എന്റെ ഡോക്ടറൂട്ടി 28 Ente Docterootty Part 28 | Author : Arjun Dev

[ Previous Parts ] | [ www.kkstories.com ]

..എല്ലാത്തരം സിംഗിൾസിനും എന്റെ ഹൃദയംനിറഞ്ഞ വാലന്റൈൻസ് ഡേ ആശംസകൾ.!

തിരിച്ചുള്ളയാത്രയിൽ
ജോക്കുട്ടനെന്തൊക്കെയോ കലപിലവെച്ച് സ്വയം ചിരിയ്ക്കുന്നുണ്ടായ്രുന്നെങ്കിലും അതിൽപകുതിയും ഞങ്ങൾ കേട്ടിരുന്നില്ല...

വിലമതിയ്ക്കാനാവാത്തതെന്തിനേയോ കൊതിതീരെ ആസ്വദിയ്ക്കുന്നതിനു മുന്നേ നഷ്ടപ്പെട്ടാലുള്ള അവസ്ഥയായ്രുന്നൂ ഞങ്ങളിരുവർക്കും...

അവടെനിന്നും സ്വന്തം വീട്ടിലേയ്ക്കു പറിയ്ക്കപ്പെടുന്നതോർക്കുമ്പോൾ വണ്ടീന്നെടുത്തു ചാടിക്കളഞ്ഞാലോന്നു പോലും ഒരുനിമിഷം ഞാൻ ചിന്തിച്ചുപോയി...

അതിനിടയിലും പലയാവർത്തി മീനാക്ഷിയുടെ മുഖത്തേയ്ക്കു കണ്ണെറിഞ്ഞയെനിയ്ക്ക് അവൾടെ നിസ്സംഗഭാവമല്ലാതെ മറ്റൊന്നും കണ്ടറിയാൻ സാധിച്ചുമില്ല...

""...സിദ്ധൂ...
ബസ്സ്സ്റ്റാൻഡെത്തീട്ടാ..!!"""_ വണ്ടിചവിട്ടിക്കൊണ്ട് ജോക്കുട്ടൻപറയുമ്പോൾ ഇത്രപെട്ടെന്നോന്ന മട്ടിൽ ഞാനൊന്നു ചുറ്റുപാടുംനോക്കി...

...ശെരിയാണ്.! ബസ്സ്സ്റ്റാൻഡെത്തീട്ടുണ്ട്.!

അപ്പോളിത്രേന്നേരം കണ്ടതും കഴിഞ്ഞതുമൊന്നും സ്വപ്നമായ്രുന്നില്ലല്ലേ..??!!

...ആഹ്.! അല്ലേലും നമ്മളത്രമേൽ ആഗ്രഹിയ്ക്കുന്നതല്ലേ മൂപ്പര് സ്വപ്‌നമായൊതുക്കിക്കളയുള്ളൂ.!

""...എടാ... നിങ്ങളെന്തിനായിങ്ങനെ മുഖവുംവീർപ്പിച്ചു നിൽക്കുന്നേ..?? നിങ്ങൾക്കെപ്പൊ വേണേലും ഇങ്ങോട്ടേയ്ക്കു പോരാല്ലോ...
അല്ലേല് ഞങ്ങളങ്ങോട്ടുവന്നാലും പോരേ..?? അതുകൊണ്ട് നിങ്ങളു സന്തോഷത്തോടെ പോയ്ട്ടുവാ പിള്ളേരേ..!!"""_ വണ്ടിയിൽനിന്നും പുറത്തേയ്ക്കിറങ്ങീതും ഞങ്ങളെരണ്ടിനേയും ചേർത്തുപിടിച്ചുകൊണ്ടവൻ പറഞ്ഞു...

അതിനു മനസ്സില്ലാമനസ്സോടെ തലകുലുക്കുമ്പോൾ,

""...അതേ... നിങ്ങളിവടെനിൽക്ക്... ഞാമ്പോയി സ്നാക്സെന്തേലും മേടിച്ചേച്ചുവരാം... ഇവൾക്കങ്ങു തിരുവനന്തപുരംവരെ എത്താനുള്ളതല്ലേ..!!"""_
ഒരുചിരിയോടെ ജോക്കുട്ടനതുപറഞ്ഞതും ഞാൻതലകുലുക്കി...

എന്നാൽ,

""...ഏയ്‌.! അതൊന്നുംവേണ്ട ജോക്കുട്ടാ... എനിയ്ക്കു വിശക്കുന്നൊന്നുവില്ലാ..!!"""_ ന്നുമ്പറഞ്ഞ് മീനാക്ഷിയവനെ തടഞ്ഞു...

ഉടനെ,

""...ഏഹ്..?? ഇതെന്തുപ്രതിഭാസം..?? മീനാക്ഷിയ്ക്കു വിശക്കുന്നില്ലാന്നോ..?? സ്നാക്സൊന്നും വേണ്ടാന്നോ..??"""_ മീനാക്ഷിയെ കിലുത്തിക്കൊണ്ടവൻ ചോദിച്ചശേഷമവൻ ഉറക്കെച്ചിരിച്ചു...

എന്നിട്ടെന്നെയൊന്നു തോണ്ടീതും ഞാനുമൊന്നു പല്ലിളിച്ച് മീനാക്ഷിയെനോക്കി...

അതിനിടയിൽ അവളുമെന്നെ പാളി നോക്കുന്നുണ്ടായ്രുന്നു...

""...ആഹ്.!
അതെന്തേലുമായ്ക്കോട്ടേ... ഞാനിപ്പൊവരാം..!!"""_ പറഞ്ഞശേഷം അവനടുത്തുകണ്ടൊരു കടയിലേയ്ക്കുകേറി...

