ഏഴു വർണങ്ങളും വിരിയട്ടെ 1

Ezhu Varnnangalum Viriyatte Part 1 | Author : Spulber

✍️.. രണ്ടാമത്തെ പെഗ്ഗടിച്ചിട്ടും തലക്ക് പിടിക്കാഞ്ഞ് ഭ്രാന്തെടുത്ത പല്ലവിത്തമ്പുരാട്ടി,

കട്ടിക്കൊന്ന് കൂടി ഒഴിച്ചടിച്ചു..

തൊണ്ടയിലൂടെ ഒരു തീക്കട്ട താഴോട്ടിറങ്ങിപ്പോകുന്നത് അവൾ ശരിക്കറിഞ്ഞു..

ചിക്കൻ വറുത്ത് വെച്ചതിൽ നിന്നും എല്ലില്ലാത്തൊരു കഷ്ണമെടുത്ത് വായിലേക്കിട്ടു..

മേശപ്പുറത്ത് നിന്നും സിഗററ്റിന്റെ പാക്കറ്റും, ലൈറ്ററുമെടുത്ത് ഒരു ലൈറ്റ് കിംഗിന് തീ കൊളുത്തി..

ഒരു വലി ആഞ്ഞ് വലിച്ച് അവൾ പുക ഊതിപ്പറത്തി..

എ സി മുറിയിൽ ആ പുക പുറത്തേക്ക് പോകാതെ അവിടെത്തന്നെ നിന്നു.. പിന്നെ ആ പുകച്ചുരുളുകൾ പതിയെ അന്തരീക്ഷത്തിൽ ലയിച്ചു..

പല്ലവി സിഗററ്റ് ചുണ്ടിൽ തന്നെ വെച്ച് സെറ്റിയിലേക്ക് ചാരി..

ഇന്നെന്തേ എത്രയടിച്ചിട്ടും തലക്ക് പിടിക്കാഞ്ഞൂ എന്നവൾ ചിന്തിച്ചു..

രണ്ടെണ്ണമടിച്ചാ പിന്നെ ബോധം കെട്ടുറങ്ങുന്നതാണ്..

ഇന്ന് മൂന്നെണ്ണം അടിച്ചിട്ടും ഒരു കുലുക്കവുമില്ല..

ഈ കുപ്പി മുഴുവൻ അടിച്ചാലും ഇന്ന് തന്റെ ബോധം മറയില്ലെന്ന് പല്ലവിക്ക് തോന്നി..

ഇന്നൊരു സ്പെഷൽ ഡേ യാണ്..

തന്റെ ജീവിതത്തിൽ ഒരു പുതു വസന്തം പിറന്ന ദിവസമാണിന്ന്..

വർണങ്ങളും, വസന്തങ്ങളും എന്നേ മാഞ്ഞ് പോയ ജീവിതമാണ് തന്റേത്..

വരണ്ടുണങ്ങിയക്കിടന്ന തരിശായ ഭൂമികയിൽ ഇന്നൊരു കുളിർ മഴ പെയ്തു..

അതൊരു പേമാരിയായിരുന്നു..

തന്നെ അടിമുടി ഉലച്ച് കളഞ്ഞ കൊടും പേമാരി..

അതിൽ താൻ ആടിയുലഞ്ഞ് പോയി..

നിലയില്ലാ കയത്തിൽ മുങ്ങിത്താണ് പോയി..

ആഞ്ഞ് വലിച്ച സിഗററ്റ് കുറ്റി ആഷ്ട്രേയിൽ കുത്തിക്കെടുത്തി പല്ലവി ഒരു പെഗ്ഗ് കൂടി ചെലുത്തി..

തലയുയർത്തി ക്ലോക്കിലേക്ക് നോക്കി..

മണി പുലർച്ചെ രണ്ടര..

അവളുടെ കണ്ണുകളിൽ മയക്കം വന്ന് മൂടി..

തളർച്ചയോടെ സെറ്റിയിലേക്ക് വീണ് പല്ലവി ഗാഢനിദ്രയിലായി…

✍️✍️✍️ …

രണ്ട് പെട്രോൾ പമ്പും, ഒരു സൂപ്പർ മാർക്കറ്റും, നാല് നിലയിൽ നിറഞ്ഞ് നിൽക്കുന്ന ഒരു ഫർണീച്ചറുമുള്ള വലിയ ബിസിനസ് സ്ഥാപനങ്ങളുടെ ഉടമയാണ് പല്ലവിത്തമ്പുരാട്ടി..

ഇതിനെല്ലാം പുറമേ ഭൂസ്വത്തും ധാരാളമുണ്ട്..

നാൽപത്തിയഞ്ച് വയസായ പല്ലവിത്തമ്പുരാട്ടി മാത്രമാണ് ഈ കോലോത്ത് താമസം..

പല്ലവി അവിവാഹിതയാണ്..

രണ്ട് സഹോദരൻമാരുള്ളത് രണ്ടാളും കുടുംബ സമേതം ജർമ്മനിയിലാണ്..

അവരുടെ അച്ചനും അമ്മയും ജീവിച്ചിരിപ്പുളള കാലത്ത് എന്നേലും നാട്ടിലേക്ക് വന്നിരുന്ന സഹോദങ്ങൾ ഇപ്പോ വന്നിട്ട് വർഷങ്ങളായി..

ജർമനിയിൽ വീടും ബിസിനസുമായി അവരവിടെ സെറ്റിലാണ്..

നാട്ടിലേക്ക് വരാനൊന്നും ഇപ്പോ അവർക്ക് താൽപര്യമില്ല..

പല്ലവിയുടെ അച്ചൻ രമേശൻ നായർ തുടങ്ങി വെച്ചതാണ് എല്ലാ ബിസിനസ് സ്ഥാപനങ്ങളും..

അച്ചന്റെ മരണശേഷം അതേറ്റെടുത്ത് നടത്തിയ പല്ലവിയാണ് അത് ഇന്ന് കാണുന്ന വിധത്തിലാക്കിയത്..

ഇന്നത് പടർന്ന് പന്തലിച്ച് അനേകം പേർക്ക് ജോലി കൊടുക്കുന്ന സ്ഥാപനമായി വളർന്നു..

അമ്മയും കൂടി മരിച്ചതോടെ വലിയവീട്ടിൽ പല്ലവി ഒറ്റക്കായി..

നാലഞ്ച് ജോലിക്കാർ എപ്പഴും വീട്ടിലുണ്ടാവും..

കോവിലകമാണെങ്കിലും, അമ്മയുടെ മരണശേഷം പല്ലവി അതെല്ലാം ഇടിച്ച് നിരത്തി ഏറ്റവും പുതിയ മോഡലിലുള്ള ഒരു ബംഗ്ലാവ് പണി കഴിപ്പിച്ചു..

ഇരുപതാം വയസിൽ ഒരു ക്രിസ്ത്യാനി പയ്യനുമായി പ്രണയത്തിലായ പല്ലവി, അവൾക്ക് വിവാഹാലോചന വന്നപ്പോ തന്റെ പ്രണയം വീട്ടിൽ പറഞ്ഞു..

അഭിമാനത്തിന് ജീവനേക്കാൾ വില കൽപിച്ചിരുന്ന അവളുടെ അച്ചന് ഒരിക്കലും