Chapter Title : എന്റെ ഡോക്ടറൂട്ടി 29 [അർജ്ജുൻ ദേവ്]

ടെഡ്ഡിയാണവൻ ഗിഫ്‌റ്റുതന്നെ... എന്തു രസവാല്ലേ കാണാൻ... സത്യായ്ട്ടുമെന്റെ മനസ്സുവായിച്ചപോലെണ്ടായ്രുന്നു ചേച്ചീ... അന്നേരത്തെ സന്തോഷത്തിനു കെട്ടിപ്പിടിച്ച് ഉമ്മകൊടുക്കാനാ തോന്നിയെ..!!"""_ നാണത്തിൽപൊതിഞ്ഞ മീനാക്ഷിയുടെയാ വാക്കുകൾകേട്ടപ്പോൾ ഇവളിതെന്നെത്തന്നെയാണോ ഉദ്ദേശിയ്ക്കുന്നതെന്നൊരു ചെറിയസംശയം...

""...ഇപ്പോഴോ..?? ഒന്നുപോ ചേച്ചീ... അവനുറങ്ങുവാ... ഇപ്പൊച്ചെന്നു കെട്ടിപ്പിടിച്ചേച്ച് അവൻവല്ലടത്തുംവെച്ച് മുട്ടുകേറ്റിത്തന്നാൽ രണ്ടുദിവസംപിന്നെ ഞാനതും തടവിത്തടവി നടക്കണം... കുറേയനുഭവമുള്ളതാണേ..!!"""_ പറഞ്ഞതും മണികിലുങ്ങുന്നപോലെയാ ചിരി ഞാൻകേട്ടു...

...അപ്പൊയെന്നെ കെട്ടിപ്പിടിയ്ക്കണമെന്നും ഉമ്മതരണമെന്നുമൊക്കെ മീനാക്ഷിയ്ക്കും ആഗ്രഹമുണ്ടല്ലേ..?? ഇന്നു പുതപ്പുകൊറേ കീറും.!

...സിത്തൂ കൺട്രോൾ.!

""...പിന്നേ... ഒന്നുപോ ചേച്ചീ... എനിയ്ക്കത്ര നാണമൊന്നുവില്ല... ഉണ്ടായ്രുന്നേൽ അത്രേം ഗസ്റ്റിന്റെമുന്നെനിന്നു ഞാൻ കെട്ടിപ്പിടിയ്ക്കുവായ്രുന്നോ..??"""_ അവൾടെയാ ചോദ്യംകേട്ടതും ഈമറ്റവള് മനുഷ്യനെ നാണംകെടുത്തോന്നമട്ടിൽ ഞാൻ ഞെട്ടിക്കണ്ണുതുറന്നു... മീനാക്ഷിയെനോക്കുമ്പോൾ അവളെന്തോ അബദ്ധംപറഞ്ഞപോലെ വാപൊത്തിപ്പിടിച്ച് കണ്ണുംതുറിപ്പിച്ചിരിയ്ക്കുവായ്രുന്നു... ഞാൻകേട്ടോന്നഭാവത്തിൽ എന്റെമുഖത്തേയ്ക്കു നോക്കാനായവൾ
മുഖംതിരിച്ചുവന്നതും ഞാൻകണ്ണുകളടച്ചു...

""...അയ്യോ.! അതുചേച്ചീ...
അങ്ങനല്ല... ഞാൻ പെട്ടെന്നെന്തോപറഞ്ഞപ്പോൾ വായീന്നുവീണുപോയതാ... അല്ലാതൊന്നുവില്ല... ശ്ശൊ..!!"""_ ഉടനെതന്നെ ഒഴിഞ്ഞുമാറാനായവൾ ശ്രെമിയ്ക്കുവേംചെയ്തു...

...ആം.! വലിച്ചുകൊട്.! ഇതിനാണുപറയണേ, നാക്കിനു ലൈസൻസുവേണോന്ന്... ഇനിയെന്താന്നുവെച്ചാൽ അനുഭവിച്ചോ..!!_ ഉള്ളിലെ ചിരികടിച്ചുപിടിച്ചുകൊണ്ട് ഞാൻതിരിഞ്ഞുകിടന്നു... അല്ലേൽചിലപ്പോളെന്റെ കള്ളിവെളിച്ചത്താവും...

""...അയ്യോ.! വേണ്ട.! അവനോടുചോയ്ക്കണ്ട... ഞാമ്പറയാം..!!"""_
അതുപറയുമ്പോൾ മീനാക്ഷിയെന്നെ നോക്കിയിട്ടുണ്ടാവണം... അല്ലേലവളുടെ ശബ്ദത്തിന്റെധ്വനികൾ എന്റെനേരേ വീഴില്ലായ്രുന്നുവല്ലോ...

...മ്മ്മ്.! ഞാനിതൊക്കെ കേൾക്കുന്നുണ്ടോന്നുള്ള
ടെൻഷനാണ് തെണ്ടിയ്ക്ക്..!!

