Chapter Title : എന്റെ ഡോക്ടറൂട്ടി 28 [അർജ്ജുൻ ദേവ്]

എടുത്തിട്ടു പോരായ്രുന്നില്ലേടാ..?? ഇതും ചുമന്നുകേറ്റിയെന്റെ നടുവൊടിഞ്ഞു..!!"""_ ന്നും പറഞ്ഞ് ബെഡിലേയ്ക്കൊറ്റയിരുത്തം...

""...പിന്നേ... നിന്റെ കോപ്പുചൊമക്കാൻ ഞാനാരാടി നിന്റപ്പനോ..?? അതോ റെയിൽവേപോർട്ടറോ..??"""_ ചാടിയെണീറ്റുകൊണ്ടുള്ള എന്റലർച്ചയിൽ മീനാക്ഷിയുടെ കിളിപോയി...

അവള് ഉണ്ടക്കണ്ണുകൾ മിഴിച്ചെന്നെ പകച്ചു നോക്കുന്നതുകണ്ടതും പണിയേറ്റുതുടങ്ങി എന്നെനിയ്ക്കു മനസ്സിലായി...

ഇത്രേന്നേരം കട്ടയ്ക്കുകൂടെനിന്ന എനിയ്ക്ക് പെട്ടെന്നിതെന്താ പറ്റീതെന്നു ചിന്തിയ്ക്കുവാരിയ്ക്കും പാവം...

അതുമനസ്സിലാകുംമുമ്പേ
ബാക്കി ഡയലോഗുകൂടിവിട്ടാൽ പണിയേറ്റോളുമെന്ന് എനിയ്ക്കുറപ്പായ്രുന്നു...

""...കൊറേനേരവായി ഞാൻ സഹിയ്ക്കുന്നു... എന്റെകൂടെ ഒരുവഴിയ്ക്കുവന്നതല്ലേ... ഒരുപെണ്ണല്ലേ... പരുന്തുംകാലേൽ പോവണ്ടല്ലോന്നൊക്കെക്കരുതി ഞാനൊന്ന് താന്നുതന്നപ്പോ തലേക്കേറുന്നോടീ നീയ്..??
അവൾടെ കോപ്പു ചൊമക്കാത്തതെന്താന്ന്..?? നിന്റെ തന്തേവിളിച്ചു ചുമപ്പിയ്ക്കെടീ..!!"""_ പഴേ ഫോമിലെത്തിയ്ക്കാനായി ഞാനൊന്നാഞ്ഞു ശ്രെമിച്ചെങ്കിലും പകച്ചയാഭാവത്തോടെ നിന്നതല്ലാതവൾ മറുപടിയൊന്നും പറഞ്ഞില്ല...

അതോടെ ഞാൻ വീണ്ടുംതുടർന്നു;

""...ദേ... മര്യാദയ്ക്കു ഞാനൊരു കാര്യമ്പറഞ്ഞേക്കാം... അവടെവെച്ചു ഞാനൊന്നു താന്നുതന്നതേ, വല്ലോന്റേം വീടല്ലേ... അവിടെക്കിടന്നു കന്നന്തിരിവുകാണിച്ചാ അതെന്റെ സ്റ്റാൻഡേർഡിനെ ബാധിക്കുവല്ലോന്നുകരുതി മാത്രവാ... അവടുന്നുപോന്നതും അതവിടെതീർന്ന്... ഇനിയതും മനസ്സിലിട്ടോണ്ട് എന്നെയങ്ങോട്ടൊണ്ടാക്കാവെന്നു വല്ലമോഹോം മനസ്സിലുണ്ടെങ്കി അതങ്ങോട്ടെട്ടാക്കിമടക്കി നിന്റെ കാലിന്റെടേലോട്ടു വെച്ചോണം... ഇല്ലെങ്കിലറിയാലോ, സിദ്ധുന്റെ തനിക്കൊണം നീ കാണും..!!"""_ എടുത്തടിച്ചതുപോലെ ഞാനെന്റെ മാസ്സ് ഡയലോഗുകളങ്ങോട്ടു വിട്ടിട്ടും അവടെന്നു മറുപടിയൊന്നും വന്നില്ല...

പകരം കുറച്ചുനേരമങ്ങനെ എന്നെത്തന്നെ നോക്കിനിന്നിട്ട് താഴേയ്ക്കിറങ്ങി ഒറ്റപ്പോക്കായ്രുന്നു...

അതുകണ്ടപ്പോൾ ഒരുസംശയം;

...ഇനിയിപ്പോ സംഗതി ഏറ്റിട്ടുണ്ടാവില്ലേ..??

...ഏയ്.! കാര്യങ്കഴിഞ്ഞപ്പോൾ ഞാനെന്റെ തനിക്കൊണം കാണിച്ചൂന്ന് കരുതിക്കാണും...

അല്ലാന്നു വിശ്വസിയ്ക്കാനുള്ള ബോധമൊന്നും മീനാക്ഷിയ്ക്കുണ്ടെന്ന് തോന്നുന്നില്ല.!

അപ്പൊപ്പിന്നെ സ്വല്പം ജാഡയിൽത്തന്നെ മുന്നോട്ടുപോകാം...

എന്തായാലും ചേച്ചിയുടെമുന്നിൽ അവളുകാണിച്ച ഷോവെച്ചുനോക്കുമ്പോൾ വെറുതേ തള്ളീതാവാൻ വഴിയില്ല...

മൊത്തമൊന്നുമില്ലേലും കുറച്ചെങ്കിലും ഇഷ്ടമൊക്കെന്നോടു കാണാണ്ടിരിയ്ക്കില്ല...

മാത്രോമല്ല,
ഇടയ്ക്കൊക്കെ ചേച്ചിവിളിച്ചെന്തേലുമൊക്കെ
മൂപ്പിച്ചുകൊടുക്കാനും സാദ്ധ്യതയുണ്ട്...

അതോണ്ടെങ്ങനേലും എന്നെ ചാക്കിലാക്കാൻ ശ്രമിയ്ക്കാണ്ടിരിയ്ക്കില്ല...

അപ്പൊ വീട്ടുകാരുകാൺകേ പതുക്കെപ്പതുക്കെ അയഞ്ഞയഞ്ഞു കൊടുക്കുന്നതായി അഭിനയ്ക്കുകകൂടി ചെയ്താൽ