Chapter Title : എസ്.ജെ. ബാഗസ് [ജംഗിള്‍ ബോയ്‌സ്]

എന്നാല്‍ ചേച്ചി വരുന്നത് 6.45-7.00 മണി ആവും. ചിലപ്പോള്‍ സുരേഷേട്ടന്‍ ബൈക്കിന് വരുന്നതു കാണാം. എന്റെ വീട്ടില്‍ നിന്ന് നോക്കുമ്പോള്‍ രാത്രി മുറ്റത്തിറങ്ങി നിന്ന് ചേച്ചി ആരോടോ ഫോണ്‍ ചെയ്യുന്നതും ഞാന്‍ കണ്ടു. എന്റെ മനസില്‍ പല സംശയവും ഉടലെടുത്തു.

ചേച്ചി ആള് ശരിയല്ല. കാരണം എന്തൊക്കെയോ തരികിട നടത്തുന്നുണ്ട്. ഗംഗാധരന്‍ സാറ് ഉടായിപ്പാണ്. തനിക്ക് ആളെ നല്ല സംശയം ഉണ്ട്. മാഡം ഇല്ലാത്ത സന്ദര്‍ഭം അയാള്‍ മുതലെടുക്കുകയാണ്. കണ്ടുപിടിക്കണം. താനാണ് ചേച്ചിക്ക് അവിടെ ജോലി വാങ്ങി കൊടുത്തത്. മാഡം അറിയാതെയുള്ള ഈ കളി തനിക്കും ദോഷം ചെയ്യും. ആരുമായിട്ടായിരിക്കും ചേച്ചിയുടെ ഈ കുറുകല്‍. ഫാസിലയുടെ മനസില്‍ ഒരുപാട് ചോദ്യം ഉയര്‍ന്നു. ഒരു ദിവസം ഇത് കണ്ടിപിടിക്കണം. അതിനുള്ള മാര്‍ഗം അവള്‍ ആലോചിച്ചു. കമ്പനിയില്‍ ആരുമില്ലാത്ത സമയം 9 മണിക്ക് മുമ്പും 5 മണിക്ക് ശേഷവും. ആ സമയം അവിടെ കയറിപറ്റണം. അവള്‍ ഗാഢമായി ആലോചിച്ചു. കമ്പനിക്ക് രണ്ട് വഴിയാണ് ഉള്ളത്. ഒന്ന് ഷട്ടര്‍ തുറന്ന് വരുന്ന നേരായ വഴി. മറ്റൊന്ന് പിന്നാംപുറത്തുകൂടെ വന്ന് വാതില്‍ തുറക്കണം. ആ വാതില്‍ ഉള്ളില്‍ നിന്നും പുറത്ത് നിന്നും അടയ്ക്കാന്‍ കഴിയുന്നതാണ്. അതിന് രണ്ട് ചാവിയുണ്ട്. അതില്‍ ഒന്ന് താന്‍ കരസ്ഥമാക്കുന്നു. എന്നിട്ട് വാതില്‍ തുറയ്ക്കുന്നു അകത്ത് കടയ്ക്കുന്നു. പക്ഷെ എന്ന്, എപ്പോള്‍ അതായിരുന്നു അവളുടെ മനസിലെ രണ്ടാമത്തെ ചോദ്യം. അതിനും അവള്‍ക്ക് അധികം ആലോചിക്കേണ്ടി വന്നില്ല. അവള്‍ ജോലി കഴിഞ്ഞ് ശനിയാഴ്ച വീട്ടില്‍ പോവും. പിന്നെ വരുന്നത് തിങ്കളാഴ്ച രാവിലെ. അതും തന്റെ വീട്ടില്‍ നിന്ന് നേരെ കമ്പനിയിലേക്ക്.