Chapter Title : ?Evil on earth✨ 4 [Jomon]

“പപ്പാ..”

മൂടിപ്പുതച്ചു കിടക്കുന്ന ഡാനിയെ കുലുക്കി വിളിച്ചവൻ

“മമ്…”

ഒന്ന് മൂളിക്കൊണ്ടായാൾ തിരിഞ്ഞു കിടന്നു

“പപ്പാ എണീക്ക്…!

”അഹ് എന്താടാ…?

ഉറക്കം നഷ്ടമായ ഡാനി തല മൂടിയിരുന്ന പുതപ്പ് മാറ്റികൊണ്ട് അവനെ നോക്കി

“ചായ…!

അവൻ കൊണ്ടുവന്ന ഗ്ലാസ്സ് അയാൾക്ക് നേരെ നീട്ടികൊണ്ട് പറഞ്ഞു…അവനെ മുഖത്തെയാ ചിരി കണ്ട അയാൾ ഒരു സംശയത്തോടെ അവനെ നോക്കി

”എന്താണ് രാവിലെ തന്നെ കുറ്റീം പറച്ചു വന്നേ…കേസ് വല്ലതും ഒണ്ടോ….?

സാധാരണ അവന്റെയാ വരവിന്റെ ഉദ്ദേശം അറിയാവുന്ന അയാൾ പറഞ്ഞു

“അഹ് ഒരു കേസ് ഒണ്ട്…”

അല്പം കളിയായി ദേവ് പറഞ്ഞു

“അത് പതിവല്ലേ…നീയാ ആൻറ്റപ്പനെ വിളിച്ചു പറ..”

അതും പറഞ്ഞയാൾ തലവഴി പുതപ്പ് മൂടി കിടന്നു

“ആന്റപ്പനോട് പറഞ്ഞിട്ട് കാര്യമില്ല…ഇത് എന്റപ്പനോട്‌ പറഞ്ഞാലേ ശെരിയാവൂ…”

പതിവില്ലാതെ ഉള്ളയവന്റെ സംസാരം കേട്ട അയാൾ വീണ്ടും പുതപ്പ് മാറ്റി നോക്കി

“ആ നീ പറ..എന്താ കാര്യം..?

”പപ്പ എണീറ്റിരി…!

അവൻ ചെറിയൊരു വാശിയോട് പറഞ്ഞു

“ഇവനിത്….ഹ്മ്മ് പറ എന്താ…?

ബെഡിൽ എണീറ്റിരുന്നുകൊണ്ടായാൾ ചോദിച്ചു

”അത് ഒണ്ടല്ലോ ഞാൻ ഒറ്റക്കല്ല വന്നേ ഇങ്ങോട്ട്..“

”പിന്നെ…ഫ്രഡ്സ് ഒണ്ടോ..?

“അല്ല…ഫ്രഡ് അല്ല…ഒരു പെണ്ണാ…അമാൻഡ…റഷ്യെന്ന് വരുവാ..”

അവൻ ചായ ഗ്ലാസ്സ് അയാൾക്ക് കൊടുത്തുകൊണ്ട് പറഞ്ഞു…അയാളാ ചായ വാങ്ങി കുടിച്ചുകൊണ്ട് അവനെ നോക്കി

“എന്താടാ love ആണോ..?

ഒരു ആക്കിയ ചിരിയോടെ അയാൾ ചോദിച്ചു

”അത് അങ്ങനെ ചോദിച്ചാ..ആണെന്ന് തോന്നുന്നു…!

അതെ ഭാവത്തിൽ തന്നെ അവൻ തിരിച്ചു പറഞ്ഞു

“ആ തോന്നൽ ആയിരുന്നോ…ഞാൻ കരുതി സീരിയസ് ആയിട്ടാണെന്ന്…”

ചിരിയോടെ അയാൾ പറഞ്ഞു..പെട്ടല്ലോ എന്ന ഭാവത്തിൽ ദേവ് അവിടെ ഇരുന്നു