Chapter Title : ഹന്നാഹ് ദി ക്വീൻ [Loki]

തന്ന നാട്ടിലെ ഫോട്ടോസൊക്കെ നോക്കി ജിത്തൂനെ വെയിറ്റ് ചെയ്തിരിക്കുവർന്നു ഞാൻ.
അപ്പഴാണ് ഫോട്ടോസിൽ ഒന്ന് എന്റെ കണ്ണിൽ പെട്ടത്. ഒരു ചെറിയ കുളം. എന്താണെന്ന് അറിയില്ല ഭയങ്കരമായൊരു അട്ട്രാക്ഷൻ.അടുത്തിരുന്നു നോവൽ വായിക്കുവർന്ന അച്ഛനോട് ഞാൻ ചോതിച്ചു.

"അച്ഛാ ഇത് എവിടെയാ "

"എവടെ നോക്കട്ടെ "

എന്റെ കയ്യിന്നു ഫോൺ വാങ്ങിയ അച്ഛൻ ആദ്യം അത് കണ്ട് ഒന്ന് നെട്ടിയെങ്കിലും അത് പുറത്ത് കാണിക്കാതെ എന്നോട് ചോതിച്ചു.

"നിനക്കിതു ആരാ അയച്ചു തന്നത് "

"അപ്പൂപ്പൻ.. എന്തു പറ്റി "

എന്തോ അലോയ്ച്ചു കൊണ്ട് അച്ഛൻ തുടർന്നു.

"ഒന്നുല്ലടാ അത് അച്ഛന്റെ തറവാട്ടിലുള്ള കുളം ആണ്.. ഇപ്പൊ അതൊന്നും ഉപയോഗിക്കാറില്ല "

അതും പറഞ്ഞോണ്ട് അച്ഛൻ നോവൽ വായന തുടർന്നു.അപ്പൊ തന്നെ ജിത്തുവും കേറി വന്നു.

അച്ഛൻ ആയിരുന്നു മേക്കപ്പ് ചെയ്തു തരാമെന്ന് ഏറ്റത്.എന്നെയും ജിത്തൂനേം കണ്ണടച്ച് ഇരുത്തി എന്തോക്കെയോ കാട്ടിക്കൂട്ടിക്കൊണ്ടിരുന്നു അച്ഛൻ.

"കണ്ണ് തുറക്കട്ടെ അച്ഛാ.. വല്ലോം നടക്കോ "

"ഒന്ന് അടങ്ങിയിരിക്കെടാ..5 മിനിറ്റ് കൂടി ഇപ്പൊ കഴിയും "

കുറച്ചു കൂടി കഴിഞ്ഞു അച്ഛൻ തുടർന്നു.
"ഓക്കെ രണ്ടാളും കണ്ണ് തുറന്നോളൂ "

കണ്ണ് തുറന്നു നോകിയ ഞാനും ജിത്തും ഒരുമിച്ച് നെട്ടി.. അമ്മാതിരി വാമ്പയർ ലുക്ക്‌.

"ശോ അല്ലെങ്കിലും വിഷ്ണു അങ്കിൾ അടിപൊളിയാ അല്ലേടാ സിദ്ധു "

"പിന്നേ എന്റെ അല്ലെ അച്ഛൻ.. അച്ഛാ ആ പല്ല് കൂടി സെറ്റ് ആക്കിതാ വേഗം "

അങ്ങനെ കോസ്റ്റും ഒക്കെ ചേഞ്ച്‌ ചെയ്തു കിച്ചണിൽ ആയിരുന്ന അമ്മയോടും യാത്ര പറഞ്ഞു ഞാനും ജിത്തും ഇറങ്ങി.