Chapter Title : എന്റെ മാത്രം 4 [ ne-na ]

പറയാം. അതൊന്നും മനഃപൂർവം ഉള്ള സ്പർശനങ്ങൾ അല്ലാത്തതിനാൽ അവളുടെ ഉള്ളിലും പ്രശ്നങ്ങൾ ഉണ്ടാക്കിയിരുന്നില്ല. അതെ സമയം കോളേജിൽ ആയിരിക്കുമ്പോഴും പുറത്തെവിടെലും ആയിരിക്കുമ്പോഴും മറ്റൊരാൾ തന്റെ ശരീരത്ത് തൊടാതിരിക്കാൻ അവൾ എപ്പോഴും ശ്രദ്ധിച്ചിരുന്നു.
അവരുടെ ഓപ്പോസിറ്റ് ബൈക്കിൽ വന്ന രണ്ടു പയ്യന്മാർ തങ്ങളെ തന്നെ നോക്കി മറികടന്ന് പോയപ്പോൾ പല്ലവി ചോദിച്ചു.
"അവന്മാർ ഇപ്പോൾ എന്താ വിചാരിച്ചതെന്ന് ഞാൻ പറയട്ടെ?"
"എന്താ?"
"ഈ പോങ്ങൻ എങ്ങനാണോ എന്തോ ഇത്ര സുന്ദരി ആയ പെണ്ണിനെ വളച്ചെടുത്തതെന്ന്.."
അത് പറഞ്ഞ് തീരുമ്പോൾ അവളുടെ ചുണ്ടിൽ ചിരി നിറഞ്ഞിരുന്നു.
"അയ്യടി, ഒരു സുന്ദരി വന്നേക്കുന്നു."
പുച്ഛം നിറഞ്ഞ സ്വരത്തിൽ പല്ലവി പറഞ്ഞു.
"അല്ലേലും നിനക്ക് മാത്രം ആണ് എന്നെ ഒരു വില ഇല്ലാത്തെ.. ബാക്കി എല്ലാർക്കും എന്റെ ഗ്ലാമറിനെ കുറിച്ച് അറിയാം."
തമാശ നിറഞ്ഞ സ്വരത്തിൽ നവീൻ പറഞ്ഞു.
"അങ്ങനെ പറയല്ലും നീ. ആരും കാണാത്ത കോലങ്ങളിൽ നിന്റെ ഗ്ലാമർ കണ്ടിട്ടുള്ളത് ഞാൻ മാത്രമേ ഉള്ളു. "
അത് കേട്ടതും പല്ലവി അവന്റെ തോളിൽ കടിച്ചു.
ശരീരം കുടഞ്ഞ് കൊണ്ട് നവീൻ പറഞ്ഞു.
"ഡി പട്ടി, ഇപ്പോൾ ഇതിന്ന് വീണനെ.. നിനക്ക് ഈ ഇടയായി കടി ഇത്തിരി കൂടുന്നുണ്ട്."
പല്ലവി ചിരിയോടെ അവൾ കടിച്ചിടം തടവിക്കൊണ്ട് പറഞ്ഞു.
"നീ പിന്നെ എന്നെ കടിക്കാത്തോണ്ട് കുഴപ്പമില്ലല്ലോ.."
അത് കേട്ട് നവീന്റെ മുഖത്ത് ചിരി പടർന്നു.
"അത് ഞാൻ സ്നേഹം കൂടുമ്പോൾ കടിക്കുന്നതല്ലേ.."
"സ്നേഹം കൂടി കൂടി എന്റെ നെഞ്ചിലും വയറ്റിലും ഇപ്പോൾ മൊത്തം നിന്റെ പല്ലിന്റെ പാടുകളാണ്.. ആരും കാണാത്തിടം ആയോണ്ട് ഭാഗ്യം."
നവീൻ