Chapter Title : ഫാമിലി കൗൺസിലർ 1 [Brazeelia]

തെറ്റി. ഒരൽപസമയം കഴിഞ്ഞ് ലോക്ക് തുറക്കാൻ കൈയ്യിലെ വിയർപ്പ് തുടച്ച് ഒന്നുകൂടി ശ്രമിച്ചു.

കിച്ചണിൽ എന്തോ താഴെ വീണ് പൊട്ടിയതും ഞെട്ടലിൽ മഹിയുടെ കൈയ്യിൽ നിന്നും ഫോൺ താഴെ വീണു .

മഹി പതുക്കെ അടുക്കളയുടെ ഭാഗത്തേക്ക് ചെന്നു. ടേബിളിൽ ഉണ്ടായിരുന്ന ഒരു പിച്ചള കൊണ്ടുള്ള ഫ്ലവർവേസ് കൈയിലെടുത്ത് രണ്ടും കൽപ്പിച്ച് മഹി ശ്വാസം വലിച്ച് വിട്ട് അടുക്കള വാതിൽക്കലേക്ക് നീങ്ങി.

അടുക്കള വാതിലിനടുത്തെത്തി മഹി ഒന്നുകൂടി ശ്വാസമെടുത്തു. ഭയം കൊണ്ട് അവളുടെ കൈകൾ വിറക്കുന്നുണ്ടായിരുന്നു. കഴുത്തിലും മുഖത്തും വിയർപ്പ് പൊടിഞ്ഞു. ഫ്ലവർവേസ് ഒന്നു കൂടെ മുറുകെ പിടിച്ച് അവൾ ഒരടി കൂടി മുന്നോട്ട് വെച്ചു.

അതേ നിമിഷം തന്നെ അടുക്കള വാതിലിന്റെ മദ്ധ്യത്തിലായി ഒരു രൂപം തല താഴ്ത്തി അവൾക്കഭിമുഖമായി വന്നു.

"അയ്യോ അടിക്കരുത്. ഞാനാണ്.."

"പ്രസാദ് സാർ...!" മഹി അത്ഭുതത്തോടെ കയ്യിലിരുന്ന ഫ്ലവർവേസ് താഴ്ത്തി.

ഡോർ നമ്പർ പതിനൊന്നിലെ താമസക്കാരനാണ് നാൽപ്പത്തഞ്ചുകാരനായ പ്രസാദ്. കോളേജ് പ്രഫസർ. ഭാര്യയുമായി പിരിഞ്ഞു താമസിക്കുന്നു. മഹി ചിലപ്പോഴൊക്കെ അയാളെ കാണാറുണ്ട്. ഹോസ്പിറ്റലിലേക്ക് തിരക്കിട്ടോടുന്നതിനിടയിൽ ശ്രദ്ധിക്കാൻ പലപ്പോഴും പറ്റാറില്ല.

നേരിട്ട് കാണുമ്പോൾ ഒരു ഹായ് പോലും പറഞ്ഞതായി ഓർക്കുന്നില്ല.

ഇയാളിതെന്ത് ഭാവിച്ചാണ് ഇതിനകത്ത് കയറിയത്. എന്ത് തന്നെയായാലും ഒരാൾ തന്റെ ഫ്ലാറ്റിൽ അതിക്രമിച്ച് കയറിയത് പൊറുക്കാൻ മഹിമ തയ്യാറല്ലായിരുന്നു. മാത്രമല്ല അയാളെ അവൾക്ക് വേണ്ടത്ര പരിചയവുമില്ല.

അയാൾ ഏതെങ്കിലും തരത്തിൽ അറ്റാക്ക് ചെയ്താൽ..! ഓർത്തപ്പോൾ

മഹിക്ക് വീണ്ടും ഭയം തോന്നി. അവൾ അയാളെ ശ്രദ്ധിച്ചു നോക്കി.

പ്രസാദ് കൈകൂപ്പി നിൽക്കുകയാണ്.

"മഹിമ.. പ്ലീസ്, ബഹളമുണ്ടാക്കരുത്.. ഞാൻ പൊയ്ക്കൊള്ളാം.."

അയാളുടെ ഭാവത്തിൽ