Chapter Title : എന്റെ ഡോക്ടറൂട്ടി 20 [അർജ്ജുൻ ദേവ്]

മനസ്സിലവളെ തെറിയുംപറഞ്ഞ് ഞാൻ കോഫികപ്പുംവെച്ചെഴുന്നേറ്റു...

ശേഷമവൾടെ കഴിപ്പുംകഴിഞ്ഞു യാത്രതുടരുമ്പോഴും ഇങ്ങനെ നാണങ്കെടാനായിരുന്നെങ്കിൽ വരേണ്ടിയിരുന്നില്ല എന്നുതന്നെയായിരുന്നെന്റെ മനസ്സിൽ...

അല്ലാണ്ടാരെങ്കിലും രണ്ടു കപ്പയൊക്കെ ഹോട്ടലീന്നു മേടിച്ചു കുത്തിക്കയറ്റുമോ..?? അതുമീ വെളുപ്പിനേ...

പിന്നീടങ്ങോട്ടുള്ള യാത്രയാണെങ്കിൽ അതിലുംദുരന്തം...

ചളിപറഞ്ഞിട്ട് തന്നെത്താനെ ചിരിക്കുന്നൊരുത്തനും മേടിച്ചുകൊടുത്ത കപ്പയ്ക്കുള്ള നന്ദിയെന്നോണം അതിനെ മാക്സിമം പ്രോത്സാഹിപ്പിയ്ക്കുന്നൊരു പൂറിയും...

വെറുപ്പിക്കലിന്റെ അങ്ങേയറ്റം...

ലോകത്തേറ്റവുംവലിയ ബോറനെന്റെ തന്തപ്പടിയാണെന്ന ചിന്തയതോടെ പോയിക്കിട്ടി...

ഇവന്റെ മുന്നിലങ്ങേരൊക്കെ വെറുംപൈതൽ...

കുറേയങ്ങു ചെന്നപ്പോഴാണ് വണ്ടിയൊരു ഏലക്കാട്ടിലേയ്ക്കു കേറുന്നത്...

ഇരുവശവും മരങ്ങളും ഏലച്ചെടികളും തിങ്ങിനിറഞ്ഞുനിൽക്കുന്നതിന്റെ നടുവിലൊരു റോഡ്...

ഹെഡ്ലൈറ്റിന്റെ വെളിച്ചത്താലല്ലാതെ പകലുപോലും റോഡുവ്യക്തമായി കാണാൻകഴിയില്ലെന്നു തോന്നിപ്പോകത്തക്ക രീതിയിലുള്ള
ഇരുട്ടായിരുന്നവിടമൊക്കെ...

...കോപ്പ്.! ഇവനിതേതു കൊടുങ്കാട്ടിലാ വണ്ടികൊണ്ടുകേറ്റീത്..?? ഇനി വീടെന്നുപറഞ്ഞതു വല്ല ഏറുമാടവുമാവോ..?? ഏതമ്മയെ കെട്ടിയ്ക്കാൻ തോന്നിയനേരത്താണാവോ ഇങ്ങോട്ടേയ്ക്കിറങ്ങി പുറപ്പെടാൻ തോന്നീത്..??

പുറത്തു തിങ്ങിപ്പടർന്നുനിൽക്കുന്ന ഏലക്കാട്ടിലേയ്ക്കു മിഴിച്ചുനോക്കുമ്പോൾ പെട്ടെന്നൊരു പ്രത്യേകവശ്യതയോടുകൂടിയ മണം മൂക്കിലേയ്ക്കടിച്ചു കേറി...

തിരിഞ്ഞുനോക്കുമ്പോൾ മീനാക്ഷി ഗ്ലാസ്സുതാഴ്ത്തിവെച്ചു പുറത്തേയ്ക്കുനോക്കി ലയിച്ചങ്ങനെയിരിയ്ക്കുവാണ്...

...ഈശ്വരാ... വല്ല കടുവയോ പുലിയോവന്ന് ഈ സാമാനത്തിനെ ചപ്പിക്കൊണ്ട് പോയെങ്കിൽ...

""...ഇപ്പൊ ഏലത്തിന്റെ സീസണാ... കണ്ടോ... ആ കാണുന്നതൊക്കെ ഏലച്ചെടികളാ..!!"""_ അവൻ പുറത്തേയ്ക്കു വിരൽചൂണ്ടിക്കാണിച്ചു പറഞ്ഞു...

മീനാക്ഷിയതിനെന്തൊക്കെയോ അവനോടു സംശയംചോദിയ്ക്കാനും അവനതിനു മറുപടികൊടുക്കുകേമൊക്കെ ചെയ്യുമ്പോഴും എന്റെമനസ്സവിടെങ്ങുമായിരുന്നില്ല...

