Chapter Title : എന്റെ സുൽത്താന [Marin]

സർ ഒരു വീട് ഉണ്ട് പക്ഷെ ചോദിച്ചു നോക്കട്ടെ.. പക്ഷെ ഷെയർ ആണ്. ഒരു കുട്ടി നാട്ടിൽ പോയതാ... രണ്ട് മൂന്നു ദിവസം പറ്റോ ചോദിച്ചു നോക്കാം.. അതിനു ഇടയിൽ വേറെ നോക്കാമല്ലോ.. രാധ ടീച്ചർ ചോദ്യഭാവത്തിൽ ബാക്കറേ നോക്കി. പിയൂൺ ബക്കർ അത് ശരി ആണ് എന്ന ഭാവത്തിൽ തല കുലുക്കി.

എന്നാ ടീച്ചർ അതൊന്ന് ശരി ആക്കി കൊടുക്ക്‌ പറ്റിയാൽ ഇപ്പൊ തന്നെ.

ടീച്ചർ നോക്കട്ടെ.. പറഞ്ഞു മൊബൈൽ എടുത്തു. ആരോടോ സംസാരിച്ചു..

ഒക്കെ സർ... അവർക്ക് കുഴപ്പമില്ല.. പക്ഷെ മൂന്നു ദിവസം കിട്ടൂ കേട്ടോ ടീച്ചർ.. രാധ ടീച്ചർ എന്നേ നോക്കി പറഞ്ഞു. കുഴപ്പമില്ല നമ്മുക്ക് വഴി ഉണ്ടാക്കാം ടീച്ചർ... രാധ ടീച്ചർ എന്നേ സമാധാനിപ്പിച്ചു.

"ഇപ്പൊ ടീച്ചഴ്‌സ് റൂമിൽ ഇരുന്നു ഈവെനിംഗ് പോയാൽ മതിയോ...സർ ചോദിച്ചു.

ഞാൻ അപ്പച്ചനെ നോക്കി.

"ഇപ്പൊ തന്നെ പോയാൽ നന്നായിരുന്നു.

മോളെ അവിടെ ആക്കിയാൽ എനിക്ക് സമാധാനം ആയി പോകാമായിരുന്നു... അപ്പച്ചൻ പറഞ്ഞു.

എന്നാ അങ്ങനെ ആവട്ടെ... സർ പറഞ്ഞു..

"എന്നാ രാധേ അവിടെ വിളിച്ചു ഒന്ന് പറയാ... ടീച്ചർ ഇപ്പൊ തന്നെ വരും എന്ന്.. മാധവൻ സർ രാധ ടീച്ചറെ നോക്കി പറഞ്ഞു.

ടീച്ചർ ആർക്കോ പിന്നെയും ഫോൺ ചെയ്തു...

പിന്നെ എന്നേ നോക്കി പറഞ്ഞു.. റൂമിൽ ആളു ഉണ്ട് കേട്ടോ..ഇപ്പൊ തന്നെ പൊയ്ക്കോളൂ...

ഞാൻ തലയാട്ടി എണീറ്റു.

ഞങ്ങൾ ഇറങ്ങട്ടെ സർ... അപ്പച്ചൻ പറഞ്ഞു.

ശരി അങ്ങനെ ആവട്ടെ... അപ്പൊ നാളെ രാവിലെ വരൂ... ബക്കറേ ഒന്ന് ഒപ്പം ചെല്ലൂ..

ബക്കർ തലയാട്ടി.. എന്റെ പെട്ടി എടുത്തു.

" ഭക്ഷണം കഴിച്ചു പോവാ നല്ലത്... സമയം 12 കഴിഞ്ഞില്ലേ..അപ്പച്ചൻ പറഞ്ഞു..

ശരിയാണ് എന്ന് എനിക്കും തോന്നി. പുതിയ സ്ഥലത്തു എങ്ങനെ അറിയില്ലലോ.

ന്നാ ഇങ്ങള് കഴിക്ക്... ഞാൻ കുറച്ചു കഴിഞ്ഞു വരാം..ബക്കർ പറഞ്ഞു.

സ്കൂളിന് മുന്നിൽ തന്നെ ഉള്ള ഒരു ഹോട്ടലിൽ നിന്നും ഭക്ഷണം കഴിഞ്ഞു പുറത്ത് ഇറങ്ങിയപ്പോ തന്നെ ബക്കർ

ഒരു ഓട്ടോ പിടിച്ചു വന്നു.

ഞങ്ങൾ റൂമിലേക്ക് തിരിച്ചു.ഒരു കോർട്ടേസിനു മുന്നിൽ ഓട്ടോ നിന്നു. ബക്കർ ചെന്ന് വാതിലിൽ തട്ടി. കുറച്ചു കഴിഞ്ഞു ഉറക്കച്ചടവോടെ ഒരു പെൺകുട്ടി വാതിൽ തുറന്നു. ഉദ്ദേശം 18,19 age കാണും. അവൾ ചോദ്യഭാവത്തിൽ ഞങ്ങളെ നോക്കി.

രാധ ടീച്ചർ പറഞ്ഞില്ലേ അവരാണ്.. ബക്കർ പറഞ്ഞു.

ങ്ങാഹ്... മനസിലായി..

വരുന്ന