Chapter Title : എൻ്റെ കിളിക്കൂട് 2 [Dasan]

അവളും കൂടി യാത്ര പറഞ്ഞ് പുറത്തേക്കിറങ്ങി. അവളൊന്നു സംസാരിക്കുകയോ നോക്കുകപോലും ചെയ്തില്ല. ഞാൻ അമ്മൂമ്മയോട് കൊണ്ടുപോയി ആക്കി തരണം എന്ന് ചോദിച്ചു. ഉടനെ അവൾ അമ്മയോട് എന്തോ പറയുന്നതുപോലെ തോന്നി അമ്മൂമ്മ എന്നോട് പറഞ്ഞു വേണ്ടടാ മോനെ അപ്പോൾ മനസ്സിലായി അവളാണ് ഇതിനുപിന്നിലെന്ന് ഞാൻ ഒന്നും പറയാതെ ഗേറ്റ് അടച്ച് അകത്തേക്ക് പോയി.

ടിവി ഓൺ ചെയ്ത് പരിപാടികൾ കണ്ടെങ്കിലും എൻറെ മനസ്സ് അവിടെയെങ്ങും നിൽക്കുന്നു ഉണ്ടായിരുന്നില്ല. ഞാൻ ആകെ വിഷമത്തിലാണ്. വിശപ്പ് തോന്നുന്നില്ല ഞാൻ ചോറ് എടുത്ത് വെള്ളത്തിൽ ഇട്ട് കറി ഫ്രിഡ്ജിൽ കയറ്റി വെച്ചു. ലൈറ്റുകൾ ഒക്കെ ഓഫ് ചെയ്തത് അവരുടെ മുറിയിൽ കയറി അവൾ കിടക്കുന്ന ഭാഗത്ത് അവളുടെ തലയിണയിൽ മുഖം അമർത്തി കിടന്നു. എണ്ണ തേച്ച് മുടിയുടെ മണം തലയണകൾ തങ്ങി നിന്നിരുന്നു. അങ്ങിനെ കിടന്നു ഉറങ്ങിപ്പോയി ഗാഢമായ ഉറക്കത്തിൽ പല സ്വപ്നങ്ങളും കണ്ടു.

രാവിലെ എഴുന്നേറ്റ് ബാത്റൂമിൽ പോയി ഫ്രഷ് ആയി പുറത്തേക്കൊന്നും ഗേറ്റുകൾ തുറന്നു. ഇപ്പോൾ സമയം 6.45 ഇന്നലെ ഒന്നും കഴിക്കാത്തതുകൊണ്ട് വയറു വിശപ്പിൻറെ വിളി ഉയർത്തി തുടങ്ങി. ഞാൻ അടുക്കളയിൽ ചെന്ന് കട്ടൻ ചായ വെച്ച് കുടിച്ചു. സിറ്റൗട്ടിൽ പോയിരുന്നു ഏകദേശം ഏഴ് കാൽ ഓടുകൂടി അമ്മൂമ്മയും കിളിയും എത്തിച്ചേർന്നു. ഞാൻ അവൾ വരുന്നതും നോക്കിയിരുന്നു എന്നാൽ അവൾ എനിക്ക് മുഖം തരാതെ നേരെ അടുക്കളയിലേക്ക് പോയി.

സാധാരണയായി അവളാണ് മുറ്റമടിക്കുന്നത് പക്ഷേ ഇന്ന് അമ്മൂമ്മയാണ് മുറ്റമടിക്കാൻ വന്നത് അതുകൊണ്ട് എഴുന്നേറ്റ് എൻറെ റൂമിലേക്ക് തന്നെ പോയി. അവിടെ ചെന്നിട്ടും എൻറെ മനസ്സ് അസ്വസ്ഥമായ അതുകൊണ്ട്