Chapter Title : എന്റെ ഡോക്ടറൂട്ടി 30 [അർജ്ജുൻ ദേവ്]

അവൾക്കു സ്പ്രൈറ്റ്കൊടുത്ത് സൈഡാക്കിയെങ്കിലും സാധനത്തീന്നൊന്ന് കൊടുക്കാത്തതിന്റെ കലിപ്പിലായ്രുന്നു പെണ്ണ്...

പെട്ടെന്നാണ് വണ്ടിയൊരു ശബ്ദത്തോടെ കുലുങ്ങിയത്... കൂട്ടത്തിൽ പുറത്തുനിന്നാരോ എന്തോ പറയുന്നപോലൊരു തോന്നലുമുണ്ടായി...

ഇതെന്താപ്പൊ പറ്റിയേന്നമട്ടിൽ ചാടിയെഴുന്നേൽക്കുമ്പോൾ അച്ചു ഡോറുംതുറന്ന് പുറത്തിറങ്ങിയിരുന്നു...

""...ഇതെന്റെവണ്ടി... ഞാൻ ഡോറടയ്ക്കും.. അടയ്ക്കാതിരിയ്ക്കും... അതിനു നിനക്കെന്താടാ നാറീ..??"""_ പിന്നാലേ അച്ചുവിന്റെ സ്വരംകൂടി കേട്ടപ്പോഴാണ് ശ്രീക്കുട്ടൻ തല പുറത്തേയ്ക്കിട്ടത്...

""...എന്താടീ..?? എന്താപ്രശ്നം..?? ആരാത്..??"""_ അതിനിടയിൽ അടിച്ചുപൂക്കുറ്റിയായി കിടന്നുകൊണ്ട് ജോക്കുട്ടൻതിരക്കി...

""...അറിയില്ല... ഏതോരുത്തൻ ഡോറടിച്ചിരിയ്ക്കടീന്നുമ്പറഞ്ഞ് ഡോറിന്മേൽ ചവിട്ടീട്ട് പോയതാ..!!"""_ അച്ചു തിരിച്ചുകേറി കാര്യം വിശദീകരിച്ചു...

""...ആഹാ.! അതേതവനാടാ എന്റെ വണ്ടിയ്ക്കിട്ടു ചവിട്ടീത്..?? ഇന്നവനെ തീർത്തിട്ടുതന്നെ കാര്യം... അല്ലേലും കാശുള്ളോന്റെ വണ്ടികാണുമ്പോ സകലതിനുമുള്ളതാ ഈ കഴപ്പ്‌...!!"""_ സീറ്റിൽ ചടഞ്ഞുകിടന്ന് ജോക്കുട്ടൻപുലമ്പി...

""...വിട്ടു കളയാശാനെ... ചീള് കേസ്‌..!!"""_ ശ്രീ ജോക്കുട്ടനെയൊന്നു സമാധാനിപ്പിയ്ക്കാനായി പറഞ്ഞതും,

""...അതെന്താടാ എന്റെ വണ്ടിയായിട്ടാണോ നിനക്കിത് ചീളുകേസായത്..?? പറേടാ... ഡാ പറയാൻ..!!"""_ എന്നും ചോദിച്ചുകൊണ്ട് ശ്രീയുടെ കിറിയ്ക്കിട്ടു കുത്തിക്കൊണ്ട് ജോക്കുട്ടൻ പുതിയ മൊണ്ടിപിടിച്ചു...

""...ഒന്നു മിണ്ടാണ്ടിരിയ്ക്കാവോ..?? അല്ലേത്തന്നെ മനുഷ്യനിവിടെ പൊളിഞ്ഞിരിയ്ക്കുവാ..!!"""_ ഇതെല്ലാംകേട്ട് ഡ്രൈവിങ്സീറ്റിലിരുന്ന അച്ചുവൊന്നു പൊട്ടിത്തെറിച്ചതോടെ ജോക്കുട്ടൻ പൊടിയ്ക്കടങ്ങി സീറ്റിലേയ്ക്കു വളയിട്ടു...

...ഉഫ്.! ഇവനെയൊക്കെ ഷെയറിട്ടടിയ്ക്കാൻ കിട്ടുന്നവനാണ് ഭാഗ്യവാൻ... ഒരടപ്പിലൊഴിച്ചിട്ട് തൊട്ടുതളിച്ചാമതി.!

അമ്മാതിരി സംഗതികൾക്കിടയിലും എന്റെ ചിന്തപോയത് ആ വഴിയ്ക്കായ്രുന്നു...

അപ്പോഴാണ് അടിച്ചസാനം മാമന്റെ വയറ്റിൽക്കിടന്ന് ഞെളിപിരികൊണ്ടത്...

അതോടെ പുള്ളി നിവർന്നിരുന്ന് അച്ചൂനെ തോണ്ടി;

""...മോളേ... വണ്ടിതിരിയ്ക്കടീ... നമ്മടെ വണ്ടിയ്ക്കിട്ടിടിച്ചവനെ ഇന്നത്തോടെ തീർത്തുകൊടുത്തേക്കാം..!!"""_ വെള്ളത്തിന്റെമൂപ്പിൽ പുള്ളിയിരുന്ന് ഷോയിറക്കീതും,
അതുകേൾക്കാൻ കാത്തിരുന്നതുപോലെ അച്ചു വണ്ടിതിരിച്ചു...

""...വണ്ടിയ്ക്കിട്ടിടിച്ചെന്നല്ല കെളവാ പറഞ്ഞത്...
വണ്ടിയ്ക്കിട്ട് ചവിട്ടീന്നാ..!!"""_ അതിനിടയിൽ ശ്രീ തിരുത്തുന്നുണ്ടായ്രുന്നു...

അതിനും ജോക്കുട്ടൻ വളവളാ ശബ്ദത്തിലെന്തൊക്കെയോ മൊഴിഞ്ഞപ്പോൾ മുറിഞ്ഞുകിടന്ന പച്ചമുളകിന്റെയൊരു പീസെടുത്തുടച്ച് ഞാനവന്റെ