Chapter Title : ഏറ്റവും വലിയ ശരി [Shanu]

സ്വന്തം കാലിൽ നിൽക്കണം എന്ന് മനസിലാക്കിയത് കൊണ്ട് പാർട്ട്‌ ടൈം ജോബ് എല്ലാം ചെയ്തു ബാംഗ്ലൂർ നിന്ന് BBA യും MBA യും പാസ്സായി. നാട്ടിലേക്ക് തിരിച്ചു വന്നു. ഇക്കാടെ കല്യാണം ഉറപ്പിച്ചിരുന്നു അപ്പോളേക്കും, നാട്ടിലെ ഒരു പണക്കാരന്റെ മോളുമായി ലൈൻ ആയിരുന്നു. അങ്ങനെ ഞാൻ ബാംഗ്ലൂർ നിന്ന് തിരിച്ചു എത്തി ഒരാഴ്ച കഴിഞ്ഞപ്പോ ഇക്കാടെ കല്യാണം കഴിഞ്ഞു. ഇത്തയുമായി ഞാൻ മുൻപേ കമ്പനി ആയിരുന്നു നല്ല കൂട്ട് ആയിരുന്നു. കല്യാണത്തിന് വന്നവർ എല്ലാം അടുത്തത് എന്റെ കല്യാണം ആണെന്നും നല്ല കുട്ടി ഉണ്ടെന്നും എല്ലാം പറയുന്നുണ്ടായിരുന്നു. ഉമ്മയും ഇടക്ക് വന്ന് ചോദിച്ചു നിന്റെ മനസ്സിൽ ആരെങ്കിലും ഉണ്ടോ എന്ന്. എന്റെ മനസ്സിൽ ഉണ്ടെങ്കിൽ ഞാൻ ആദ്യം ഉമ്മയോട് പറയില്ലേ എന്ന് ചോദിച്ചപ്പോൾ ആണ് ഉമ്മ പറയുന്നത്, വാപ്പ എനിക്ക് വേണ്ടി ബിസിനസ്‌ പാർട്ണർ ആയ സുലൈമാനിക്കാടെ മോളെ നോക്കുന്നുണ്ട് എന്ന്. ബിസിനസ്‌ എല്ലാം എന്നെയും ഇക്കാനെയും ഏല്പിച്ചു വിശ്രമിക്കാൻ പോകുകയാണ് എന്ന്. ഇതിലൊന്നും താല്പര്യം ഇല്ലെന്നും സ്വന്തം കാലിൽ നിൽക്കുന്നതാണ് എനിക്ക് ഇഷ്ട്ടം എന്നും ഞാൻ പണ്ടേ പറഞ്ഞിട്ടുണ്ട്. ഇക്കയുടെ കല്യാണത്തിന് ശേഷം വാപ്പ ഈ കാര്യം പറഞ്ഞ് എന്റെ അടുത്തേക്ക് വന്നപ്പോളാണ് എനിക്ക് ദുബായിൽ ജോലി റെഡി ആയ കാര്യവും, എത്രയും വേഗം പോണം എന്ന് പറഞ്ഞത്.

'നീ എവിടേക്കും പോകണ്ട, ഇവിടെ എന്റെ ബിസിനസ്‌ നോക്കി നടന്നാ മതി' എന്ന് പറഞ്ഞ് വാപ്പയുമായി വഴക്കായി. അവസാനം ഉമ്മയും ഇക്കയും ഇടപെട്ടാണ് പോകാൻ സമ്മതിച്ചത്. പോകുന്ന ദിവസങ്ങൾ അടുക്കുന്തോറും എനിക്ക് ടെൻഷനും എക്സൈറ്റ്മെന്റും കൂടി വന്നു. കൂടുതൽ സമയവും വീട്ടിൽ ഉമ്മയോടൊപ്പം ചിലവഴിച്ചു. അങ്ങനെ പോകുന്ന ദിവസം വന്നു, ഉമ്മ എല്ലാം പാക്ക് ചെയ്ത് തന്നു, എന്നെ കെട്ടിപിടിച്ച് കരഞ്ഞു. ഇക്കയാണ് എയർപോർട്ടിൽ കൊണ്ട് ചെന്നാക്കിയത്. ഫ്ലൈറ്റിൽ കേറുന്നതിനു മുൻപ് ഉമ്മയെ വിളിച്ചു ആശ്വസിപ്പിച്ചു. ഫ്ലൈറ്റിൽ കേറി കണ്ണുകൾ അടച്ചു ഇരുന്നപ്പോളാണ് ഓരോ ആഗ്രഹങ്ങളും കണ്മുന്നിലൂടെ മിന്നി മറഞ്ഞത്. ഞാൻ ആഗ്രഹിച്ചതൊരൊന്നായി ഞാൻ നേടി കൊണ്ടിരിക്കുന്നു. ഇനി അടുത്തത് ഏറ്റവും വലിയ ആഗ്രഹത്തിലേക്കുള്ള കാത്തിരിപ്പാണ്. ദുബായ്