Chapter Title : എന്‍റെ പങ്കാളി [neethu]

വിട്ടു പോകില്ലെന്ന് എനിക്ക് ഉറപ്പു തരണം

തരാം ....എന്റെ മരണം വരെയും ഞാൻ നിന്നോടൊപ്പം ഉണ്ടാകും ..ഇതൊരിക്കലും മാറാത്ത എന്റെ വാക്ക് .... ഞങ്ങൾ ഭക്ഷണം കഴിച്ചു ...പാത്രങ്ങൾ കഴുകലും അടുക്കള തുടക്കലും കഴിഞ്ഞു ചേച്ചി മേല് കഴുകി ഞാനിരുന്നിടത്തേക്കു വന്നു

നീ വാ ....എന്നെയും വിളിച്ചു കൊണ്ട് അവർ അകത്തേക്ക് കയറി .അകത്തേ മുറിയിൽ മാതാവിന്റെ ഫോട്ടോക്ക് മുന്നിൽ മെഴുകു തിരി കത്തിച്ചു .മിന്നു മാല അവർ എന്റെ കയ്യിലോട്ട് തന്നു ..

മാതാവിന്റെ അനുഗ്രഹം നമുക്കുണ്ടാകും .ഈ നിമിഷം മുതൽ ഞാൻ നിന്റെ ഭാര്യയാണ് അതെന്റെ കഴുത്തിൽ കെട്ട് .

ഞാൻ മിന്നു മാല അവരുടെ കഴുത്തിൽ കെട്ടാൻ തുടങ്ങിയതും അവരുടെ ഫോൺ റിങ് ചെയ്തു .ഫോൺ അറ്റൻഡ് ചെയ്യാൻ അവർ അതിനടുത്തേക്കു പോയി .ഫോൺ കയ്യിലെടുത്തു അവർ സംസാരം ആരംഭിച്ചു ഓരോ നിമിഷം കഴിയുംതോറും അവരുടെ ഭാവത്തിൽ കാര്യമായ മാറ്റങ്ങൾ ഞാൻ കണ്ടു .പൂർണ സന്തോഷവതിയായിരുന്ന അവർ കൊടും ദുഃഖത്തിൽ അകപെട്ടപോലെ .അവരുടെ മുഖം അത് വിളിച്ചോതുന്നുണ്ടായിരുന്നു .ഫോൺ വെച്ച ശേഷവും അവർ അതെ നിൽപ് തുടർന്നു കാര്യമറിയാതെ ഞാനും ..കണ്ണുനീർ അവരുടെ മിഴികളിൽ ഒലിച്ചിറങ്ങുന്നുണ്ടായിരുന്നു .അവരെ പതുക്കെ പിടിച്ചു ഞാൻ സോഫയിൽ ഇരുത്തി കുടിക്കാൻ വെള്ളം നൽകി അവരെ ഞാൻ എന്നിലേക്കു ചായ്ച്ചു മുടികളിൽ ഞാൻ പതുക്കെ തലോടി വളരെ നേർത്ത സ്വരത്തിൽ ഞാനവരോട് കാര്യം തിരക്കി ...

ഒന്നിനും വിധിയില്ലാത്തവളാണ് ഞാൻ ...

എന്തുണ്ടായി ....

ഇതിലും വലുതെന്തുണ്ടാവാൻ ....

ചേച്ചി കാര്യം പറയു ....എന്താണെങ്കിലും നമുക്ക് പരിഹാരം കാണാം

പരിഹാരമില്ലാത്ത കാര്യമാണ് മോനെ

എന്താണ് ചേച്ചി

അദ്ദേഹത്തിന്റെ ഓഫീസിലുള്ള ആളാണ് വിളിച്ചത് ..ഇന്നലെ രാത്രി അദ്ദേഹത്തിന് ഒരാക്സിഡന്റ് സംഭവിച്ചു ജീവൻ തിരികെ ലഭിച്ചത് ഭാഗ്യം ..ഇന്നാണ് ബോധം തിരികെ ലഭിച്ചത് .ചലന ശേഷി പൂർണമായും നഷ്ട്ടപെട്ടു ശരീരം തളർന്നു .ജീവനുണ്ട് എന്ന് മാത്രം .അപകടത്തിൽ മൊബൈൽ നഷ്ട്ടപെട്ടു .അറിയിക്കാൻ മറ്റു ഉപാധികളൊന്നും ഇല്ലായിരുന്നു അദ്ദേഹത്തിന്റെ ഡയറിയിൽ നിന്നുമാണത്രെ ഈ നമ്പർ കിട്ടിയത് എത്രയും പെട്ടന്ന് അങ്ങോട്ട് ചെല്ലാൻ പറഞ്ഞു ....