പരസ്പരമൊന്നും
മിണ്ടീലേൽപ്പോലും ഞാനുംമീനാക്ഷിയും അടുത്തടുത്തായിത്തന്നെ നിന്നിരുന്നു...

അതിനിടയിലെപ്പോഴോ അവളെന്റെ മുഖത്തേയ്ക്കുനോക്കീതും,

""...നിനക്കു കഴിയ്ക്കാനെന്തേലും വാങ്ങണോ..??"""_ ന്നു ചോദിയ്ക്കാതിരിയ്ക്കാൻ എനിയ്ക്കുമായില്ല...

അതെന്തുകൊണ്ടാണെന്നും
അറിയില്ല.!

""...വേണ്ടടാ...
എനിയ്ക്കുവിശപ്പില്ല...
നിനക്കെന്തേലും വാങ്ങണോ..??"""_ അവൾടെയാച്ചോദ്യത്തിന് വേണ്ടെന്നു തലകുലുക്കുമ്പോഴേയ്ക്കും ഒരുകവറിൽ എന്തൊക്കെയോ സ്നാക്സുമായി ജോക്കുട്ടനെത്തി...

അതു മീനാക്ഷിയ്ക്കുനേരേ നീട്ടീതും സാധാരണ കവിഴ്ന്നുവീഴുന്നവൾ ഇപ്രാവശ്യം വാങ്ങാൻപോലും മടികാണിച്ചു...

അതിനാലാ കവറുപോലുംവാങ്ങി കയ്യിൽപ്പിടിച്ചതു ഞാനായ്രുന്നു...

""...ദേ... അതു തിരുവനന്തപുരത്തേയ്ക്കാന്നാ തോന്നണേ... വാ..!!"""_ ഒരു ഫാസ്റ്റിലേയ്ക്കു ചൂണ്ടിക്കാണിച്ചശേഷം മീനാക്ഷിയുടെ ബാഗുമെടുത്തവൻ ബസിനുനേരേ വേഗത്തിൽ നീങ്ങിയപ്പോൾ ബാക്കിയുള്ളതൊക്കെയെടുത്ത് ഞങ്ങളും പിന്നാലേചെന്നു...

""...അതേ... പറഞ്ഞതൊക്കെയോർമ്മയുണ്ടല്ലോ... ഓരോന്നൊക്കെച്ചിന്തിച്ച് മുഖവും വീർപ്പിച്ചിരിയ്ക്കാതെ നല്ലകുട്ടികളായ്ട്ട് പോയിവരാൻ നോക്ക്..!!"""_ ബസ്സിന്റെ സ്റ്റെപ്പിനുതാഴെനിന്ന് ഒരിയ്ക്കൽക്കൂടിയവൻ ഓർമ്മിപ്പിച്ചപ്പോൾ അതിനൊന്നു തലകുലുക്കി...

അപ്പോഴേയ്ക്കും
അവൻ ബാഗെടുത്ത് വണ്ടിയിലേയ്ക്കുവെച്ചു...

""...എന്നാശ്ശെരി മക്കളേ... ഇനി കല്യാണത്തിനു കാണാം..!!"""_ ബസ്സിലേയ്ക്കുകേറീതും അവൻ കൈവീശിക്കാണിച്ചു...

അതിനൊന്നു ചിരിച്ചെന്നുവരുത്തി ബാഗുമായി ഞങ്ങൾ ഒഴിഞ്ഞയൊരു സീറ്റിലേയ്ക്കുനീങ്ങി...

വിൻഡോസീറ്റ് വേണമോയെന്ന ഭാവത്തിലുള്ള മീനാക്ഷിയുടെനോട്ടത്തിനു മറുപടികൊടുക്കാതെ മാറിക്കൊടുക്കുമ്പോൾ ചുറ്റുംനടക്കുന്ന പലതും ഞാനറിയാതെ പോയിരുന്നു...

യാത്രയ്ക്കിടയിൽ ഞങ്ങൾപരസ്പരം അധികമൊന്നും സംസാരിച്ചില്ല...

അവൾചോദിച്ചതിനൊക്കെ ഞാനും, ഞാൻചോദിച്ചതിനൊക്കെ അവളും മൂളുകമാത്രംചെയ്തു...

അതിനിടെ പലപ്രാവശ്യമെന്റെ കണ്ണുകൾ മീനാക്ഷിയുടെ മുഖത്തേയ്ക്കു വലയംവെച്ചെന്നു മാത്രം...

""...അതേ... ആർക്കേലുമെന്തേലും കഴിയ്ക്കുവോമറ്റോ ചെയ്യണമെങ്കിലാവാം... കുറച്ചുകഴിഞ്ഞേയിനി വണ്ടിയെടുക്കൂ..!!"""_ ഡ്രൈവറോടെന്തോ
സംസാരിച്ചശേഷം കണ്ടക്ടർ വിളിച്ചുപറഞ്ഞു...

അതുകേട്ടതും പലരും ബസ്സിൽനിന്നുമിറങ്ങുവേം ചെയ്തു...

""...നിനക്കെന്തേലും
വേണോ..??"""_ വിൻഡോയിലൂടെ പുറത്തേയ്ക്കുനോക്കിയിരുന്ന മീനാക്ഷിയോടായി ഞാൻചോദിച്ചു...

""...മ്മ്മ്മ്..??"""

""...അല്ല.! നിനക്കു കഴിയ്ക്കാനെന്തേലും
വേണോന്ന്..??"""_ ഞാനാവർത്തിച്ചു...

""...നിനക്കുവേണോങ്കി മതി... അല്ലാതെനിയ്ക്കു വേണ്ട..!!"""_ കുറച്ചുനേരമെന്നെ നോക്കിയിരുന്ന ശേഷമായ്രുന്നൂ മറുപടി...

അതിന്,