"ഏയ്.. അതിനൊരു ചാൻസും ഇല്ല ഗീതു," ഞാൻ പറഞ്ഞു. അപ്പോൾ എന്റെ കൈകൾ അവളുടെ അരക്കെട്ടിൽ ചുറ്റിപ്പിടിച്ചിരുന്നു. "ആര് പറഞ്ഞു," എന്റെ കരവലയത്തിൽ സുഖത്തോടെ ചേർന്ന് നിന്നുകൊണ്ട് അവൾ കുസൃതി നിറഞ്ഞ ഭാവത്തോടെ ചോദിച്ചു. "എന്നാ പറ, ആരാ? ആരാ ആൾ?" അവളുടെ മുഖത്തോട് മുഖം അടുപ്പിച്ചുകൊണ്ട് ഞാൻ ചോദിച്ചു. "അറിഞ്ഞിട്ടെന്നാ ഇത്ര അത്യാവശ്യം?" ഗീതിക സ്വരം മാറ്റാതെ പറഞ്ഞു. "ഗീതു...!" എന്റെ സ്വരം ഞാനറിയാതെ ഉയർന്നു. എന്റെ മനസ്സ് മുഴുവൻ പൂർണ്ണ നഗ്നനായ, അപരിചിതാനായ ഒരാൾ എന്റെ ഭാര്യയുമായി കിടപ്പറയിൽ കെട്ടിമറിയുന്ന രംഗങ്ങൾ കൊണ്ട് നിറഞ്ഞു. പക്ഷെ എനിക്ക് ഒട്ടും മനസ്സിലാകാത്തത് മറ്റൊരു കാര്യമോർത്താണ്: എന്തുകൊണ്ടാണ് എന്റെ അരക്കെട്ടിൽ ഒരനക്കം? ഒരു മുറുക്കം? "ശരി!" ഗീതികയുടെ സ്വരം ഗൗരവപൂർണ്ണമായി. "അറിയാൻ ഇത്ര താല്പര്യമാണെങ്കിൽ പറയാം! ഹാർട്ടറ്റാക്ക് വന്ന് മരിക്കണ്ട!" ഞാനവളുടെ മുഖത്തേക്ക് ആകാംക്ഷയോടെ നോക്കി. ആരുടെ പേരാണ് ഗീതിക പറയുവാൻ പോകുന്നത്? ഈശ്വരാ! എന്നും കാണുന്ന, തോളിൽ കൈയ്യിട്ട് നടക്കുന്ന ആരെങ്കിലുമൊരാളാണോ? അവളും എന്റെ കണ്ണുകളിലേക്ക് നോക്കി. നിമിഷങ്ങൾ കടന്നുപോയി. അയാളുടെ പേരുച്ചരിക്കാൻ അവളുടെ മനോഹരമായ ചുണ്ടുകൾ വിടരുന്നതും കാത്ത് ഞാനിരുന്നു. "എന്റെ ...എന്റെ..." ഗീതിക പറയാൻ തുടങ്ങി. എന്റെ ഹൃദയം പെരുമ്പറ കൊട്ടാൻ തുടങ്ങി. "എന്റെ ആദ്യ ഭർത്താവ്!" അവൾ പെട്ടെന്ന് പറഞ്ഞു. "ഏഹ്!!"

അവളുടെ ഉത്തരം കേട്ട് എന്റെ വായ് തുറന്നു. "വലിയ മറൈൻ എഞ്ചിനീയറൊക്കെയാ!" അവൾ ചിരിച്ചു. "ഇത്രെയേ ഉള്ളൂ ആൾ എന്നിപ്പോൾ മനസ്സിലായില്ലേ? നിങ്ങളെ കൂടാതെ വേറെ ആരേലും എന്റെ ലൈഫിൽ വന്നിട്ടുണ്ടോ എന്ന് രാജേഷേട്ടൻ ചോദിച്ചു. ഞാൻ പറഞ്ഞു, ഉണ്ട്. നേരത്തെ ഞാൻ ഒരാളുടെ കൂടെ ജീവിച്ചിട്ടുണ്ട്. ഏട്ടനെ ഞാൻ കാണുന്നതിന് മുമ്പ്. എന്റെ ആദ്യ ഹസ്ബൻഡ്. ആ മനോരോഗി," "ഓഹ്!" ഞാൻ തലയിൽ കൈവെച്ചു. ആശ്വാസമാണോ, നിരാശയാണോ അപ്പോൾ തോന്നിയത്? ഞാൻ സംശയിച്ചു. "എന്നുവെച്ചാൽ നീ..." "യെസ്!" പരിഹാസമാണോ സന്തോഷമാണോ എന്ന് തിരിച്ചറിയാൻ പറ്റാത്ത തരത്തിലുള്ള ഒരു