""...അതുചേച്ചീ... ഞാനിപ്പോ... ഞാനിപ്പെങ്ങനാ പറേക..?? ചേച്ചീ...
ആ ഗിഫ്റ്റവൻ കൊണ്ടേത്തന്നപ്പോൾ അച്ഛനും വേറാരൊക്കെയോ അവനെകളിയാക്കി... അതുകേട്ടപ്പൊ എനിയ്ക്കുസങ്കടായി... എനിയ്ക്കതുമേടിച്ചോണ്ടല്ലേ എല്ലാരുമവനെ കളിയാക്കിയെ..!!"""_ പറയുമ്പോൾ മീനാക്ഷിയുടെ സ്വരമടച്ചിരുന്നു...

""...ഇല്ല... ചേച്ചീ..!!"""_ അവൾതുടർന്നു;

""...അവൻ ദേഷ്യപ്പെട്ടേന്നുമില്ല... അവൻപറയുവാ, അവന്റേൽ കാശില്ലാത്തോണ്ട് കയ്യിലുണ്ടായ്രുന്ന കാശിനുമേടിച്ചതാന്ന്... ബാക്കിയുണ്ടായ്രുന്നേന് പെട്രോളുമടിച്ചൂന്ന്... പറയുമ്പോൾ കണ്ണൊക്കെനിറഞ്ഞായ്രുന്നു ചേച്ചീ... അതുകൂടിക്കണ്ടപ്പോൾ
എനിയ്ക്കങ്ങട് സഹിയ്ക്കാമ്പറ്റീല... അതാ കെട്ടിപ്പിടിച്ചുപോയെ..!!"""_ അവൾനിർത്തുമ്പോൾ എന്തിനാണെന്നറിയില്ല എന്റെകണ്ണും നിറഞ്ഞുപോയി...

...ഇരട്ടച്ചങ്കനായ സിദ്ധു
ഇതിനൊക്കെക്കരയുകയോ.??_ മനസ്സെന്നോടു ചോദിച്ചചോദ്യം...

പക്ഷേ, അതിനു പറയാനൊരുത്തരം എനിയ്ക്കറിയില്ലായ്രുന്നു...

...എന്നാലൊന്നറിയാം, ആർക്കും മനസ്സിലാക്കാൻകഴിയാത്ത സിദ്ധൂന്റെമനസ്സറിയാൻ ഒരാൾക്കുകഴിഞ്ഞിട്ടുണ്ടെങ്കിൽ ഇനിയയാൾ എത്രവലിയ ശത്രുവാണേലും പിടിച്ചയാപ്പിടി സിദ്ധുവിടാമ്പോണില്ല.!

മനസ്സിനുള്ളിലെവിടെയോ തിരിച്ചറിവുകളും അതിനൊപ്പമുള്ള പ്രതിജ്ഞകളും കൊടിയേറുമ്പോൾ ഞാനെന്റെ മീനാക്ഷിയുടെശബ്ദം വീണ്ടുംകേട്ടു...

""...ശെരിയാ ചേച്ചീ... ചേച്ചിയന്നുപറഞ്ഞപ്പോഴും ഞാനിത്രേന്നും കരുതീല... ഇന്നലെയാ പാവക്കുട്ടിയേംകൊണ്ടുവന്ന് പട്ടിയെക്കണക്കുനിന്ന് നാണംകെടുമ്പോൾ മനസ്സിലായി, സ്നേഹിയ്ക്കുന്നോർക്കു വേണ്ടി എന്തുംചെയ്യാനുള്ള അവന്റെയാമനസ്സ്... പിന്നെ ശ്രീക്കുട്ടനുംപറഞ്ഞു, എന്നോടുള്ള ഇഷ്ടംകൊണ്ടും എന്റെപേരിലുള്ള ഫങ്ഷനായതുകൊണ്ടുമാ ഇത്രയൊക്കെപറഞ്ഞിട്ടും അവൻ മറുത്തൊന്നും മിണ്ടാതിരുന്നേന്ന്... അതുകൂടിക്കേട്ടപ്പോൾ പിന്നൊന്നുംകഴിയ്ക്കാൻ തോന്നീലചേച്ചീ... ഓടിക്കേറിവന്നതാ... അപ്പോഴേയ്ക്കും ചെക്കനുറങ്ങിപ്പോയി..!!"""_ അവളൊരിയ്ക്കൽക്കൂടി വാക്കുകൾക്കു വിശ്രമംകൊടുക്കുമ്പോൾ പലയാവർത്തി ഇതൊരു സ്വപ്നമാവരുതേയെന്നു ഞാൻ പ്രാർത്ഥിയ്ക്കുന്നുണ്ടായ്രുന്നു...

കാരണം, അത്രയ്ക്കും
മീനാക്ഷിയെന്റെ ചങ്കിനെ കാർന്നെടുത്തിരുന്നു...

""...പിന്നെ ചേച്ചീ... വേറൊരു കാര്യംകൂടൊണ്ട്... അല്ലേവേണ്ട... അതുപറഞ്ഞാൽ ചേച്ചി കളിയാക്കും..!!"""_ സസ്പെൻസിട്ടവൾ നിർത്തിയതും ഞാനൊന്നുഭയന്നു...

...ഈശ്വരാ.! പാതിയുറക്കത്തിൽ സ്വപ്‌നംകണ്ട് ഞാനെന്തേലും