Chapter Title : എന്റെ ഡോക്ടറൂട്ടി 24 [അർജ്ജുൻ ദേവ്]

പറഞ്ഞിട്ടില്ലേ,
ഇതിവടെയുണ്ടേൽ ഇറങ്ങിപ്പോവുമ്പോൾ റൂമിന്റെ കതകടയ്ക്കണോന്ന്..!!"""_ അവനോടൊന്നുചാടിയ
ചേച്ചി,

ശേഷം;

""...ഈശ്വരാ... ഒണന്നു...
ഇനിഞാനീ കുട്ടിച്ചാത്തനെ എപ്പോറക്കാനാ..??"""_ ന്നു സ്വയംചോദിയ്ക്കുമ്പോൾ, ഞാനൊന്നുമറിഞ്ഞില്ലേ
രാമനാരായണാന്നമട്ടിൽ ആമുറിയിൽ തലങ്ങുംവിലങ്ങും
നടക്കുവായ്രുന്നൂ ഹബീബി, അല്ല ഹണീബീ...

""...നിനക്കിപ്പോ സമാധാനമായോടാ..??"""_ ദേഷ്യപ്പെട്ടുള്ള
ചേച്ചീടെചോദ്യത്തിന് ചെറിയൊരുമൂളലോടെ
കാലിൽമുട്ടിയുരുമ്മുന്ന ആ പൂച്ചയെനോക്കുമ്പോൾ സാറിനിതൊക്കെ മനസ്സിലാകുന്നുണ്ടോന്ന ചിന്തയിലായ്രുന്നൂ ഞാൻ...

""...കണ്ണുംമിഴിച്ചു
നോക്കുന്നോ നീ..?? ഉറങ്ങാതിരുന്നിട്ട് കുറച്ചു കഴിഞ്ഞിവടെക്കിടന്നു കാറിയാൽ കിറിയ്ക്കിട്ടു കുത്തുംഞാൻ..!!"""_ പൂച്ചയേയും തന്നെയും മാറിമാറിനോക്കുന്ന കുഞ്ഞിനോടായി ചേച്ചിചീറി...

""...ഇനിയവൻ ഉറങ്ങത്തൊന്നുവില്ല,
നീയവനെ ഹാളിലാക്കടീ... ഹണീബിയുണ്ടല്ലോ കൂട്ടിന്..!!"""_ അടുക്കളയിൽനിന്നും
അമ്മയുടെവാക്കുകൾ...

...ഏഹ്.! അപ്പൊയീ
പൂച്ചേടെപേര് ഹണീബീന്ന് തന്നായ്രുന്നോ..?? അയ്യേ.!

ഞാനൊരിളിഞ്ഞ മുഖത്തോടെ തിരിയുമ്പോൾ എന്നെ
കടിച്ചുകീറാനുള്ള ഭാവത്തിൽ നിൽക്കുവാ മീനാക്ഷി...

""...സോറി.!
അബദ്ധംപറ്റിപ്പോയി...
ചുമ്മാതാണോ ആ പൂച്ച
കൊഞ്ചുപോലെപോണേ... പേരിന്റഹങ്കാരാ..!!"""_
അതുംപറഞ്ഞു
മീനാക്ഷിയുടെവായീന്നു
മുങ്ങുമ്പോൾ
ജോക്കുട്ടൻ കുഞ്ഞിനെ
ലിവിങ്റൂമിൽ നിലത്തായിക്കൊണ്ടിരുത്തിയിരുന്നു...

പിന്നാലെ പതുങ്ങിപ്പതുങ്ങി ഹണീബിയുമെത്തി...

...ഉഹ്.! എന്താ ജാഡ.! പുലിയ്ക്കുകാണില്ലല്ലോ ഇത്രേംനെഗളിപ്പ്.!

പൂച്ചസെറിന്റെ നിൽപ്പുംഭാവവുമൊന്നും അത്രസുഖിയ്ക്കാതിരുന്ന ഞാൻ മനസ്സിൽ പിറുപിറുക്കുമ്പോൾ, ഏതോപ്രിയപ്പെട്ട കളിപ്പാട്ടംകിട്ടിയപോലെ
തക്കുടുവവനെ തൊട്ടുംതലോടിയുമിരുന്നു...

ബാക്കിയെല്ലാരും അതാസ്വദിയ്ക്കുമ്പോൾ മീനാക്ഷിയ്ക്കതത്ര സുഖിയ്ക്കുന്നുണ്ടായ്രുന്നില്ല;
അല്ലേലും കുപ്പിപ്രതീക്ഷിച്ചിടത്ത്
ഒരലവലാതി പൂച്ചയെക്കിട്ടിയാൽ ആർക്കാ സുഖിയ്ക്കുക..??

""...ഹണീബി വന്നാപ്പിന്നെ അവനുപിന്നെ തീറ്റപോലുംവേണ്ട... ഹണീബിയുമങ്ങനെ തന്നെ, ഉറങ്ങിയാപ്പോയി അവനേം വിളിച്ചെണീപ്പിയ്ക്കും...
അത്രയ്ക്കുകൂട്ടാ രണ്ടുങ്കൂടി..!!"""_
അമ്മ ഞങ്ങളോടായി പറഞ്ഞു...

അങ്ങനെകുറച്ചുനേരം അവരുടെകളിയും നോക്കിയിരിയ്ക്കുമ്പോഴാണ് വലിയൊരുചാക്കുമായി ജോക്കുട്ടന്റച്ഛന്റെവരവ്...

അടുക്കളപ്പുറത്തേയ്ക്കു പോണതുകണ്ടതും ചാക്കിനകത്തെന്താന്നറിയാനുള്ള കൗതുകത്തിൽ ഞാനുമങ്ങോട്ടേയ്ക്കു ചെന്നു...

""...കവലേവന്മാരൊരു പോത്തിനെവെട്ടി... പിള്ളേരൊക്കുള്ളതല്ലേ,
അതോണ്ടൊരുപങ്കു ഞാനുമിങ്ങുമേടിച്ചു..!!"""_ ചാക്ക് അമ്മയെയേൽപ്പിച്ചോണ്ടതു പറഞ്ഞപ്പോൾ
വായുംപിളർത്തിവെച്ച് മീനാക്ഷിയെന്നൊരു നോട്ടം...

""...എത്ര കിലോയുണ്ടച്ഛാ..??"""_
ഉടനെ ചേച്ചീടെചോദ്യം...

അതിന്,

""...പതിനഞ്ചിരുന്നൂറ്..!!"""_
ന്ന് പുള്ളി മറുപടിയുംകൊടുത്തു...

""...പതിനഞ്ചുകിലോയോ..?? അതിനെന്തേലും