Chapter Title : ഗോൾ 6 [കബനീനാഥ്]

അവൾക്ക് കാണാൻ സാധിച്ചില്ല……

കിടക്കയിലുള്ള തന്റെ ഫോൺ മിന്നിയണയുന്നത് കണ്ടു കൊണ്ട് അവൾ പെട്ടെന്ന് ഫോണെടുത്തു നോക്കി……

പ്രീവിയസ് ലിസ്റ്റിൽ ഫോൺ പേ കണ്ടതും അവൾക്ക് സംഗതി മനസ്സിലായി……

ശബ്ദം പുറത്തു വരാതിരിക്കാൻ സൈലന്റ് മോഡിലിട്ടായിരുന്നു ഓപ്പറേഷൻ…

സുഹാന അകമേ ഒന്ന് ചിരിച്ചു…

റീ- ചാർജ്ജ് ചെയ്തതാണ്..

അവൾ പിന്നിലേക്ക് തിരിഞ്ഞു നോക്കിയതും സല്ലു തല വലിച്ചു പിൻമാറുന്നത് അവൾ കണ്ടില്ലെന്ന് നടിച്ചു…

പിൻ നമ്പർ അവനറിയാം……

തനിക്ക്‌ ഫോൺ - പേ റെഡിയാക്കി തന്നതും അവനാണ്…

ഇതു പോലെ തന്നെയാണ് പലപ്പോഴും അവൻ ഫോൺ റീ ചാർജ്ജ് ചെയ്യുന്നത്.

പഴയ സല്ലുവിന്റെ കള്ളത്തരം ഉള്ളിലേക്ക് വന്നതും സുഹാനയുടെ മനം കുളിർത്തതിന്റെ ബഹിർസ്ഫുരണം അധരങ്ങളിലുമുണ്ടായി..

സമയം ഉച്ച കഴിഞ്ഞിരുന്നു…

പുറത്ത് ഉണക്കാനിട്ട വസ്ത്രങ്ങളുമായി സുഹാന കയറി വന്നപ്പോൾ സല്ലുവിന്റ മുറിയിൽ നിന്ന് പാട്ടു കേട്ടു…

അവൾ ചെന്ന് നോക്കിയപ്പോൾ പാട്ടുകേട്ട് നല്ല ഉറക്കത്തിലാണ് കക്ഷി……

അവൾ ഉണർത്താൻ പോയില്ല…

മേലാക്കത്ത് സല്ലുവിന് കൂട്ടുകാർ കുറവാണ്…

അതുകൊണ്ട് തന്നെയായിരിക്കുംആരും വിളിക്കാത്തതും കാണാൻ വരാത്തതെന്നും സുഹാന ഊഹിച്ചു……

വൈകുന്നേരമായി……

ഷെരീഫിന്റെയും സഫ്നയുടെയും സുൾഫിക്കറിന്റെയും വോയ്സുകൾക്ക് മറുപടി കൊടുത്ത് റൂമിനു പുറത്തിറങ്ങിയതും സല്ലു ആരോടോ ഫോണിൽ സംസാരിക്കുന്നത് അവൾ കേട്ടു..

നാളെ വരുമെന്ന് ഉറപ്പു കൊടുത്തുള്ള സംസാരം കേട്ടതും അവൾക്ക് സംശയമായി……

ആരോടാണ് സംസാരം… ?

ആരാണ് മറുവശത്ത്… ?

അവൾ ചെവിയോർത്തെങ്കിലും പിന്നീടു വന്ന സംസാരത്തിന് വ്യക്തത ഉണ്ടായില്ല……

അബ്ദുറഹ്മാൻ വന്നു……

ചായയുമായി ചെന്നത് സുഹാന തന്നെയായിരുന്നു…

അവളുടെ മുഖത്തു നിന്നും സല്ലുവിന്റെ മാറ്റം അബ്ദുറഹ്മാൻ വായിച്ചെടുത്തു……

“ ഒരു