Chapter Title : ഗോമതി മുതൽ ഷീല വരെ [Chullan]

രമണീയമായ ഒരു ഗ്രാമം ആയിരുന്നു ഞങ്ങളുടേത്. ഞങ്ങളുടെ ഗ്രാമത്തിലെ പ്രധാന സ്ഥാപനങ്ങൾ ഒരു ഹൈസ്കൂളും ഒരു വായനശാലയും ആയിരുന്നു. ആ കാലത്തു വാഹന സൗകര്യങ്ങൾ കുറവ് ആയിരുന്നു. ടൗണിലേക്ക് ട്രിപ്പ് വക്കുന്ന ജീപ്പുകൾ ആയിരുന്നു ആകെ ഉണ്ടായിരുന്ന ആശ്രയം. ബസിൽ കയറണമെങ്കിൽ രണ്ടു കിലോമീറ്റെർ പോകണം.

ഞങ്ങളുടെ പറമ്പിൽ എല്ലാത്തരം കൃഷികളും ഉണ്ടായിരുന്നു. ഏലം, കാപ്പി, കുരുമുളക്, തെങ്ങ് , കവുങ്ങ്, മാവ്, പ്ലാവ്, കപ്പ , ചേന കാച്ചിൽ എന്ന് വേണ്ട എല്ലാം പറമ്പിൽ ഉണ്ടായിരുന്നു. രണ്ട് പണിക്കാർ എപ്പോഴും പറമ്പിൽ പണിയാൻ കാണും. നേരത്തെ നെൽകൃഷി ഉണ്ടായിരുന്നു. പിന്നീട് വയൽ എല്ലാം നികത്തി ഏലം വച്ചു. ഞങ്ങളുടെ വീടിന്റെ അടുത്തുള്ള റോഡ് മൺ റോഡായിരുന്നു.

റോഡിൽ നിന്നാൽ വീട് കാണാൻ സാധിക്കില്ലായിരുന്നു, അതുപോലെ മരങ്ങൾ നിറഞ്ഞു നിന്നിരുന്നു. റോഡിൽനിന്നും വീട്ടിലേക്ക് നടപ്പുവഴി മാത്രമേ ഉണ്ടായിരുന്നുള്ളു. റോഡിൽ നിന്നും ഒരു ഇരുനൂറ് മീറ്റർ മാറിയായിരുന്നു വീട്. നൂറ് മീറ്ററോളം വഴിയുടെ രണ്ടു വശവും ഏലം ആയിരുന്നു. അത് കഴുഞ്ഞു കാപ്പി. വീട് ഓടിട്ടതാണെങ്കിലും വലിയ വീടായിരുന്നു. കാപ്പികുരുവും മുളകും ഒക്കെ ഉണക്കണം എന്നുള്ളതുകൊണ്ട് വലിയ മിറ്റം ആണ് ഉണ്ടായിരുന്നത്. മിറ്റത്തിന് വശത്തായി പശുവിന്റെ തൊഴുത്തുണ്ടായിരുന്നു . രണ്ടു പശുക്കളും കിടാക്കളും ഉണ്ടായിരുന്നു. കൂടാതെ കോഴി മുയൽ, പട്ടി പൂച്ച എന്നിവയെയും വീട്ടിൽ വളർത്തുന്നുണ്ടായിരുന്നു.

ഞാൻ പഠിക്കുന്ന സ്കൂൾ അടുത്ത് തന്നെ ആയിരുന്നു. ഉച്ചക്ക് ഞാൻ വീട്ടിൽ വന്നാണ് ഭക്ഷണം കഴിച്ചിരുന്നത്. ഞാൻ  പഠിക്കാൻ മിടുക്കനായിരുന്നു. അതുകൊണ്ടു  ഞാൻ ഒരു ഹീറോ ആയിരുന്നു.  തോറ്റു തോറ്റു പഠിക്കുന്ന