Chapter Title : എന്റെ ഹോട്ടൽ ജോലിക്കാലം [Vikara Jeevi]

പൂസ്സായിട്ട് അവരുടെ കാല് നിലത്ത് ഉറയ്ക്കുന്നില്ല. എന്നെക്കൊണ്ട് പിടിച്ചിറക്കാൻ പറ്റില്ല. ശരി ചേട്ടാ ഞാൻ വരാം എന്ന് പറഞ്ഞ് ഞാനും പ്രസാദും കൂടി വണ്ടിയുടെ സമീപത്തേക്ക് ചെന്നു. ഞങ്ങൾ രണ്ടാളും കൂടി ഒരുതരത്തിൽ അവരെ പിടിച്ചു കൊണ്ടുവന്ന് റിസപ്ഷനിലെ സോഫയിൽ ഇരുത്തി. വണ്ടിക്കാശ് അവരു ഹോട്ടലിൽ നിന്ന് പോകുന്നതിനു മുമ്പ് വാങ്ങി വച്ചേക്കണം എന്ന് പറഞ്ഞ് വർഗ്ഗീസ് ചേട്ടൻ അവരുടെ ബാഗ് എന്നെ ഏൽപ്പിച്ച് വണ്ടിയുമായി പോയി. ഞാൻ റിസപ്ഷൻ കൗണ്ടറിനുള്ളിൽ കയറി അവരുടെ റൂമിന്റെ താക്കോൽ എടുത്തു.  എന്നിട്ട് ഞാനും പ്രസാദും കൂടി അവരെ പിടിച്ചെഴുനേൽപ്പിച്ച് റൂമിലേയ്ക്ക് കൊണ്ടു പോകാൻ തുടങ്ങി. പെട്ടന്ന് അവർ പ്രസാദിന്റെ കൈ തട്ടിമാറ്റിയിട്ട് അവനെ മുട്ടൻ രണ്ടു തെറി. എന്നിട്ട്‌ പറഞ്ഞു നീ എന്നെ തൊട്ടു പോകരുത് എന്നെ ഈ സുന്ദരക്കുട്ടൻ പിടിച്ചാൽ മതി. പ്രസാദ് അവന്റെ തോളിൽ കിടന്ന ബാഗ് എന്റെ തോളിലോട്ട് ഇട്ടു തന്നിട്ട് പറഞ്ഞു അണ്ണൻ തന്നെ കൊണ്ടെയാക്കിക്കോ. വേണേൽ അവിടെ ആ റുമിൽ കിടന്നോ, പയ്യെ വന്നാൽ മതി റിസപ്ഷൻ ഞാൻ നോക്കിക്കോളാം. ഇതിനു പ്രതികരിച്ചത് നടിയാണ്. നിനക്കെന്നാടാ നാറീ അതിന്. ഞാൻ വേണേൽ അവനെ കൂടെക്കിടത്തും. കിടക്കില്ലേടാ ചക്കരേ എന്ന് കുഴഞ്ഞ ശബ്ദത്തിൽ എന്നോട് ചോദിച്ചു. ശരി മാഡം വരൂ ഞാൻ റൂമിലാക്കാം എന്ന് പറഞ്ഞ് അവരുടെ ഇടത്തു കൈയ്യെടുത്ത് എന്റെ തോളിലേക്കിട്ടു.

വലത്തു കൈ കൊണ്ട് ഞാൻ അവരുടെ വയറിനു ചുറ്റി പിടിച്ചു കൊണ്ട് മുന്നോട്ടു നീങ്ങി. അവർ ആടുന്നതനുസരിച്ച് ഞാനും ആടിക്കൊണ്ടിരുന്നു. ഒരു തരത്തിൽ നടന്ന് ലിഫ്റ്റിന്റെ മുമ്പിൽ എത്തി.