Chapter Title : എന്റെ ഡോക്ടറൂട്ടി 27 [അർജ്ജുൻ ദേവ്]

കൊണ്ടോവാനല്ലായ്രുന്നോ
പ്ലാൻ..?? അതിനല്ലേ ബാഗിന്റെമേലൊക്കെ നൈസിനു കൊണ്ടേവെച്ചത്..??"""_ കട്ടിലിലേയ്ക്കിരുന്ന് ചോദ്യമെറിഞ്ഞതും അവളെന്നെ തുറിച്ചൊരുനോട്ടം...

""...ദേ അനാവശ്യമ്പറഞ്ഞാ തുപ്പിത്തരും ഞാൻ...
മീനാക്ഷിയ്ക്കേ കക്കുന്നശീലമില്ല..!!"""

""...ഉഹ്.! ആരായീ പറേണെ..?? റോഡിലിച്ചിരി കാക്കക്കാട്ടംകിടന്നാലും വാരി പോക്കലിട്ടോണ്ടുപോണ രാജീവിന്റെമോളോ..??"""

""...ദേ... എന്റ പപ്പേപ്പറഞ്ഞാലുണ്ടല്ലോ... വായ്ലിരിയ്ക്കുന്നത് കേൾക്കുമേ..!!"""_ അവളുടെ ശബ്ദമൊന്നു കടുത്തു...

ഉടനെ,

""...അതിനു ഞാമ്പറയുന്നതല്ലല്ലോ...
നീ പറയിപ്പിയ്ക്കുന്നതല്ലേ..??

...എടീ... ഒന്നൂല്ലേലുമാ ഇത്തിരിയില്ലാത്ത കുഞ്ഞിന്റെ പാവയേം കട്ടോണ്ടുപോകാൻ കാണിച്ചതൊലിക്കട്ടി; ഉഫ്.! അപാരം.!
ഡോറകാണാൻ ആക്രാന്തമുണ്ടെന്നുവെച്ച് ഇങ്ങനൊക്കെച്ചെയ്യോ മനുഷ്യമ്മാര്..?? ഇപ്പൊത്തന്നെ അച്ചുകണ്ടതു ഭാഗ്യമായി... അല്ലായ്രുന്നേൽ നീയിതുംതാത്തിയങ്ങു പോയേനെ... പാവംതക്കുടുവോ, ഇനിയുള്ളജീവിതം അവന്റെ പാവയേമോർത്ത് കരഞ്ഞുതീർക്കേണ്ടീം വന്നേനെ... എന്തായാലും ദൈവംകാത്തു..!!"""_ അവളെപാളിനോക്കി പരമാവധി തളർത്താൻതന്നെയായ്രുന്നെന്റെ ശ്രെമം...

""...എടാ... അതിനു ഞാനിതിനെ താഴെവെച്ചിട്ടു വന്നതായ്ട്ടുതന്നാ എന്റെയോർമ്മ... പിന്നിതെങ്ങനെ ഇവടെവന്നൂന്നാ ഞാനാലോയ്ക്കുന്നേ..!!"""_ ടെഡ്ഡിയെക്കാട്ടിയവൾ പറഞ്ഞു...

""...ചിലപ്പോൾ കമ്പേൽക്കുത്തി മേപ്പോട്ട് ചാടിക്കാണും... ദേ ... എന്റെവായില് നല്ലതുവരുന്നുണ്ട്... കട്ടെങ്കിൽ കട്ടതാന്നങ്ങു സമ്മതിച്ചൂടെ... അല്ലാണ്ടിങ്ങനെ കണാക്കൊണാ പറയുന്നകേൾക്കുമ്പഴാ..!!"""_
പിന്നേം നന്നായൊന്നു പൊളിഞ്ഞുവന്നെങ്കിലും ഞാനങ്ങടു കടിച്ചമർത്തി...

""...അതേ... പറഞ്ഞാൽ മനസ്സിലാവാത്തവരോടു വാദിച്ചു സമയങ്കളയാനില്ലാത്തോണ്ട് ഞാമ്പോണു... ഇതിനെ തക്കുടൂനു കൊടുക്കണം..!!"""_ പറഞ്ഞശേഷം പാവയേംകൊണ്ടവൾ താഴേയ്ക്കുനടന്നു...

പുള്ളിക്കാരിയിറങ്ങി പോകുന്നതുംനോക്കി കുറച്ചുനേരമിരുന്നപ്പോളൊരു ചിന്ത;

...ഇനിയവളു മനഃപൂർവ്വമെടുത്തതാവൂലേ..?? എന്തൊക്കെപ്പറഞ്ഞാലും ഒരു പാവയെ അടിച്ചുമാറ്റാനുംമാത്രം ഊളയൊന്നുമല്ല മീനാക്ഷി...
മിക്കവാറും അബദ്ധമ്പറ്റീതാവും...
ആം.! എന്തേലുമാവട്ടേ... പാവയെക്കിട്ടീലോ.!

