Chapter Title : എന്റെ ഇസ [Eros - God of Lust]

കാത്തിരിക്കുന്നത്.

കുളി കഴിഞ്ഞ് ഞാൻ താഴേ വന്നു. നേരെ കിച്ചനിൽ കേറി നോക്കി. ആന്റി ദോശ ചുട്ട് ഹോട്ട് ബോക്സിൽ വെക്കുന്നു. ഇപ്പോൾ തയാറാക്കിയ ചമ്മന്തി കറി അടച്ച് വെച്ചിരുന്നു.

“ആങ്… നി വന്നോ… ടൗണിൽ പോകാൻ ഒരുങ്ങി ഇറങ്ങിയതാണോ ഡേവി നി….?” ടീ ഷര്‍ട്ടും പാൻറ്റും ഇട്ടിരിക്കുന്നത് കണ്ടിട്ട് ആന്റി ചോദിച്ചു.

“ഇന്ന്‌ ഒരുപാട്‌ ജോലി ഉണ്ട്, ആന്റി. ആറ് മണിക്കേ ടൗണിൽ നിന്നും വിളി വന്നു. ഞാൻ വരാൻ ഇച്ചിരി വൈകും….. ഇസ എന്തിയേ?”

“ഓ… ആലിയ വന്ന് അവളെ വിളിച്ചോണ്ട്‌ പോയി. പിന്നെ…. രാത്രി അവള്‍ തോനെ ശല്യം ചെയ്തോ….?”

“ഇല്ല ആന്റി….” ഞാനൊന്ന് പരുങ്ങി. ജോലിയിൽ ആയതുകൊണ്ട് ആന്റി ശ്രദ്ധിച്ചില്ല.

അപ്പോ ഞാൻ അവളെ റൂമിൽ തനിച്ചാക്കി പോയെന്ന് ഇസ ആന്റി യോട് പറഞ്ഞില്ല….!, ഹോ.. സമാധാനമായി.

ദോശയും കറിയും ഞാൻ സ്വയം എടുത്ത് കഴിച്ചു. എന്നിട്ട് ബൈക്കും എടുത്ത് ഞാൻ ടൗണിലേക്ക് വിട്ടു.

വല്ലാത്ത തിരക്ക് പിടിച്ച പണി യായിരുന്നു. രണ്ട് കമ്പ്യൂട്ടർ അസംബ്ലി ചെയ്യാൻ ഉണ്ടായിരുന്നു. അതുകൂടാതെ വേറെയും പണി ഉണ്ടായിരുന്നു.

ഉച്ച കഴിഞ്ഞതും ഇസ കോള് ചെയ്തു.

“ചേട്ടൻ എപ്പഴാ തിരിച്ച് വരിക….? ഇതുവരെ കഴിഞ്ഞില്ലേ….?” ശുണ്ഠി യോടെ അവള്‍ ചോദിച്ചു.

“രാത്രി ആവും… എന്തേ?” ഞാൻ ചോദിച്ചു.

“പിന്നേ…. കഴിഞ്ഞ രാത്രി…. പനി കാരണം ആണെന്ന് തോനുന്നു…. എന്തെല്ലാമോ ഞാൻ വെളിവില്ലാതെ പറഞ്ഞു പോയി…..! ചേട്ടനു വിഷമമായി…. ലെ?”

“ഇല്ല…” ഞാൻ കള്ളം പറഞ്ഞു. “ഇത് പറയാൻ വേണ്ടിയാണോ നി വിളിച്ചത്…?”

“ഇതുവരെ ചേട്ടൻ വീട്ടില്‍ വരാത്തത് കൊണ്ട്‌ വിളിച്ചതാ…. എന്നാ ഞാൻ വെക്കുവ…” ഇസ കോള് കട്ടാക്കി.

ഓരോ മണിക്കൂര്‍ കഴിയുമ്പോഴും ഇസ എന്നെ വിളിക്കും. ജോലി കഴിഞ്ഞില്ല എന്ന് പറയുമ്പോ അവൾ ദേഷ്യത്തില്‍ കട്ട് ചെയ്യും.

രാത്രി എട്ട് മണിക്ക് ഞാൻ വീട്ടില്‍ വന്നു. ആന്റി ടിവിക്ക് മുന്നില്‍ ഉണ്ടായിരുന്നു. ഇസയെ എങ്ങും കണ്ടില്ല.

“നിനക്ക് എന്തിന്റെ സൂക്കേട ഡേവി….” ആന്റി ദേഷ്യത്തോടെ ചോദിച്ചു.

ഞാൻ കിടുങ്ങി പോയി. ഇസ ആന്റിയോട് എന്നെ കുറിച്ച്