Chapter Title : ഗതിമാറിയൊഴുകുന്ന നദിപോലെ 1 [സ്പൾബർ]

കള്ള് കുടിയൻമാരൊക്കെ വന്ന് പ്രശ്നമുണ്ടാക്കിയാൽ സ്ഥലത്തെ പ്രധാന ഗുണ്ടയുടെ മകനെ മുന്നിൽ നിർത്താം..

പണി കിട്ടിയതിൽ പിന്നെ മഹിയുടെ എല്ലാ ചെലവുകളും അവൻ തന്നെയാണ് നോക്കിയത്.. വീട്ടിൽ നിന്ന് ഭക്ഷണം പോലും അവൻ കഴിക്കാറില്ല.. രാത്രി ഒത്തിരിവൈകിയാണ് വീട്ടിലേക്ക് വരിക.. അവന്റെ കയ്യിൽ ഒരു ചാവിയുണ്ട്.

അത് കൊണ്ട് വാതിൽ തുറന്ന് അവൻ അകത്ത് കേറും.. അവൻ വരുന്നത് ആരും അറിയാറ് പോലുമില്ല.. ചിലപ്പോ അവൻ വന്നതിന് ശേഷമാകും സ്മിതയും നീതുവും കറക്കം കഴിഞ്ഞ് വരിക..

പരസ്പരം മിണ്ടാതെ,ഒന്നിലും ഇടപെടാതെ അവരാ വീട്ടിൽ ജീവിച്ചു..

✍️✍️✍️… അഛന്റെ മരണം പെൺമക്കളെ തളർത്തിയെങ്കിലും മഹിക്കത് ആശ്വാസമാണുണ്ടാക്കിയത്..അവൻ രണ്ട് ദിവസം ലീവെടുത്ത് മൂന്നാം ദിവസം പണിക്ക് കേറി.. സ്മിതക്കത് തീരെ ഇഷ്ടമായില്ല.. പിറ്റേന്ന് അവൻ വരുന്നത് വരെ അവൾ അവനെയും കാത്തിരുന്നു..

വാതിൽ തുറന്ന് അകത്ത് കയറിയ മഹി കണ്ടത് തന്നെയും കാത്തിട്ടെന്നവണ്ണം സെറ്റിയിലിരിക്കുന്ന ചേച്ചിമാരെയാണ്..

അവൻ അവരെയൊന്ന് നോക്കി അവന്റെ മുറിയിലേക്ക് നടന്നു..

“നിക്ക്… നിന്നോട് ചിലത് ചോദിക്കാനുണ്ട്…”..

സ്മിതയുടെ മുരൾച്ച കേട്ട് മഹി തിരിഞ്ഞ് നിന്നു..

“എന്താ… ?”..

താൽപര്യമില്ലാതെ മഹി ചോദിച്ചു…

“എന്താ നിന്റെ ഭാവം..?..അഛൻ മരിച്ചിട്ട് നാല് ദിവസേ ആയുള്ളൂ… അപ്പഴേക്ക് നീയങ്ങ് പണിക്കിറങ്ങിയോ… ?”..

സ്മിത കലിപ്പോടെ ചോദിച്ചു..

“എനിക്ക് രണ്ട് ദിവസത്തിൽ കൂടുതൽ ലീവെടുക്കാൻ പറ്റില്ല… “..

മഹിക്കവരോട് സംസാരിക്കാൻ ഒട്ടും താൽപര്യമില്ലായിരുന്നു..

“എന്ന് വെച്ചാ നിനക്കവിടെ കലക്ടറുടെ പണിയല്ലേ… ഹോട്ടലിൽ മേശ തുടപ്പല്ലേ പണി… ?”..

നീതു പുഛത്തോടെ ചോദിച്ചു..

“ആ… എനിക്കത് അന്തസുളള പണി തന്നെയാ… “..

മഹി