിതയുടെ അടുത്ത് വന്നിരുന്നു,
എന്നിട്ട് സവിതയുടെ തോളിൽ പിടിച്ചു കൊണ്ട് കവിളത്ത് ഒരുമ്മ കൊടുത്തു,

എനിക്കും കടം ഇഷ്ടമല്ലാ എന്നൊരു ഡയലോഗും പറഞ്ഞു,

അതു നല്ലതു തന്നെയെന്ന് സവിതയും പറഞ്ഞു കൊണ്ട് അവർ
വീണ്ടും ചിരിച്ചു,

ചേട്ടൻ മുമ്പ് ജിമ്മിൽ പോകുമായിരുന്നോ എന്ന് സവിത ചോദിച്ചു ?