...ഇനിയെന്റെ തന്തപ്പടിപറഞ്ഞത് ഇവനെത്തന്നെയാണോ..??

മീശപോലും കുരുക്കാത്ത ഇവന്റെകുഞ്ഞിനു ബെഡ്ഡേ... എന്നിട്ടു കൂട്ടിക്കൊണ്ടുപോകാൻ വന്നതൊരു ഊള ബൊലേറോയിൽ... കൊണ്ടുപോണതേതോ കൊടുങ്കാട്ടിലും... സത്യത്തിലിനിയെന്റെ ശല്യം സഹിയ്ക്കാമ്മയ്യാതെ പുള്ളി ക്വട്ടേഷൻ കൊടുത്തതാണമാവോ..??

അല്ലാതെയിമ്മാതിരി ഊള ടീംസുമായിട്ടൊന്നും എന്റെ തന്തച്ചാർക്കു കമ്പനിയുണ്ടാവാനുള്ള സാധ്യതയൊന്നും ഞാങ്കാണുന്നില്ല...

അപ്പോൾ മീനാക്ഷിയോ..?? അവളെന്തേലും ചെയ്യാനങ്ങേരു കൂട്ടുനിൽക്കോ..?? വീണ്ടും സംശയം...

...ചിലപ്പോൾ ചെറിയമ്മപറഞ്ഞ് സത്യംവല്ലതും മനസ്സിലാക്കീട്ടുണ്ടേലോ..?? ഇവളിത്രേംനാള് കാണിച്ചതുമുഴുവൻ അടവാണെന്നറിഞ്ഞപ്പോൾ തട്ടിക്കളയാൻ പ്ലാനിട്ടതാണേലോ..?? അതുകൊണ്ടാണോ ശ്രീയെക്കൂട്ടിവരാൻ സമ്മതിയ്ക്കാണ്ടിരുന്നത്..??

സംശയങ്ങൾ മുറുകിയപ്പോൾ ഞാൻവീണ്ടും തിരിഞ്ഞുനോക്കി...

മീനാക്ഷിയപ്പോഴും പുറത്തെക്കാഴ്ച്ചകളിൽ മുഴുകിയിരിയ്ക്കുവാണ്...

നോക്കടീ... നോക്ക്... ഇതുനിന്റവസാനത്തെ നോട്ടവാ... ഈനാറി നമ്മളെ കൊല്ലാങ്കൊണ്ടു പോകുവാ... നെനക്കു നേരത്തേ മേടിച്ചുതന്നില്ലേ, അതു നിന്റൊടുക്കത്തെ ഫുഡാ...

അതിനിടയിൽ വണ്ടി കാട്ടിൽനിന്നും പുറത്തുകടന്നിരുന്നു...

പിന്നീടുള്ളത് അത്യാവശ്യം വലിയൊരു സിറ്റിയായിരുന്നു...

ഒത്തിരി കടകളും ആളുകളുമൊക്കെയുള്ള സിറ്റി...

""...ദേ.. ആ കാണുന്ന ഷോപ്പുകണ്ടോ..?? അതു ഞങ്ങടെയാ..!!"""_ റോഡുസൈഡിൽക്കണ്ട മൂന്നുനിലയുള്ള ഷോപ്പിങ്‌കോംപ്ലക്സിലേയ്ക്കു വിരൽചൂണ്ടി അവൻപറഞ്ഞു...

""...ഏത്..?? ആ ഓറഞ്ചുപെയ്ന്റാണോ..??"""_ മീനാക്ഷിതിരക്കി...

അതിന്;

""...അതേ... എന്തേലുംവേണേല് പോന്നാമതീട്ടോ... റേറ്റൊക്കെ
നമുക്കഡ്ജസ്റ്റുചെയ്യാം..!!"""_ പുള്ളി വീണ്ടുംചിരിച്ചു...

മീനാക്ഷിയതിനു മറുപടിയായി മൂളിയപ്പോൾ അതു തുണിക്കടയാണ്, ഹോട്ടലല്ല എന്നു പറയണംന്നുണ്ടായിരുന്നെനിയ്ക്ക്...

...എന്നാലുമിത്രേം വല്യ ഷോപ്പിങ്‌ കോംപ്ലക്സോ..?? അതുമിവന്..?? ഹേയ്... അവിടെവല്ല സെയിൽസിനും നിൽക്കുവായിരിയ്ക്കും... കോപ്പൻ..! റേറ്റഡ്ജറ്റുചെയ്തു കൊടുക്കാന്ന്... എന്നിട്ടു