Chapter Title : ഗീതാഗോവിന്ദം 3 [കാളിയൻ]

നിന്നും അകന്ന് കട്ടിലിന്റെ തുമ്പത്താണ് കിടന്നത്.അവള് താഴെ പൊത്തോന്ന് പറഞ്ഞ് വന്ന് വീഴുമെന്ന് പേടിച്ച് ഞാൻ താഴെ പരമ്പ് വിരിച്ച് കിടന്നു.

താഴെ കിടക്കാൻ പരമ്പ് വിരിച്ചപ്പോഴും ഗീതു എന്നെ തടഞ്ഞില്ല. തലയണയിൽ തലചായ്ച്ച് നെറ്റിയിൽ കൈ വച്ച് ഉറങ്ങാൻ തയ്യാറായപ്പോ എന്റെ ഭാര്യ കട്ടിലിന്റെ ഓരം കിടന്ന് എന്നെ നോക്കി നാണത്താൽ വിരൽ കടിച്ച് പുഞ്ചിരിക്കുന്നുണ്ടായിരുന്നു. ഞാനും തിരിച്ച് ഇളിഭ്യനായി ഒരു പുഞ്ചിരി പാസാക്കി....എന്തായാലും ഒരു കാര്യം മനസിലായി. പ്രശ്നം ഗുരുതരമല്ല.... മനസ്സൊന്നാറി.....

ഇനി പെണ്ണ് കുഞ്ഞിന് വേണ്ടി വല്ല നേർച്ചയും വ്രതവും വല്ലോം എടുക്കുവാണോ ഈശ്വരാ....

പക്ഷെ അന്ന് മുതൽ എന്റെ കൗമാരക്കാരിക്ക് മറ്റൊരു മാറ്റമുണ്ടായി. ആദ്യ രാത്രി പോലുമില്ലാതിരുന്ന നാണം ഗീതുനെ പൊതിഞ്ഞിരുന്നു. എന്നോട് മിണ്ടാൻ മടി. അടുത്ത് കിടക്കാൻ മടി.. ഞാൻ വരുമ്പോ ഒഴിഞ്ഞ് മാറൽ. അഥവാ ഇനി കണ്ണുകൾ ഉടക്കിയാൽ നാണം കൊണ്ട് പെണ്ണ് ചുവന്ന് തക്കാളിപ്പഴം പോലാവും. ഞാനൊന്നും ചോദിക്കാനും പോയില്ല.കാരണം ആ നാണം കാണാൻ അത്രയ്ക്ക് ഭംഗിയായിരുന്നു. കൊറച്ച് നാള് കൂടെ അത് അങ്ങനെ തന്നെ ആസ്വാദിക്കാനെനിക്ക് തോന്നി...

സാധാരണ അവളാണ് എനിക്കെല്ലാമെടുത്ത് കൈയ്യിൽ തരുന്നത്. ബാഗായാലും ചോറ് പാത്രമായാലും എല്ലാം... ഗീതു അടുത്തൊണ്ടേൽ എന്നെ പോലൊരു മടിയൻ വേറെ കാണൂല... എന്നാൽ കഴിഞ്ഞ രണ്ടു ദിവസം കൊണ്ട് അവൾ ഒന്നും എന്റെ കൈയ്യിൽ കൊണ്ട് തരണില്ല. ബാഗ് വരാന്തയിൽ വയ്ക്കും ചോറ് പാത്രം ഞാൻ കാണത്തക്ക രീതീൽ മേശപ്പുറത്ത് വയ്ക്കും ഹെൽമറ്റ് ഞാനിറങ്ങുന്നതിന് മുന്നേ ബൈക്കിൽ കൊണ്ട് തൂക്കിയിടും.
ഇനി അഥവാ ഞാനെന്തെങ്കിലും വിളിച്ച് ചോദിച്ചാൽ അത് മുറീലുണ്ടേട്ടാ, ഫ്രിഡ്ജിന് മുകളിലുണ്ടേട്ടാ, ടി വി യ്ക്ക് സൈഡിലുണ്ടേട്ടാ എന്ന് അടുക്കളയിലോ മുറീലോ നിന്ന് വിളിച്ച് പറയും. ഞാൻ ചോദിക്കുമെന്നൊള്ളോണ്ട് നേരത്തേ തന്നെ അതൊക്കെ യഥാ സ്ഥലത്ത് പ്രതിഷ്ടിച്ചിട്ടാണ് പെണ്ണ് വിളിച്ച് പറയുന്നത്. അപ്പൊ എന്നെ അഭിമുഖികരിക്കണ്ടല്ലോ. വന്ന് എടുത്ത് തരേം വേണ്ട .. മ് നടക്കട്ടെ എത്ര നാളിങ്ങനെ പോവോന്നറിയണമല്ലോ..പിന്നെ ഇങ്ങനെ ഒളിച്ച് കളിച്ചിട്ട് ഏതേലും നിമിഷം പിടിക്കപ്പെടുമ്പോ പെണ്ണിന്റെ മുഖം കാണാനും നല്ല ചന്താ ...