Chapter Title : ഗീതികയുടെ ഒഴിവ് സമയങ്ങൾ 23 [Smitha] [Climax]

പറഞ്ഞു മുഴുമിപ്പിക്കുന്നതിനു മുമ്പ് ചുറ്റും നില്‍ക്കുന്നവരുടെ കൈകള്‍ രമേശന്റെ ദേഹത്ത് വീണു.

“അരുത്!”

ഫാദര്‍ ഗബ്രിയേല്‍ ഇടയ്ക്ക് കയറി.

“ഇയാള്‍ ചെയ്തത് തെറ്റാണ്! പക്ഷെ നമുക്ക് ആരെയും ശിക്ഷിക്കാനുള്ള അധികാരവുമില്ല...”

ആളുകള്‍ അടങ്ങി.

“രമേശാ...”

ആളുകളുടെ ഇടയില്‍ പതുങ്ങിപ്പമ്മി നില്‍ക്കുന്ന രമേശിനോട് ഫാദര്‍ ഗബ്രിയേല്‍ പറഞ്ഞു.

“ഹൈലി എജ്യൂക്കേറ്റഡ് അല്ലെ നീ? നീ ചെയ്യുന്ന പോലെ ഒരു കുറ്റകൃത്യം മനുഷ്യരാരേലും ചെയ്യുവോ? പിഞ്ചുകുഞ്ഞിനെ നീ...! എന്നിട്ട് ആ കുറ്റം മറ്റുള്ളവരുടെ മേല്‍ വെച്ച് കെട്ടാന്‍ നോക്കി! ദൈവം അത്ര പെട്ടെന്ന് ഒന്നും പൊറുക്കത്തില്ല കേട്ടോ!”

“ഡോക്റ്റര്‍ പറഞ്ഞത് ഫാദര്‍ ആ സമയത്ത് വന്നില്ലരുന്നെങ്കില്‍ എന്‍റെ കുഞ്ഞ് ...കുഞ്ഞ് ..നമുക്ക് നഷ്ട്ടപ്പെട്ടെനെ എന്നാ....”

ഗീതിക വിതുമ്പിക്കൊണ്ട് പറഞ്ഞു.

അപ്പോഴേക്കും കൂട്ടത്തില്‍ ഉള്ള ഒരാള്‍ ഫോണ്‍ ചെയ്യുന്നത് എല്ലാവരും കണ്ടു.

“വിളിച്ചത് നൂറിലേക്കാ...”

ഫോണ്‍ ചെയ്ത് കഴിഞ്ഞ് അയാള്‍ പറഞ്ഞു.

“നമ്മടെ ഫ്ലാറ്റില്‍ തന്നെയല്ലേ സബ് ഇന്‍സ്പെക്റ്റര്‍ സുധാകരന്‍ താമസിക്കുന്നെ? ആള് ഇപ്പം ഇവിടെ എത്തും! പാവം ചാക്കോയേയും കുഞ്ഞുമോനെയും അവരൊക്കെ ബാക്കി വെച്ചിട്ടുണ്ടാകുമോ ആവോ!”

പാവം ചാക്കോ!
അയാള്‍ അത് പറഞ്ഞപ്പോള്‍ ഞാന്‍ ഗീതികയെ നോക്കി.
അവള്‍ ദേഷ്യത്തോടെ എന്നെ നോക്കി.
ഞാന്‍ കുറ്റബോധം നിറഞ്ഞ കണ്ണുകളോടെ അവളെയും.

[അവസാനിച്ചു ]