Chapter Title : ഗീതയും ഞാനും [Master]

ഏതാണ്ട് ഒരു മണിക്കൂര്‍ നേരം അവര്‍ തമ്മില്‍ സംസാരിച്ചു. ശാന്ത അവള്‍ക്ക് ഒരു വാരിക നല്‍കുന്നതും ഞാന്‍ കണ്ടു.

അന്ന് ഉച്ചയ്ക്ക് ഗീത ഞങ്ങളുടെ വീട്ടിലെത്തി. ഒരു കാര്യം ഞാന്‍ കുറെ നാളായി ശ്രദ്ധിക്കുന്നുണ്ടായിരുന്നു; ചേട്ടന്‍ ഉള്ളപ്പോള്‍ അവള്‍ വീട്ടില്‍ വരില്ല. ചേട്ടന്‍ ഇല്ലാത്ത നേരം നോക്കി മാത്രമേ വരൂ.

“അപ്പു എന്തിയെ ആന്റീ” ഗീത എന്റെ അമ്മയോട് ചോദിക്കുന്നത് കേട്ട് ഞാന്‍ ഇറങ്ങിച്ചെന്നു.

“എടാ രാത്രി ഗാനമേള കേള്‍ക്കാന്‍ പോവാം” എന്നെ കണ്ടപ്പോള്‍ വിടര്‍ന്ന ചിരിയോടെ അവള്‍ ചോദിച്ചു.

ഞാന്‍ അമ്മയെ നോക്കി.

“എന്തിനാ എന്നെ നോക്കുന്നെ. നിങ്ങളെല്ലാം കൂടി പോയിട്ട് വാ. ഒത്തിരി വൈകരുത്” അമ്മ പറഞ്ഞു.

അങ്ങനെ ഞങ്ങള്‍ ആറുപേരും കൂടി സന്ധ്യയോടെ ഇറങ്ങി. അടുത്തുള്ള അമ്പലത്തിലെ ഉത്സവത്തിന്റെ അവസാനദിനം ആയിരുന്നു അന്ന്. ദീപാരാധന കഴിഞ്ഞാലുടന്‍ ഗാനമേള തുടങ്ങും. പിന്നെ വെളുക്കുവോളം നിരനിരയായി പരിപാടികള്‍ ആണ്. ഞങ്ങള്‍ക്ക് പക്ഷെ ഗാനമേള കണ്ടിട്ട് വരാന്‍ മാത്രമേ അനുമതി ഉള്ളായിരുന്നു.

കുട്ടികള്‍ മുന്നിലും ഗീതയും ഞാനും പിന്നിലുമായി നാട്ടുവഴിയിലൂടെ അമ്പലത്തിലേക്ക് നടന്നു. അവിടേയ്ക്ക് പോകുന്ന ധാരാളം പേര്‍ റോഡില്‍ ഉണ്ടായിരുന്നു. അമ്പലത്തിലെ ചെണ്ടമേളം അങ്ങകലെ ഞങ്ങള്‍ക്ക് കേള്‍ക്കാമായിരുന്നു. ഗീത ഒരു കറുത്ത ടീഷര്‍ട്ടും അതെ നിറമുള്ള അരപ്പാവാടയുമാണ്‌ ധരിച്ചിരുന്നത്. മുട്ടിനു താഴെ അവളുടെ വെളുത്തുകൊഴുത്ത കണംകാലുകള്‍ നഗ്നമായിരുന്നു.

“ഞാന്‍ ഉടനെ കല്യാണം കഴിക്കുന്നില്ല”

കുറെ നേരം ഒന്നും മിണ്ടാതെ നടന്നു കഴിഞ്ഞപ്പോള്‍ ഗീത പറഞ്ഞു. ശാന്ത അവളെ കണ്ടതിനെപ്പറ്റി അറിയാന്‍ അതിയായ ഉദ്വേഗം ഉണ്ടായിരുന്ന ഞാന്‍, അവള്‍ തന്നെ അതെപ്പറ്റി പറയണേ എന്ന് പ്രാര്‍ഥിക്കുന്നുണ്ടായിരുന്നു. ഇപ്പോള്‍