Chapter Title : ഗൗരിയും ശ്യാമും [Sojan]

കൂന്തൽ മുതലായവയൊക്കെ ഇഷ്ടമാണ്. ഇറച്ചി അത്ര കഴിക്കില്ല.

പീറ്ററും ഒരു സീ-ഫുഡ് കൊതിയനാണല്ലോ എന്ന് ശ്യാം സാന്ദർഭികമായി ഓർത്തു!!

പീറ്റർ ഒരു ദിവസം അവളെ കയറിപ്പിടിച്ചെന്നും അവൾ മുഖത്തടിച്ചെന്നും ആണ് പറഞ്ഞ മറ്റൊരു കഥ!! എന്നിട്ടാണോ അതേ സ്ഥാപനത്തിൽ വീണ്ടും ജോലി തുടരുന്നത്? ഏതായാലും ആ കഥയൊന്നും ശ്യാം വിശ്വസിച്ചില്ല.

പീറ്റർ അതിനൊന്നും മടിക്കുന്ന ആളല്ല, എന്നാൽ ശ്യാമിന്റെ കാഴ്ച്ചപ്പാടിൽ ഗൗരിയായിരിക്കും പീറ്ററിനെ കയറിപ്പിടിച്ചിട്ടുണ്ടാകുക!!

ഗൗരിക്ക് എന്തോ കാരണത്താൽ പീറ്ററിനോട് ദേഷ്യമുണ്ട്. കാര്യങ്ങളെല്ലാം കഴിഞ്ഞപ്പോൾ ഗൗരിയെ ഒരു സ്റ്റാഫ് ആയി മാത്രം പിന്നെയും പീറ്റർ കരുതുന്നതിന്റെ വൈരാഗ്യം; അല്ലാതെ പിന്നെന്താണ്?

ഗൗരി പറയുന്നത് പലതും ഒട്ടും വിശ്വാസയോഗ്യമല്ല എന്ന് ശ്യാമിന് മനസിലായി. മാത്രവുമല്ല നാളെ ശ്യാമിനോടും ഇതു തന്നെയായിരിക്കാം ഗൗരിയുടെ മനോഭാവം എന്നും തോന്നി. അതൊന്നും അവൻ പുറത്ത് കാണിച്ചില്ല.

അടുത്ത ദിവസം അവർ കണ്ടപ്പോൾ ശ്യാം പിന്നെയും കാര്യങ്ങൾ ഓരോന്നായി ചോദിച്ചു മനസിലാക്കി.

ഗൗരിക്ക് ഒരു കാമുകനുണ്ട്. അങ്ങേയറ്റം നല്ലവൻ, സർവ്വഗുണ സമ്പന്നൻ. പക്ഷേ കല്യാണത്തിന് മുൻപ് അവളെ തൊടുക പോലും ഇല്ല എന്ന് ശപഥം ചെയ്തവൻ.

ഒരു തവണ സിനിമയ്ക്ക് തീയറ്ററിൽ പോയിട്ട് ഒന്ന് സ്പർശിച്ചു പോലുമില്ല. അത് അവൾക്ക് നന്നായി സ്‌ട്രൈക്ക് ചെയ്തു എന്ന് പല തവണ പറഞ്ഞതിൽ നിന്നും ശ്യാമിന് മനസിലായി.

ഗൗരിക്ക് അതുപോലുള്ള അനശ്വര പ്രണയത്തിലൊന്നും വിശ്വാസമില്ല. കാമുകനുമായി അടുപ്പമുള്ളപ്പോൾ തന്നെയാണ് മറ്റ് നാലു പേരോടും ബന്ധപ്പെട്ടത്.

അത് അറിഞ്ഞപ്പോൾ ശ്യാമിന് വിഷമമായി.

അത് മനസിലാക്കിയ ഗൗരി പറഞ്ഞു

“ഞങ്ങൾ സ്‌നേഹത്തിലാണ് എന്നത് ശരി തന്നെ; എന്നാൽ അവൻ എന്നെ