Chapter Title : എന്റെ ഡോക്ടറൂട്ടി 26 [അർജ്ജുൻ ദേവ്]

അപ്പോഴും ഞാൻവന്നതോ നിന്നതോ നോക്കീതോ അറിയാതെ മീനാക്ഷി തച്ചിനുനിന്ന് സീൻപിടിയ്ക്കുവാണ്...

അവൾടെ മഞ്ഞനിറത്തിലെ ടോപ്പിന്റെ കക്ഷഭാഗത്ത് വിയർത്തു നനവൂറിയതിനൊപ്പം കഴുത്തിൽനിന്നും വിയർപ്പുകണങ്ങൾ ടോപ്പിനുള്ളിലേയ്ക്ക് അരിച്ചിറങ്ങാനും തുടങ്ങിയിരുന്നു...

അതിനിടയിൽ അവൾ തുടകൾതമ്മിൽ ചേർത്തമർത്തി ഒന്നു വിറയ്ക്കുകകൂടി ചെയ്തതും സംഗതി പിടിവിട്ടുപോകാനുള്ള സകലസാധ്യതകളും ഞാൻ മുന്നിൽക്കണ്ടു...

അപ്പോഴാണൊരൈഡിയ തോന്നിയത്...

ഞാനുടനേ കയ്യിലിരുന്ന തക്കുടൂനെ പാതിതുറന്ന ഡോറിന്റെസൈഡിൽ നിലത്തിരുത്തി ആനവണ്ടി തള്ളിവിടുമ്പോലെ റൂമിനകത്തേയ്ക്കു തള്ളിവിട്ടു...

അവൻ മുട്ടുകാലിൽ അകത്തേയ്ക്കു പായാൻതുടങ്ങീതും ഞാൻ കയ്യെത്തിച്ചവന്റെ കുഞ്ഞു കാൽപാദത്തിൽ ഒരു നുള്ളുകൂടി വെച്ചുകൊടുത്തു...

അതോടെ പാഞ്ഞകത്തേയ്ക്കു കേറിയ ചെക്കനിരുന്നൊറ്റ കീറല്...

ആ സമയംകൊണ്ട് വെച്ചുവിട്ട ഞാനെന്റെ റൂമിലേയ്ക്കും കടന്നിരുന്നു...

അപ്പോഴും താഴെ ചെക്കന്റെ കാറിച്ചകേൾക്കാം...

ഒരു കളിമുടങ്ങിയതിന്റെ കലിപ്പിലാവണം ചേച്ചിയുടേം ജോക്കുട്ടന്റേം വലിയൊരു കോലാഹലവും കേൾക്കുന്നുണ്ട്...

...ഉഫ്.! എന്താ ഒരു സാറ്റിസ്ഫാക്ഷൻ.!

തിരിഞ്ഞുംമറിഞ്ഞും കിടന്ന് കൈകൊട്ടിചിരിച്ച് മനസ്സിലെ വിങ്ങലടക്കുമ്പോഴാണ് നെഞ്ചത്ത് കയ്യുംവെച്ച് കിതപ്പടക്കാനാകാതെ വാടിത്തളർന്ന മട്ടിൽ മീനാക്ഷി മുന്നിൽനിൽക്കുന്നത് കണ്ടത്...

""...ചെറ്റത്തരം കാണിയ്ക്കുന്നേനും ഒരന്തസ്സുണ്ടെടാ പട്ടീ..!!"""_ എന്റെയാ നിറഞ്ഞ ചിരികണ്ടതും കിതപ്പടക്കാനായി ഇടുപ്പിൽ കൈകൊടുത്തുനിന്ന അവളൊന്നു ചീറി...

""...ചെറ്റത്തരോ..?? അയ്ന് ഞാനെന്തു ചെറ്റത്തരവാ കാട്ടീത്..??"""_ അതിന് ഞാനൊന്നുമറിയാത്ത പോലെ ചിരിയൊതുക്കാനായി ശ്രെമിച്ചതും,

""...നെനക്കൊന്നുമറീലല്ലേ..?? അവർടെ റൂമിലേയ്ക്കു കുഞ്ഞിനെ കേറ്റിവിട്ടിട്ട് നെനക്കൊന്നുമറിയില്ലാന്നാണോ..??"""_ അവൾ കലിപ്പടങ്ങാതെ നിന്നു തിളയ്ക്കുവാണ്...

""...ഓ.! ഇതൊക്കെയൊരു സന്തോഷമല്ലേ..?? അല്ലാ... അതിരിയ്ക്കട്ടേ... ഇത്രേന്നേരം അവരെ തമ്മിലടിപ്പിയ്ക്കാൻ നടന്നിട്ട് നാണമുണ്ടോടീ അവര് ഉമ്മവെയ്ക്കുന്നത് ഒളിഞ്ഞുനോക്കാൻ..?? മാനങ്കെട്ടവളേ..!!"""_ ഞാനുംവിട്ടില്ല...

അതിന് കക്ഷി നല്ലസ്സലായ്ട്ടൊന്നു ചമ്മി...

എങ്കിലും അതു സമ്മതിച്ചുതരാനവൾ ഒരുക്കമായ്രുന്നില്ല...

""...അത്... അതുപിന്നെ... ഞാനൊളിഞ്ഞു നോക്കിയൊന്നുമല്ല, അവര് നമ്മളെക്കുറിച്ചെന്തേലും പറയുന്നുണ്ടോന്നു നോക്കിയതാ..!!"""

""...ഉവ്വേ.! എന്നിട്ടാണല്ലോ അവനാ