അങ്ങനേംചിന്തിച്ചു കിടന്നഞാൻ ഒരുറക്കംകൂടങ്ങു പാസ്സാക്കുവായ്രുന്നു...

പിന്നൊരു പതിനൊന്നു മണിയൊക്കെയായപ്പോൾ മീനാക്ഷിയാണ്‌ വിളിച്ചെഴീപ്പിച്ചത്...

ഫ്രെഷായ് താഴെച്ചെല്ലുമ്പോൾ
ചേച്ചി കഴിയ്ക്കാനെടുത്തുവെച്ചു...

എന്നാലവിടെയെല്ലാരും വേഷമൊക്കെമാറി എങ്ങോട്ടോപോകാനായി തയ്യാറാവുന്നതുകണ്ടതും,
ഇതെന്താ സംഭവമെന്നമട്ടിൽ മീനാക്ഷിയോടു കണ്ണുകാണിച്ചു...

""...ഇവടെയടുത്താരോ
മരിച്ചൂന്ന്..!!"""_ അടുത്തേയ്ക്കുവന്നിരുന്ന് രഹസ്യമായെന്നോണമവള്
പറഞ്ഞു...

അതിന്,

""...ആരാന്നു പറഞ്ഞില്ലേ..??"""_ ദോശകറിയിലേയ്ക്കു
മുക്കിക്കൊണ്ടു ഞാൻചോദിച്ചു...

""...ഇല്ല... ഇനിപ്പറഞ്ഞാലും തലയാട്ടാനല്ലേ എനിയ്ക്കുംപറ്റുള്ളൂ... ആളെയറിഞ്ഞൂടല്ലോ..!!"""_ അവളുടെമറുപടിയ്ക്കു ഞാനൊന്നുമൂളുന്നേരം അമ്മയുംസീതാന്റിയും അച്ചുവിനൊപ്പമങ്ങോട്ടേയ്ക്കു വന്നു...

എല്ലാരുങ്കൂടി ഒരുങ്ങിക്കെട്ടിയിറങ്ങാൻ ഇവരെന്താ കല്യാണത്തിനാണോ പോണേന്നാണാദ്യം ചോദിയ്ക്കാൻ തുടങ്ങീത്...

പിന്നെ നാവിനെത്തടഞ്ഞപ്പോൾ,

""...സിദ്ധൂ... ഇവിടടുത്തൊരു മരിച്ചടക്കുണ്ടെടാ... അതോണ്ട് ഞങ്ങളൊന്നു പള്ളീപ്പോയ്ട്ടുവരാം..!!"""

അമ്മയടുത്തേയ്ക്കുവന്നു, അച്ചുവും സീതാന്റിയും ഞങ്ങളോടു യാത്രപറഞ്ഞ് പുറത്തേയ്ക്കും....

""...മരിച്ചടക്കുളേളന് നിങ്ങളെല്ലാംകൂടി പള്ളീപ്പോയിരുന്നാലെങ്ങനെ ശെരിയാവും..?? മര്യാദയ്ക്കു മരണവീട്ടിപ്പോവാൻ നോക്ക്..!!"""

""...എടാപൊട്ടാ... ബോഡി പള്ളീലുവെച്ചേക്കുവാ... അപ്പൊപ്പിന്നെ വീട്ടിപ്പോയിട്ടെന്താ കാര്യം..??"""_ എന്റെ തലയ്ക്കിട്ടൊരു കൊട്ടുംതന്നിട്ട് പുള്ളികാരിയങ്ങനെ പറഞ്ഞതും ഞാനൊന്നുചമ്മി...

അതിനു മീനാക്ഷിയെന്നെനോക്കി ആക്കിച്ചിരിയ്ക്കുവേം ചെയ്തു...

അപ്പോഴേയ്ക്കും ചേച്ചിയുമങ്ങോട്ടേയ്ക്കു വന്നു;

""...ഡാ... തക്കുടുവുറങ്ങുവാ... ഒന്നുനോക്കിക്കോണേ..!!"""_ ഒതുക്കിക്കെട്ടിയമുടി തോളിലൂടെ മുന്നിലേയ്ക്കിട്ട് ചുരിദാറെങ്ങനെയുണ്ടെന്നർത്ഥത്തിൽ മീനാക്ഷിയെ കണ്ണുകാണിച്ചുകൊണ്ട് അവരെന്നോടായിപറഞ്ഞു...

""...അപ്പോളവനെ കൊണ്ടൊണില്ലേ..??"""

""...ഇല്ലട.! അവനുറക്കവാ... പിന്നെ ഞങ്ങളിപ്പഴിങ്ങു വരില്ലേ..?? നിങ്ങളൊന്നു നോക്കിയാമാത്രം മതി..!!"""

""...അതെന്താചേച്ചീ, അങ്ങനൊരു കുത്തിപ്പറച്ചില്..?? നമ്മളെന്താ