Chapter Title : എൻറെ പ്രണയമേ 11 [ചുരുൾ]

നോക്കുന്ന മാമനെ കണ്ട് എനിക്ക് സംശയമായി.

എന്താ....... ഞാൻ അതേ സംശയത്തോടെ ചോദിച്ചു.

അല്ല ഞാൻ അടുക്കളപ്പുറത്തിരുന്ന് കഴിച്ചോളാം കുഞ്ഞ്...... അപ്പോഴാണ് ഞാൻ അത് ഓർത്തത് തന്നെ കാര്യം അച്ഛനുവേണ്ടി ജീവൻ കൊടുക്കാൻ പോലും തയ്യാറായിരുന്ന ഈ പാവത്തിനെ വീടിൻറെ അകത്ത് കയറ്റി ഇരുത്തി ഊട്ടാനുള്ള മഹാമനസ്കത ഒന്നും ചിറക്കൽ മഹാദേവൻ എന്ന ജന്മിക്ക് ഉണ്ടായിരുന്നില്ലല്ലോ.

മാമൻറെ പഴയ മുതലാളി ചത്തൊടുങ്ങി.. അതോടൊപ്പം ഇവിടെ പലതും മാറിയിട്ടുണ്ട് മാമാ.. അതുകൊണ്ട് കിടന്നു തപ്പി കളിക്കാതെ ഇങ്ങോട്ട് ഇരിക്കും....... ഞാൻ മാമനെ നോക്കി ഒരു ചിരിയോടെ പറഞ്ഞെങ്കിലും പുള്ളി ഒരു വല്ലായ്മ യോടെ അങ്ങനെ തന്നെ നിൽക്കുകയാണ്.

എൻറെ കുട്ടേട്ടാ അങ്ങോട്ട് ഇരിക്ക്.. ഇത്ര വർഷമായില്ലേ ഇവിടെ.. എന്നിട്ടും എന്തിനാ ഈ മടി...... കയ്യിൽ ഭക്ഷണങ്ങളുമായി ഒരു താളത്തിൽ പാദസരവും കിലുക്കി വന്നുകൊണ്ട് അമ്മ ഒരു ചിരിയോടെ കുട്ടൻ മാമനോട് പറഞ്ഞു.

തമ്പുരാട്ടി.. ഞാൻ....... കുട്ടൻ മാമൻറെ കണ്ണൊക്കെ നിറഞ്ഞു.. എൻറെ ആറ്റിങ്ങൽ ഭാസ്കര ഇയാളെ ഗുണ്ട തന്നെയാണോ എനിക്ക് സംശയമായി.

ഇങ്ങോട്ട് ഇരിക്ക് കുട്ടൻ മാമാ...... ഞാൻ കൈ എത്തിപ്പിടിച്ച് പുള്ളിയെ വലിച്ച് ഇരുത്തി.

കുട്ടൻ മാമന് ആരുമില്ല.. ഇവിടെ അടുത്തുള്ള ആൾ തന്നെയാണ് മാമൻ.. പറമ്പിൽ പണിക്ക് വന്നപ്പോൾ പുള്ളിയുടെ സൈസും ആരോഗ്യവും ഒക്കെ കണ്ട് അച്ഛൻ ഡ്രൈവറായി പ്രമോഷൻ കൊടുത്തു.. പിന്നെ അച്ഛൻറെ പേഴ്സണൽ ഗുണ്ടായി മാറാൻ വലിയ താമസം ഉണ്ടായില്ല.. 10 30 വർഷമായി അച്ഛൻറെ വലംകൈയാണ്.. ഈ മനുഷ്യൻ അന്ന് വീണു പോയതുകൊണ്ട് മാത്രമാണ് അച്ഛനെ അവന്മാര് കയറി പണിഞ്ഞത് തന്നെ.

കുട്ടൻ മാമൻ ഇവിടെ തന്നെ വേണം.. ചായിപ്പിൽ അല്ല നമ്മുടെ ഔട്ട് ഹൗസിൽ താമസിച്ചോ.. അമ്മേ കുട്ടൻ മാമന് കുറച്ചു രൂപ കൊടുക്കണം.. ആശുപത്രിയിൽ ഒക്കെ പോവാനും വസ്ത്രങ്ങളൊക്കെ വാങ്ങാനും.. പിന്നെ അംബാസിഡറിന്റെ ചാവിയും കൊടുത്തോ..... ഞാൻ പറഞ്ഞതും അമ്മ നിറഞ്ഞു ചിരിച്ചുകൊണ്ട് തലകുലുക്കി തിരികെ നടന്നു.

കുട്ടൻ മാമൻ നിറകണ്ണുകളുമായി എന്നെ നോക്കി.. ഞാൻ ചിരിച്ചുകൊണ്ട് ഭക്ഷണം വിളമ്പി കൊടുത്തു.. ഇത്രയും ലോലനായ ഈ മനുഷ്യനെ വിശ്വസിച്ച് എങ്ങനെ