Chapter Title : എന്റെ ഡോക്ടറൂട്ടി 19 [അർജ്ജുൻ ദേവ്]

വാതിൽക്കലേയ്ക്കു നോക്കീതും അവൻ പാഞ്ഞകത്തേയ്ക്കു കേറിവന്നു...

അവന്റെയാ വരവുകണ്ട മീനാക്ഷിയുമൊന്നു പകച്ചുപോയി...

ഉടനെ കിടന്നുരുണ്ടപ്പോൾ മാറിപ്പോയ ചുരിദാർടോപ്പിനെ അഡ്ജസ്റ്റുചെയ്തു പിടിച്ചവൾ തുടകളെമറച്ചു...

""...നെനക്കിവളെ കൂട്ടിക്കൊണ്ടുവരാൻ കാത്തിരിയ്ക്കുന്നതിനൊരു കുരുവുമില്ലല്ലേടാ മൈരേ..?? എന്നെ കാത്തുനിയ്ക്കാനാണ് നെനക്കു കടിയല്ലേ..??"""_ ചോദിച്ചുടൻ കരണംതീർത്തൊന്നു തന്നിട്ട് എന്നെവലിച്ചു കട്ടിലിലേയ്ക്കെറിഞ്ഞു...

ചെന്നുവീണത് കൃത്യം മീനാക്ഷിയുടെ മേലെയും...

അവളെയുംപിടിച്ച് കട്ടിലിലേയ്ക്കമർന്നപ്പോൾ പെണ്ണ് അടിയിൽക്കിടന്ന് പുളയുന്നുണ്ടായ്രുന്നു...

""...ചോദിച്ചേനുത്തരമ്പറേടാ കോപ്പേ... എനിയ്ക്കെന്തേലും കുഷ്ടമുണ്ടോ..??എന്നെക്കൂടിക്കൂട്ടിയാൽ നെനക്കെന്താ..??""" _ ചോദിച്ചശേഷം വീണ്ടുമെന്നെ പിടിച്ചുയർത്തിയ അവൻ കഴുത്തിനുകുത്തിപ്പിടിച്ച് മീനാക്ഷിയുടെ തുടയുടെമേൽ വെച്ചമർത്തി...

""...എടാ... കാല്... ന്റെ കാല്... ആഹ്..!!"""_ എന്നൊക്കെപ്പറഞ്ഞ് അവളുകരയാൻ തുടങ്ങിയെങ്കിലും ആരു മൈൻഡാക്കുന്നു..??

""...നീ... നീ എന്നോടിത്രേംദിവസം പെണങ്ങി നടക്കാനൊക്കായോ..??"""_ എന്റെ കഴുത്തിൽവീണ്ടും വിരലമർത്തിക്കൊണ്ട് ചോദിച്ച ശ്രീ, മുഖമുയർത്തി മീനാക്ഷിയെ നോക്കിയശേഷം;

""...നീയല്ലേടീ പറഞ്ഞുതിരിപ്പിച്ച് ഇവനെ എന്റോടെ മിണ്ടാതാക്കീത്..??"""_ എന്നു കൂട്ടിച്ചേർത്തപ്പോൾ,

""...ഞാനാരോടും മിണ്ടരുതെന്നൊന്നും പറഞ്ഞിട്ടില്ല... നിങ്ങളുമിണ്ടുവോ മിണ്ടാണ്ടിരിയ്ക്കുവോ എന്തോ ആയ്ക്കോ... ആദ്യമെന്റെ കാലേന്നുമാറ് രണ്ടുങ്കൂടി... എനിയ്ക്ക് നോവുന്നു..!!"""_ അവൾ വേദന കടിച്ചമർത്തുന്ന സ്വരത്തോടെപറഞ്ഞു....

""...നെനക്കെന്റോടെ മിണ്ടണോങ്കിൽ നീ വന്നുമിണ്ടണം... അല്ലാതെ ഞാനല്ല വരേണ്ടിയത്..!!"""_ ഇടയ്ക്കൊന്നു ശ്വാസംകിട്ടിയപ്പോൾ ഞാൻപറഞ്ഞു...

അതിനുടനേ;

""...ഓഹ്.! അങ്ങനെ.! പെണ്ണൊക്കെ കിട്ട്യപ്പൊ നീ വല്യ കൊണാണ്ടറ്... ഞാന്നിന്റോടെവന്നു മിണ്ടണമല്ലേടാ നായേ..??"""_ എന്നുംചോദിച്ചവൻ എന്റെ കഴുത്തിലമർത്തിക്കൊണ്ടു തലപിടിച്ച് മീനാക്ഷീടെ തുടയിലിടിച്ചു...

അതോടെ മീനാക്ഷിയുടെ നിലവിളിയുച്ഛത്തിലായി;

""...യ്യ്യോ.! ആരേലുമോടിവായോ.! ന്റെ... ന്റെ കാലുപോയേ..!!"""_ എന്നൊക്കെപ്പറഞ്ഞു തുടങ്ങിയയവൾ ഒടുക്കം;

""...ചെറീമ്മേ... അമ്മേ... ഓടിവാ... ഓടിവാ... ന്നെ കൊല്ലുവാന്നേ..!!"""_ എന്നുവരെ പറഞ്ഞെത്തീതും ആദ്യം ചെറിയമ്മയും പിന്നെയമ്മയുമായി റൂമിലേയ്ക്കു കേറിവന്നു...

കാണുന്നതോ, കാലനക്കാനാകാതെ എഴുന്നേറ്റിരുന്നു നിലവിളിയ്ക്കുന്ന മീനാക്ഷിയേയും...

അപ്പോൾത്തന്നെ;

""...എന്താ മോളേ..??"""_ ന്നും ചോദിച്ച് അകത്തേയ്ക്കു കേറിയ ചെറിയമ്മ അപ്പോഴാണ് മീനാക്ഷിയുടെ കാലിൽക്കിടക്കുന്ന എന്നേയും അവളുടെ കാലിലേയ്ക്ക് എന്നെവെച്ചമർത്തുന്ന ശ്രീയേയുംകാണുന്നത്...

ഉടനെ ചോദ്യംവന്നു;

""... നെനക്കെന്താടാ ഇതിനുള്ളിൽ കാര്യം..??"""_ ന്ന്...

കേട്ടപാതി എന്റെ കഴുത്തിൽനിന്നും പിടിവിട്ടുകൊണ്ട് എന്നേയും പിടിച്ചെഴുന്നേൽപ്പിച്ചു പുറത്തേയ്ക്കുനടന്ന ശ്രീ ചെറിയമ്മയെനോക്കി;

""...ചുമ്മാ..!!"""_ യെന്നു ചുമൽകൂച്ചിക്കൊണ്ടു മറുപടിപറയുമ്പോൾ ചിരിയടക്കാൻ ഞാൻ പാടുപെട്ടു...

അപ്പോഴും വിശ്വാസംവരാതെ ഞങ്ങളെനോക്കിയിരുന്ന മീനാക്ഷിയ്ക്ക് എന്താണ് നടന്നതെന്നുപോലും മനസ്സിലായ്ട്ടില്ലായ്രുന്നു...

പാവം... ഉണ്ടക്കണ്ണും മിഴിച്ച് നോക്കിയിരുന്ന അവളെയും ആക്കിച്ചിരിച്ചുകൊണ്ടു താഴേയ്ക്കിറങ്ങുമ്പോൾ തന്തപ്പടി പതിവിനു