Chapter Title : എന്റെ സുൽത്താന [Marin]

സ്ഥലം അല്ലെ. മാത്രമല്ല അവിടെ താമസിക്കാൻ സ്ഥലം കിട്ടോ അറിയില്ല. ഇന്ന് ഇവിടെ തങ്ങി രാവിലെ തിരിക്കാം..

എനിക്കും അത് ആണ് നല്ലത് തോന്നി. അടുത്ത് ഒരു കടയിൽ കേറി അപ്പച്ചൻ അടുത്തുള്ള നല്ലൊരു ലോഡ്ജിന്റെ അഡ്രെസ്സ് വാങ്ങി ഞങ്ങൾ അങ്ങോട്ട്‌ തിരിച്ചു.

രാത്രി കിടക്കുമ്പോ മനസ്സിൽ ഒരുപാട് കാലത്തെ മോഹവും കാത്തിരിപ്പും ഫലം കണ്ട സന്തോഷത്തോടെ ഞാൻ ഉറക്കത്തിലേക്ക് വീണു.

രാവിലെ തന്നെ ഞങ്ങൾ സ്കൂളിലേക്ക് തിരിച്ചു. പ്രധാന റോഡിലൂടെ കുറച്ചു ദൂരം ഓടി പ്രൈവറ്റ് ബസ് ഒരു ടാർ ഇട്ട ഇട റോഡിലേക്ക് തിരിഞ്ഞു. കുറച്ചു ദൂരം പോയപ്പോൾ തന്നെ തങ്ങൾ ഒരു ഗ്രാമ പ്രദേശത്തേക്ക് ആണ് പോവുന്നത് മനസിലായി. റോഡിനു ഇരുവശവും നിറയെ മരങ്ങൾ. ചിലയിടത്ത് കുറ്റികാടുകൾ പോലെ.ഓരോ വീടും തമ്മിൽ 10 മുതൽ 20 മിനിറ്റ് നടക്കേണ്ട ദൂരം ഉണ്ട്.

അടുത്ത് അടുത്ത് വീടുകൾ ഉള്ള സാമാന്യം ഭേദപ്പെട്ട പട്ടണത്തിൽ ജനിച്ചു വളർന്ന എനിക്ക് അതൊക്കെ അത്ഭുതം ആയിരുന്നു. എല്ലായിടത്തും പച്ചപ്പ്. അതെല്ലാം കൗതുകത്തോടെ നോക്കി ഇരിക്കെ ഞങ്ങളുടെ ബസ് ഒരു ടൗണിൽ എത്തി സ്റ്റാൻഡിൽ കയറിയ ഉടനെ കണ്ടക്ടർ സ്ഥലപ്പേര് ഉറക്കെ വിളിച്ചു പറഞ്ഞു. അപ്പച്ചൻ എഴുന്നേറ്റ് കൊണ്ട് പറഞ്ഞു സ്ഥലം എത്തി തോന്നുന്നു ഇറങ്ങാം.

സാമാന്യം നല്ല ഒരു സിറ്റി. ഇഷ്ടം പോലെ കടകൾ ചെറിയ ഹോട്ടലുകൾ. തുണികടകൾ എല്ലാം ഉണ്ട്. അത്യാവശ്യം നല്ല വാഹന തിരക്കും.

അപ്പച്ചൻ അടുത്ത ഒരു കടയിൽ കയറി സ്കൂളിന്റെ അഡ്രെസ്സ് ചോദിച്ചു. കടക്കാരൻ പറഞ്ഞത് പ്രകാരം ഞങ്ങൾ ഒരു ഓട്ടോ പിടിച്ചു യാത്രയായി.

ഉദ്ദേശം 10,15 മിനിറ്റ് കൊണ്ട് സ്കൂളിൽ എത്തി. വലിയ സ്കൂൾ ആണ്. ഗവണ്മെന്റ് സ്കൂൾ ആണെങ്കിലും നല്ല അടുക്കും ചിട്ടയും വൃത്തിയും.. ഗേറ്റ് കടന്നു കുറച്ചു ചെന്നപ്പോ കൈ ഒരു പുസ്തകം ആയി ഒരാൾ എതിരെ വരുന്നു. മാഷ് ആണ് തോന്നുന്നു.

"ഈ ഓഫീസ് റൂം എവിടെ ആണ് മാഷേ...

അപ്പച്ചൻ അദ്ദേഹത്തോട് ചോദിച്ചു.

അയാൾ ഞങ്ങളെ സൂക്ഷിച്ചു നോക്കി...

"പുതിയ അപ്പോയിന്മെന്റ് ആണ് അല്ലെ.

എന്നേ നോക്കി