Chapter Title : ?ഗോപികാവസന്തം? 2 [അജിത് കൃഷ്ണ]

അരുൺ ഇതൊക്കെ ആലോചിക്കാൻ എന്ത് ഇരിക്കുന്നു... എന്തിന് പേടിക്കുന്നു ഞങ്ങൾ ഒക്കെ അവിടെ ഇല്ലേ പിന്നെ ഇന്ത്യക്ക് പുറത്ത് ഒന്നുമല്ലല്ലോ..

അരുൺ :അതിപ്പോൾ ഞാൻ എന്താ പറയുക തീരുമാനം എന്റെ മാത്രം അല്ലല്ലോ അവൾക്കും..

ഗ്ലോറി :അവൾക്ക് നൂറുവെട്ടം സമ്മതം അരുണിന്റെ കാര്യത്തിൽ ആണ് അവൾക്ക് ഒരു ചാഞ്ചാട്ടം.....

അരുൺ :അതിപ്പോൾ അതിന്റെ ആവശ്യം ഉണ്ടോ.. എനിക്ക് ഒറ്റയ്ക്ക് തീർക്കാൻ ഉള്ള പ്രശ്നം മാത്രമേ ഇപ്പോൾ ഉള്ളു. ഞാൻ ചിലവ് ആണ് ഉദ്ദേശിച്ചത്..

ഗ്ലോറി :ഞാൻ പറഞ്ഞില്ലേ പറയുമ്പോൾ എളുപ്പം ആയിരിക്കും പക്ഷേ അത് പ്രവൃത്തികം ആക്കാൻ നിങ്ങൾ പുരുഷന്മാർക്ക് വലിയ മടിയാണ്. അരുണേ നാടൻ ചിന്തകളെ ഇനി എങ്കിലും പുതിയ രീതിയിൽ ചിന്തിച്ചു തുടങ്ങി കൂടെ...

അരുൺ :അത് ഇത്ര ദൂരെ ഒക്കെ..

ഗ്ലോറി :അരുണേ ഞങ്ങളെ വിശ്വാസം ഇല്ലേ.. അവൾ ഈ വീട്ടിൽ ഒറ്റയ്ക്ക് ഇരുന്നു തുരുമ്പ് അടിക്കുന്നത് കണ്ടപ്പോൾ സഹിച്ചില്ല. ഒരു ജോലി ആകുമ്പോ ഒറ്റയ്ക്ക് ഉള്ള മടിപ്പും മാറും ഒരു ജോലിയും ആകും..

അരുൺ :ഉം..

അവൻ ഗോപികയുടെ മുഖത്തേക്ക് നോക്കി. അവളുടെ സന്തോഷം കണ്ടപ്പോൾ അരുണിന് പിന്നെ എതിർത്തു പറയാനും തോന്നിയില്ല. എന്നാലും അവന് മനസ്സിൽ എന്തോ വല്ലാത്ത വിഷമം തോന്നി...

അത് കഴിഞ്ഞു അവർ നാലു പേരും ചേർന്നിരുന്നു ഫുഡ്‌ കഴിച്ചു. ഉച്ച കഴിഞ്ഞു ഗ്ലോറിയും ജോണും തിരികെ വീട്ടിലേക്ക് പോയി. അരുൺ അതിനെപ്പറ്റി ആലോചിച്ചു വരാന്തയിൽ കസേരയിൽ ഇരുന്നു ഉറങ്ങി പോയി..

സമയം രാത്രി 8ആയപ്പോൾ ആണ് ഗോപിക വന്നു അരുണിനെ തട്ടി വിളിച്ചത്.

ഗോപിക :അരുണേട്ടാ എഴുന്നേറ്റെ ഇതെന്തു ഉറക്കമാ...

അരുൺ കണ്ണ്‌ തിരുമി ചാരു കസേരയിൽ നിന്ന് എഴുന്നേറ്റു ചുറ്റും നോക്കി..

അരുൺ :ഒരുപാട് ഇരുട്ടിയോ..

ഗോപിക :പിന്നല്ലാതെ... എന്ത് ഉറക്കമാ ഇത്.

അരുൺ :എടി ട്രെയിനിൽ കിടന്നു ഉറങ്ങാൻ പറ്റിയില്ല അത്ര തിരക്ക് ആയിരുന്നു. ഇവിടെ വന്നിരുന്നതും ഉറങ്ങിയതും ഒരുപോലെ ആണ്...

ഗോപിക :എന്നാൽ അവിടെ ഇരുന്നു ഉറങ്ങിയത് മതി ബാക്കി റൂമിൽ കിടന്നു ഉറങ്ങാം...

അരുൺ :പിന്നല്ലാതെ ഞാൻ ദാ വരുന്നു മോളെ...