Chapter Title : എന്റെ മാവും പൂക്കുമ്പോൾ 26 [R K]

പറ്റുന്നില്ലേ?

ഷീല : എന്നാ നീ നിന്റെ ബാഗ് പിടിക്ക്

സൗമ്യ : എന്റെ കൈയിൽ കൊച്ചില്ലേ, ദേ അവന്റെ കൈയിൽ കൊടുക്ക്

ഞങ്ങളുടെ മുന്നിലൂടെ ഒരു ബാഗും പിടിച്ച് ഉരുണ്ടുരുണ്ട് കഷ്ടപ്പെട്ട് മുകളിലേക്ക് കയറുന്ന മനുവിനെ നോക്കി, പുഞ്ചിരിച്ചു കൊണ്ട്

ഷീല : അതിനും ഭേദം ഞാൻ തന്നെ പിടിക്കുന്നതാ

സൽമയുടെ കൈയിൽ നിന്നും എന്റെ ബാഗ് വാങ്ങി തോളിലിട്ട്

ഞാൻ : ഞാൻ പിടിക്കണോ ആന്റി

ഷീല : ഏയ്‌ വേണ്ട മോനെ, ഞാൻ ചുമ്മാ പറഞ്ഞതാ

സൽമ : എന്നാ എന്റെ ബാഗ് പിടിക്കടാ

ഞാൻ : പോടിയൊന്ന്

ഷീല : നിങ്ങൾക്കാർക്കും തണുപ്പൊന്നുമില്ലേ പിള്ളേരേ

സൗമ്യ : ഓ എനിക്കിതൊക്കെ ശീലമായി മമ്മി, അവിടെ ഇതുപോലെയൊക്കെ തന്നെയല്ലേ

ഷീല : അതെനിക്കറിയാം, നിന്നോടല്ല ചോദിച്ചത്

സൽമ : തണുപ്പുണ്ട് ആന്റി

ഷീല : മം...

അങ്ങനെ സംസാരിച്ചു കൊണ്ട് ലോഡ്ജിന് മുന്നിൽ കാത്ത് നിൽക്കുന്ന ബെന്നിയുടെ അടുത്തെത്തിയതും

ഷീല : വേറെയെങ്ങും കിട്ടിയില്ലേ മോനെ

ചിരിച്ചു കൊണ്ട്

ബെന്നി : അർജുനോട് ചോദിച്ചു നോക്ക് എത്ര സ്ഥലത്ത് പോയിട്ടാ ഇത് കിട്ടിയതെന്ന്

പുഞ്ചിരിച്ചു കൊണ്ട്

സൗമ്യ : മമ്മിയല്ലെ കുറച്ചു മുന്നേ പറഞ്ഞത് ഇതെങ്കിലും കിട്ടിയത് ഭാഗ്യമെന്ന്

ഷീല : അതിന് എനിക്കറിയോ ഈ കുന്നും മുകളിലാ കിട്ടിയതെന്ന്

ഷീലയുടെ കൈയിൽ നിന്നും ബാഗുകൾ വാങ്ങി

ബെന്നി : എന്നാ നടന്നോ മുകളിലാണ്

ഷീല : ഓഹ്...ഇനിയും കയറാണോ

അത് കേട്ട് ചിരിച്ചു കൊണ്ട് ബെന്നി സ്റ്റെപ്പ് കയറി മുകളിലേക്ക് നടന്നു പുറകേ ഞങ്ങളും, ' യൂ ' പോലെയുള്ള ലോഡ്ജിന്റെ സ്റ്റെപ്പ് കയറി മുകളിലെത്തി ആദ്യം കാണുന്ന റൂമിന്റെ ചാവി ഷീലയുടെ കൈയിൽ കൊടുത്ത്

ബെന്നി : കൊച്ചും നിങ്ങളും ഇവിടെ

സൽമ : അപ്പൊ നിങ്ങളോ?

അഞ്ചാറ് റൂം കഴിഞ്ഞ് വളവിലായുള്ള റൂം ചൂണ്ടി കാണിച്ച്

ഞാൻ : ഞങ്ങള് അവിടെ

സൗമ്യ : അതെന്താ ഇച്ചായ അടുത്തടുത്ത് കിട്ടാത്തെ?

ബെന്നി : ദേ പിന്നെയും, ഒരു കണക്കിനാ ഈ