Chapter Title : എന്റെ സുൽത്താന [Marin]

പൂന്തോട്ടത്തിന്റെ നിന്നിലെ പടികൾ കയറി ചെന്നപ്പോ തന്നെ കണ്ടു ഓഫീസ്...

തലക്ക് മുകളിൽ വലിയ അക്ഷരത്തിൽ ഹെഡ് മാസ്റ്റർ ഓഫീസ് എന്ന് എഴുതി വെച്ചിട്ടുണ്ട് ഇംഗ്ലീഷിൽ..

ഇടതു വശത്തു ഭിത്തിയിൽ കറുപ്പിൽ വെളുത്ത അക്ഷരത്തിൽ മാധവൻ നായർ.. താഴെ ഹെഡ് മാസ്റ്റർ എന്നും.

ഓഫീസിനു മുന്നിൽ ഇരുന്നിറത്തിൽ വെളുത്ത ഷർട്ടും മുണ്ടും ധരിച്ച ഒരാൾ നിൽക്കുന്നുണ്ട്. അയാൾ ചോദ്യഭാവത്തിൽ ഞങ്ങളെ നോക്കി...

സാറ് അകത്തു ഉണ്ടോ... അപ്പച്ചൻ ചോദിച്ചു.

"ഉണ്ട്... ജോയനിങ് ആണോ... അയാൾ എന്നേ നോക്കി...

അതെ.. ഞാൻ തലയാട്ടി..

ദാ വരുന്നു.. അയാൾ അകത്തു കേറി വേഗത്തിൽ പുറത്ത് വന്നു.

"ചെല്ലാൻ പറഞ്ഞു സാറ്....അയാള് ഹാഫ് ഡോർ തുറന്നു മാറി നിന്നു.അകത്തു കയറിയ ഞാൻ കണ്ടത് അത്യാവശ്യം വിശാലമായ ഓഫീസ്. എല്ലാം ഭംഗിയായി ചിട്ടയിൽ ഒതുക്കി വെച്ചിട്ടുണ്ട് ഷെൽഫിൽ. ഉദ്ദേശം 50 ന് മുകളിൽ പ്രായം തോന്നിക്കുന്ന പ്രൗഡ്ഢ ഗംഭീരനായ ഒരു മനുഷ്യൻ. കഷണ്ടി കയറിയ തല മുടി പിന്നോട്ട് ചീകി വെച്ചിട്ടുണ്ട്.മുഖത്തു കനത്ത ഫ്രെയിം ഉള്ള കണ്ണട.

ങാ.. ഇരിക്കൂ.. ഞങ്ങൾ മുന്നിലെ കസേരയിൽ ഇരുന്നു.

ഞാൻ ജോയിൻ ലെറ്റർ കൊടുത്തു.

ഇന്ന് തന്നെ ജോയിൻ ചെയ്തത് നന്നായി. നാളെ ഞാൻ അവധി ആണ്... അദ്ദേഹം പറഞ്ഞു

ആട്ടെ എവിടെ ആണ് താമസം..

ഒന്നും ശരി ആയിട്ട് ഇല്ല സർ...ഞാൻ പറഞ്ഞു

പ്രശ്നം ആണലോ അപ്പൊ. ഇവിടെ അടുത്ത് വിമണ് ഹോസ്റ്റൽ ഒന്നും ഇല്ല... അദ്ദേഹം ആലോചനയോടെ പറഞ്ഞു.

ഇനി എന്ത് ചെയ്യും സാറെ അപ്പച്ചൻ വേവലാതിയോടെ ചോദിച്ചു..

ഒരു മിനിറ്റ് ഞാൻ നോക്കട്ടെ.. അദ്ദേഹം ബെൽ അമർത്തി... പ്യുണ് ഓടി വന്നു ചോദിച്ചു.

സർ....

ങ്ഹാ.. ബക്കറേ.. നമ്മുടെ രാധ ടീച്ചറെ ഒന്ന് വിളിക്കൂ....

ക്ലാസ്സിൽ ആണ് സർ... അയാൾ പറഞ്ഞു.

സാരല്യ... ഒരു അഞ്ചു മിനിറ്റ് കാര്യം ആണ് പറയൂ...

അല്പം കഴിഞ്ഞു അത്യാവശ്യം തടിച്ച ഉദ്ദേശം 45 വയസ്സ് തോന്നിക്കുന്ന രാധ ടീച്ചർ ഓഫീസിൽ കയറി വന്നു..

ങ്ഹാ... ടീച്ചറെ. ഇത് പുതിയ അപ്പോയ്ന്റ്മെന്റ് ആണ് പേര് മെറിൻ.. കോട്ടയം ആണ് സ്ഥലം... ഇവർക്ക് ഇവരെ വീട് ഒന്നും കിട്ടിയിട്ട് ഇല്ല. ഒരു സ്ഥലം വേണമല്ലോ... ടീച്ചറിന്റ അറിവിൽ എവിടെ എങ്കിലും ഉണ്ടോ ഒരു വീട്. ഷെയർ ആണെങ്കിൽ നന്നായി. മെറിൻ ടീച്ചർ ഒറ്റയ്ക്ക് ആണ്..

രാധ ടീച്ചർ ഒന്ന് ആലോചിച്ചു നിന്നു.