Chapter Title : ഫിദ [Anamika]

നേരം കുറെ ആയി…..”

“അതു നിനക്ക് കൊടുക്കാൻ അറിയാഞ്ഞിട്ട…അച്ഛ തന്നാ പൊന്ന് കഴിക്കും…ഇല്ലെടി കുഞ്ഞിമണിയെ…..” അവൻ കുഞ്ഞിലയുടെ മൂക്കിൽ മൂക്കുരുമ്മി കൊഞ്ചിച്ചു…….

“ഓഹോ…ആണോ…എന്നാ ഇന്നാ പുന്നാര അച്ഛൻ കൊടുത്തോ….ഇനിയതിന്റെ കുറവ് വേണ്ട….”

ടേബിളിൽ ഇരുന്ന കുഞ്ഞി ബൗളും സ്പൂണും എടുത്തവൾ അവനുനേരെ നീട്ടി….

തന്റെ യൂണിഫോമിലേക്കും കുറുക്കു പാത്രത്തിലേക്കും ഒന്ന് നോക്കി അവൻ ഫിദയെ ദയനീയമായി നോക്കി……

ചുണ്ടിൽ തീവണ്ടിയോടിച്ചു കുറുക്കു ദേഹത്തു മുഴുവൻ തെറിപ്പിച്ചാണ് അവളുടെ കഴിപ്പ്…ശബരി കഴിപ്പിക്കുമ്പോ കളി കൂടും പെണ്ണിന്…..അവന്റെ മുഖവും ദേഹവും മുഴുവനാക്കിയേ കഴിച്ചു തീർക്കാറുള്ളു…….

“എന്നാ പിന്നെ നല്ലകുട്ടിയായിട്ട്  ലിറ്റിൽ പ്രിൻസസ്സ് ന്റെ ഡാഡി ചോറുണ്ടെണീച് പോകാൻ നോക്കിക്കോ……അറിഞ്ഞൂടാത്ത ഞാൻ കഴിപ്പിച്ചോളാവേ…..”

അവൾ രണ്ട് പ്ലേറ്റ് എടുത്ത് ചോറു വിളമ്പി..അമ്മച്ചി കഴിച്ചിട്ടാണിങ്ങു  വന്നത്….. കറികൾ ബൗളിൽ നേരത്തെ എടുത്തു വച്ചിരുന്നത് മൂടി തുറന്ന് അടുത്തേക്ക് വച്ചു……മടിയിലിരുന്ന നിലാ ചോറിലേക്ക് കയ്യിട്ടു വാരിപ്പിടിച്ചു……അച്ഛയെ ഊട്ടാനാണ്…എടുക്കുമ്പോളേക്കും ചിതറിപ്പോകും…..

“ഉമ്മിടെ ചക്കര വന്നേ….അച്ഛ കഴിക്കട്ടെ….ഉമ്മി വാരിത്തരാം കുഞ്ഞിലക്ക്…..”

അവൾ കൈനീട്ടിയതും തലവെട്ടിച്ചു ചുണ്ടുകൊണ്ട് വണ്ടിയൊടിച്ചു കുഞ്ഞു പിന്നേം ചൊറിലേക്ക് കൈ വച്ചു…..

“അച്ചോടി കള്ളിയേ….നീ ചോറു കൊടുക്കുവാണോ അച്ചക്ക്….അമ്മച്ചിയെ ആട്ടുമ്മാമ്മേടെ അടുത്ത് പോകുവ അം കൊടുക്കാൻ….കുഞ്ഞില വന്നുണ്ടോ…..“

”ആട്ടുമ്മാമ്മ….ആട്ടുമ്മാമ്മ….വന്നുണ്ടോ…..“

വേറൊന്നും തിരിഞ്ഞില്ലെങ്കിലും ആട്ടുമ്മാമ്മ എന്ന് കേട്ടപ്പോ പെണ്ണൊന്നു ചാടി….അമ്മച്ചി കൈനീട്ടി എടുത്തു…..ആട്ടിൻകുട്ടികളെ വല്യ ഇഷ്ടാണ് നിലകുഞ്ഞിന്……

” ആ കുറുക്കു പാത്രം കൂടെയിങ്ങ് തന്നേരെടി കൊച്ചേ…….ഞാൻ കൊടുത്തേക്കാം….“

ഫിദ പാത്രമെടുത്തു കൊടുത്തു…..ചാച്ചന്റെ കയ്യിലിരുന്നു ആടിനെയും കോഴിയെയും കണ്ട് അതിനിടക്ക് അമ്മച്ചി തഞ്ചത്തിൽ കഴിപ്പിച്ചോളും….പിന്നൊരു കുളീം ഉറക്കോം ഒക്കെ അവിടെ തന്നെ കഴിച്ചു വൈകിട്ടാണ് മിക്കപ്പോളും